Көрнекіліктер: плакаттар, жеміс-жидек, шарлар, тақырып жазылған плакат, жыл мезгілдерінің суреті т.б

Өткізілу бағдарламасы:
1. Сахна мәдениеті. /костюм/
2. “Күз нақыштары” мәнерлеп оқу.
3. “Күз ырғағы” өнер көрсету. /ән, би,күй/
4. “Күз байлығы” /қолөнер, аспаздық өнер/
5. “Бұл қай кезде болады?”. / жұмбақ жасыру/

Кештің жүргізілу барысы:
Ән. “Бүлдіргенге барамыз”

1-жүргізуші:
Құрметті, ұстаздар, оқушылар
“Ұнатам күзді мен!” мерекесін
Бастауға рұқсат етіңіздер!
Болғанда бүршік өмір басы көктем,
Қоңыр күз-небір жеміс қырман басы,
Бұл өмір келер күнге ғашық еткен,

2-жүргізуші:
Бүгін еңбегіміз жанып, қырманымыз дәнге толған күн. Той-құдайдың қазынасы деген, күз мерекеміз құтты болсын!

1-жүргізуші:
Берекеміз арта берсін! Егеменді елімнің дастарханы ортаймасын. Мерекемізді бастайық, халайық!

2-жүргізуші:
Енді сіздер бүгінгі кешімізге әділ баға беретін алдарында отырған әділ-қазылар алқасымен таныстырып өтейін. (әділ-қазылар алқасы таныстырылады)

1-жүргізуші:

Сымбатына сән киім жарасатын,
Аспандағы айменен толысатын.
Өнеріне сәні сай келіп тұрған,
Жастарымызға қызығып қарасасың.

/Оқушылар кезекпен шығып өз костюмдерін көрсетеді.
Сахна мәдениетіне көңіл бөлінеді./

2-жүргізуші:
Өнерлі менің достарым
Өмірге көп қосқаным
Молайтыңдар шаттықты
Ән айтыңдар бақытты.

/Мәнерлеп оқу сайысы/
1-жүргізуші:
Шалқытып мерекеде ән салайық,
Өнерпаз өрендерге тамсанайық.
Осынау тойға келген қонақтарды
Құрметпен барлығымыз қарсы алайық.

/Өнер көрсету сайысы/
2-жүргізуші:
Бұл байлық, байлық емес, көктен түскен
Мұндайлық бақыт бізге жеткен күштен,
Көктемгі іс, жаздағы ауыр еңбек күзде,
Диханның бақ мерейін еткен үстем.

/қолөнер, аспаздық өнер/
1-жүргізуші:
Күз алдымен сарғайды
Күлімсіреп алдайды.
Сары алтынсың сары күз
Дедік сонда бәріміз.

/жеміс-жидектер туралы жұмбақ сайысы/

2-жүргізуші:
Аққудай өрнек салған көл бетіне
Әнші бала ән салсын тербетіле
Бұралып тал шыбықтай, тұла бойы,
Шаттық пен күлкі үйірілсін келбетіне

Ән. “Ұстазым”
Шамшурин Айдос
Баймукашева Мадина

Ән. «Мектебім»
Тұяқова Еркежан

1-жүргізуші:
Жеңістер мен жеңілістен тұратын,
Өмір-күрес, жеткіземе шыңына
Қатысуда бір жеңіс, уа, достарым
Жан салсаң сен мейірлене ұғатын.

Ортаға әділ-қазылар мүшелері шақырылады.

Ән. “Балалық шақ”
Шамшурин Айдос
Қорытынды.