| Сабақтың тақырыбы: Төрт түліктің кеңесі
Сабақтың мақсаты: 1. Оқушылардың өткен тақырыптардан алған білімдерін
қайталау. Төрт түлік жайындағы білімдерін тереңдете түсу.
«Төрт түліктің кеңесі» тақырыбымен таныстыру. Тақырыптың
мазмұнын ашатын төрт түліктің маңызын, пайдасын, қасиетін
түсіндіру.
2. Сөйлеу, әңгімелеп айта білу, өз ойларын жеткізе білу
қабілеттерін, сөздік қорларын дамыту.
3. Бір-бірінің айтқанын тыңдап, сыйлай білуге, төрт түлікті
құрметтеп, еңбектің қадірін білуге баулу.
Сабақтың көрнекілігі: слайдтар, нақыл сөздер, таратпа материалдар, суреттер
Сабақтың түрі: интерактивті сабақ
Сабақтың әдіс-тәсілдері: кластер әдісі, сұрақ-жауап, түсіндіру, ойын
Сабақтың құрылымы:
Кіріспе бөлім
а) Ұйымдастыру кезеңі
ә) Психологиялық дайындық
б) Бүгінгі сабақтың мақсатымен таныстыру
2. Негізгі бөлім
а) Үй тапсырмасын тексеру
ә) Өткен тақырыптарды қайталау
б) Жаңа тақырыппен таныстыру
в) Бекіту
ІІІ. Қорытынды бөлім
а) Қорытындылау
ә) Үйге тапсырма беру
б) Бағалау
Сабақтың барысы:
Сынып оқушылары «Қошақаным», «Ботақаным», «Бұзауқан», «Құлыншағым» топтары болып бөлініп отырады.
Оқушыларды тыныштыққа шақыру. Оқу құралдарын даярлау.
Психологиялық дайындық жүргізу.
Білімді ұрпақ – ел болашағы. (Екі рет қайталату)
Бүгінгі сабақта біз төрт түлік жайындағы білімімізді тиянақтап, жинақтаймыз.
Қазір әрбір топ өз ауылдарын таныстырады.
Ауыл атауы ненің төлін білдіреді?
Қошақан – қойдың төлі, ботақан – түйенің төлі, бұзауқан – сиырдың төлі, құлыншақ – жылқының төлі.
Төрт түліктің атасын ата.
Жылқы атасы – Қамбар ата, Сиыр атасы – Зеңгі баба, Түйе атасы – Ойсылқара,
Қой атасы – Шопан ата, Ешкі атасы – Сексек ата.
Әрбір топ өздеріне қатысты жаттаған тақпақтарын айтады. Үй тапсырмасын тексеру. Тапсырманы тақтада орындайды.
Төрт түлікті қалай шақырамыз?
Сиырды – аухау, аухау, қойды – пұшайт, пұшайт, ешкіні – шөре, шөре,
түйені – көс, көс, жылқыны – құрау, құрау деп шақырамыз.
Малдардың даусына қарап қалай атаймыз?
Қой – маңырайды, жылқы – кісінейді, сиыр – мөңірейді, түйе – боздайды.
Малдың төлдеуін қалай атайды?
Бие – құлындайды, қой – қоздайды, ешкі – лақтайды, түйе – боталайды,
сиыр – бұзаулайды.
Төрт түлік нені қорек етеді?
Түйе – алабота, теріскен, сиыр – жоңышқа, өлеңшөп, қой – жусан, ошаған
ешкі – жантақ, ебелек, жылқы – қоға, жоңышқа, сұлы
Төрт түліктің пайдасы.
Әрбір топ өздерінің пайдасы туралы айтады. Кластер құрастыру.
Өзім ұсынамын.
Түйе – байлық, қой – мырзалық, ешкі – жеңілдік, жылқы –сәндік, сиыр – ақтық
Жаңа тақырып. Төрт түліктің кеңесі.
Мәтінді оқушыларға оқыту. Әрбір топ өз түлігіне қатысты өлең жолдарын оқиды. Түсіндіруге тырысады. Өзім де қосымша түсіндіремін. Оқушыларға оқыту.
Мәтіннен сөздердің мағынасын ашатын тіркестерді теріп жазғызу.
Берілген сөздер Мәтіндегі осы сөздердің мәні
1. Тұрмыс жағдайы төмен адам
2. Еңбекқор адам
3. Батыл, өжет адам
4. Шаруасы жақсы, бай адам
Суретке қарап қай түлік қай жерді қалайтынын белгілеп, суретін қою.
Төрт түлікті бағып-күтуге байланысты еңбек түрлерін ата. Малға жем-шөп, су береді. Қыста жылы қораға қамайды. Ауырса емдейді. Ұры, бөріден сақтау үшін күзет қояды.
Сергіту сәті. «Қошақаным» әнін айтқызу.
Дәптермен жұмыс
Тыйым сөздерді жазғызу.
Малды аяқпен теппе.
Атты бастан ауыздықпен ұрма.
Түйені таяқпен айдама.
Мал әбзелдерін лас жерге, аяқ астына тастамайды.
Мал ұстайтын құралдарды аттамайды.
Малға ұрсуға, тіл тигізуге болмайды.
Әрбір топқа жұмбақ жасыру Кезікті бір жануар,
Үстінде екі тауы бар.
Осы төрт түлікке қатысты ою-өрнек түрлері де бар. Төрт түлікке байланысты ертегілер бар. Тағы қандай ертегінің түрлерін білесіңдер?
Үйге тапсырма беру.
Бағалау
Айналайын, торпақ,
Бола берме қорқақ.
Айналайын, қозым,
Малдан жуас бозым.
Құлдырайды құлын,
Желбірейді тұлым.
Айналайын, ботам,
Қандай күлте жотаң.
|