Главная » Файлы » В помощь учителю » Казахский язык и литература |
2015-01-10, 10:21 PM | |
Сабақтың тақырыбы: Көсемшенің түрленуі. Сабақтың мақсаты: 1.Оқушылардың өткен сабақтар бойынша алған білімдерін қайталай отырып бекіту. Оларға көсемше, оның түрленуі туралы мағлұмат бере отырып, жаттығу жұмыстары арқылы білімдерін нығайту. 2.Оқушылардың жаттығу және тапсырмалар арқылы ойлау есте сақтау және шығармашылық қабілеттерін, тіл байлығы мен сөйлеу мәдениетін қалыптастыру. 3.Оқушыларды жаттығу мәтіндері арқылы адамгершілікке достыққа, бірлікке, шапшаңдыққа, сонымен қатар таза, ұқыпты жазуға тәрбиелеу. Сабақтың көрнекілігі: интерактивті тақта, ақсүйек, перфакарталар, жұлдызшалар,бағалау плакаты. Сабақтың типі: дәстүрлі емес сабақ,(ойын сабақ) Сабақтың түрі: жаңа білімді хабарлау Қолданылатын әдістер:АКТ,СТО,ойын технолгиясы, сұрақ- жауап, баяндау. Пәнаралық байланыс: халықтық педагогика Сабақтың жоспары: І. Ұйымдастыру. ІІ.Үй тапсырмасын тексеру. ІІІ.Жаңа сабақ. 1. Көсемше туралы мағлұмат беру. 2. Жаттығулар орындату. 3. «Орамал тастау.» 4. «Бәйге» 5. Перфакартамен жұмыс. 6. «Ұқсастығын тап.» ІV. Бекіту. 1 «Мейірімді жүрек»ойыны V . Қорытындылау. Сабақтың барысы: І.Ұйымдастыру. – Сәлеметсіңдер ме, балалар! Отырыңдар . Бүгінгі сабақта кім жоқ? Ендеше барлығымыз тақтаға назар аударайық. Ойна балам, Болмай алаң, Ештеңеден қауіптенбей. Балалығың жалындаған Жайнай түссін бейне гүлдей.- деп бүгінгі сабағымызда ойын ойнай отырып, жаттығу жұмыстарын жасаймыз. ІІ. Үй тапсырмасын тексеру 1. «Ақсүйек» ойыны. - Ең бірінші «Етістік» тарауы бойынша алған білімімізді есімізге түсіріп алайық. Ол үшін сендер «түн» дегенде, көздеріңді жұмасыңдар, «күн» дегенде көздеріңді ашасыңдар. Кімнің алдында сүйек жатса, сол сұраққа жауап береді. Әрбір дұрыс жауапқа бір-бір жұлдызша беремін. Ал сабақ соңында әрбір бала өз- өздеріне баға қояды. - Етістік дегеніміз не? - Етістіктің неше шағы бар? - Етістіктің райлары дегеніміз не? - Қандай мағыналық түрлері бар? - Есімше дегеніміз не? - Оның жасалу жолы қандай? 2.Жаттығу жұмысын тексеру. ІІІ.Жаңа сабақ. 1.Көсемше туралы мағлұмат беру. - Өте жақсы балалар! Енді бүгінгі сабағымызға көшейік. Бүгінгі сабағымыздың тақырыбы «Көсемшенің түрленуі». Қане, кім айтады, көсемше дегеніміз не? Олай болса тақтаға қарайық. - көсемшемін, көріңіздер дара тұлғам. Етістіктен ерекше жаратылғам. Екі түрлі қызметті мен де атқарам Үстеу және етістік санатынан. -а, -е,-й, -ып,-іп,-п деген жұрнақтарым Қолдансаң сөз тудырады қанатынан -қалы,-келі,-ғалы,-гелі жұрнақтарым Тұлғасы жіктелмейтін санатынан -дейді көсемше өзін-өзі таныстырып. (3 слайд)- Көсемше де, есімше сияқты екі түрлі мәнде, екі түрлі қызметте жұмсалады. Ол бірде тікелей жіктеліп не күрделі етістіктің негізгі етістік сыңары болып, нақты қимылды білдірсе, енді бірде қимылдың амалын білдіріп, үстеу қызметінде қолданылады. Көсемшенің жасалу жолдары.(5 слайд) Көсемшелер жіктеліп сөйлемде баяндауыштың қызметін атқарады.(6 слайд) -қанекей, «Орамал тастау» ойыны арқылы мына көсемшелерді жіктеп жіберейік: жаз, келіп. - Мен орамалды тастап бастаймын, кімнің алдында орамал жатады сол ойынды ары қарай жалғастырады. 2. Жаттығу жұмыстары. - «Ойна да, күл Оқы да, біл.» демекші ойнай отыра миымызға құя отырайық. «Бәйге » ойыны (8слайд). Жарыса отырып, мына сөздерді жіктеп шығыңдар: оқып, біле сұрай, айта, - Келесі орындайтын жаттығуымыз№198.(9слайд) - «Қыз қуу» ойыны. 199-жаттығу. Перфакарталармен жұмыс. Көсемше Түбірі Жұрнақ Жалғау 200-жаттығу: «Менің орным қайда?» ойыны. Үстеу Етістік 201-жаттығу. Өлеңді мәнерлеп оқып шығыңдар. Венн диаграммасын толтырыңдар. Есімше Көсемше Жеткенде есейіп Салғанда өсіп Жарқылдаған уралап Келген үйіріп Деген істемей Сенер болмай Жалындаған жайнай ІV. Бекіту. 1. «Мейірімді жүрек» берілген көсемшелерді пайдалана отырып, бір- бірімізге тілек жазайық. V.Қорытындылау. 1. Үйге тапсырма беру: ереже жаттау, 202-жаттығу. 2. Бағалау: мына плакатта аттарың жазылған, әркім өзіне қандай баға қояр екен. | |
Просмотров: 1781 | Загрузок: 0 | Комментарии: 1 | |
Форма входа |
---|
Категории раздела | |||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
Социальные закладк |
---|
Поиск |
---|
Друзья сайта |
---|
Статистика |
---|