Коллеги - педагогический журнал Казахстана
Наша библиотека
| Главная » Файлы » В помощь учителю » Дошколенок |
Жаңа Жыл
| 2014-01-26, 7:03 PM | |
| Тобы: "Айгөлек" Уақыты: 10:00 Тақырыбы: Қош келдің , Жаңа жыл! Мақсаты: Балаларды көпшілікке, шағын сахнаға шығуына көмектесу. Балалардың есте сақтау қабілетін дамытуға тәрбиелеу, тілін дамыту, сөздік қорын молайту. Бастаушы: Құрметті қонақтар ,ата-аналар, сүйікті балдырғандар,міне тағы да бір жылды артқа тастап ,тағы да бір жылды қарсы алғалы отырмыз. Өткен жыл біз үшін, еліміз үшін жақсы, бейбіт, тыныш жыл болды. Балдырған бөбектеріміз жасына жас қосып, тағы да бір жасқа өсті. Келе жатқан жаңа жыл, жемісті жыл болсын! Балалар, мен сендерге бірнеше жұмбақ жасырамын. 1) Шанамен зырлап желетін, Шаңғы, коньки тебетін, Аққала жасап ойнайтын, Қай мезгіл деп ойлайсың? (Қыс) 2)Өзі таудың етегінде өседі, Жаңа жылда үй төріне көшеді. (Шырша) 3)Қысты ғана болады, Ұстасаң қолын тоңады. (Қар) 4)Зулап түсіп төменге, Шықпас менсіз төбеге. (Шана) Топпен: Қош келдіңіз ата-ана, Қарсы аламыз орын беріп. Ән салыңыз бізбен бірге, Би билеңіз бізге еріп. Барлығы шыршаны айналып Шырша жырын айтады. Бастаушы: Ақ таяғы қолында, Ойын күлкі жанында. Күте оны шартарап, Сый дорбасын арқалап, Жаңа жыл сайын келетін. (Аяз ата) Балалардың жауабы. Аяз атаны шақыру. Аяз ата: Балаларым балғыным, Өмір гүлі шалғыным. Тілегенім жыл бойы, Сендердің денсаулығың. Кімнің әні, күйі бар? Кімнің әсем биі бар? Өнерліге беретін, Менің де қапта сыйым бар. Кел, балалар, келіңдер, Өлең айтып беріңдер. Жомарт Аяз атадан, Сыйлық алып көріңдер. Ақшақар:Жаңа жылдың жаршысы, Ақшақармын әппақ Кім би билеп, ән салып, Кім айтады тақпақ. Бастаушы: Армысың Аяз ата ақсақалым, Бармысың сұлу көркем Ақшақарым. Асыға тағатсыздық сезімменен, Тосуда өэіңізді барша қауым. Аяз ата бас қонақ боп саналады, Жер көктің бар шыршасын аралады. Енді бізге келіп тұр күлім қағып, Бар ниеті қуанту балаларды. Біз осы қасиетке тамсанамыз, Атаға арнап би билеп, ән саламыз. Қонақ кәде тағы бар біздің елде. Әсем әнмен шашу шашып қарсы аламыз. Аружан: Ал, балалар , тұрмайық, Би билейік жырлайық Аяз ата қуансын Дөңгеленіп зырлайық. Әлия:Аппақ бүгін қыр далам, Ақ дастархан жапқандай. Көңілде көп қуаныш Сәуле шашып жатқандай. Қарақат:Көңілде көп қуаныш, Әр көңілде жақсылық. Кетер жылға мың алғыс, Әкелген көп қуаныш. 1) Хор "Ойыншықтар" 2) Матрёшкалар биі. Ер балалар тобы. 3) Хор "Апам үшін" 4) Испан биі. Аружан, Қарақат, Динара, Аида. 5) Хор "Төлдер әні" 6) Өзбек биі. Дильназ, Гүлсезім. Бастаушы: Жаңа жылдық кеште, Көтереміз көңіл біз. Түсіреміз еске, Ертегілер елін біз. "Мақта қыз бен мысық" ертегісі. Мақта қыз- Аружан, мысық- Әлия, сиыр- Гүлсезім, ағаш- Дильназ, қыздар- Аида, Мөлдір, дүкенші- Қарақат, тауық- Назерке, тышқан- Айдын. Бүлдіршіндердің Аяз атаға арнаған тақпақтары. Топпен: Жақсылыққа құмармыз, Жақсы адам боп шығамыз. Таза сәби жүректен, Қабылдаңыз мың алғыс. Бүлдіршіндер Аяз атамен қоштасады. | |
| Просмотров: 977 | Загрузок: 0 | | |
Вторник, 2024-04-16, 7:21 AM
Приветствую Вас Гость
Приветствую Вас Гость
Форма входа |
|---|
Категории раздела | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|