Главная » Файлы » В помощь учителю » Казахский язык и литература |
2016-02-26, 11:44 AM | |
Ахмеджанова Ардак Маратовна Бурабай ауданы Щучинск қаласының № 8 мекетеп-гимназиясының Қазақ тілі мен әдебиеті мұғалімі Сабақтың тақырыбы: Мұражай экспонаттары Сабақтың мақсаты:Мұражай экспонаттары туралы мәлімет беру, балалардың тілін, ой-өрісін дамыту, сөздік қорларын молайту, әдемі көркем жазуға дағдыландыру, пәнге деген сүйіспеншілігін арттыру, мұражайлар туралы кеңінен білуге тәрбиелеу. Сабақтың міндеттері: Мәтінді сауатты, түсініп оқуға дағдыландыру, бұрынғы өткен сабақтан алған мәліметтерін тереңдету, ойда қалғандарын нақтылау; сөз таптарын практикалық жолмен меңгерту; Оқушылардың өз бетінше білім алу мүмкіндігіне сүйене отырып, олардың танымдық қызығушылығын арттыру; Сауаттылыққа, дұрыс сөйлей білуге, адами қасиеттерге тәрбиелеу I. Ұйымдастыру кезеңі. II. Үй жұмысын тесеру. Мәтінді мазмұндау III. Сабақтың мақсатын, барысын айту. IV. Жаңа тақырыпты түсіндіру. 1. «Морфология» саласын қайталау 2. Президенттік мәдениет орталығы – сөз құрамына талдау, септеу 3. Мұражай, орталық – сөздеріне морфологиялық талдау жасау 1-тапсырма. Мәтінді түсініп оқу. Төменде берілген тапсырмаларды орындау. 2-тапсырма. Сөйлемдерге синтаксистік талдау жасау. 1) Қазақ халқы уақытының басым көпшілігін ат үстінде өткізгендіктен, ердің жасалу түрлеріне көп мән берген. 2) Ерді қайың ағаштан жасап, тұзды суға қайнатып, иленген түйе терісімен қаптайды. Синтаксистік талдаудың үлгісі 1. Сөйлемді оқып, дауыс ырғағын анықтау. 2. Сөйлемді мағынасына, құрылысына, құрамына қарай анықтау. 3. Сөйлем мүшелерін анықтау. 4. Сөйлем мүшелерін шартты белгілермен сызып көрсету. V.Сергіту сәті №12 3-тапсырма. «Орталық мұражайдағы экспонаттар» мәтіні бойынша диалогті толықтыру, өзара сөйлесу. - Орталық мұражайдың археологиялық қорында нелер бар? - 11-15 ғасырлардағы Қазақстанның ежелгі қалаларының материалдық мәдениетінен нақты мәлімет беретін заттар, түркі жауынгерлерінің қару-жарақтары, Ұлы Жібек жолы арқылы жеткен шет ел тауарлары мол. - Мұражай қорында нелер сақталған? - Мұнда Қазақстанның әр өңірінен жинақталған халқымыздың материалдық мәдениетінің ескерткіштері, түрлі шаруашылық жөне тұрмыстық бұйымдары, әшекейлер, ұлттық киім-кешектер, ыдыс-аяқтар, кілем, алаша, сырмақ, түскиіз секілді этнографиялық мүліктер сақталған. - Этнографиялық мүліктерді атаңдар. - Торсық, кесеқап, мес, ер-түрман, жүген, өмілдірік, құйысқан, қамшылар. - Қандай әшекейлік бұйымдар жиналған? - 19 ғасырдың аяғы мен 20 ғасырдың басында қазақ зергерлерінің күмістен жасаған әшекейлік бұйымдары жинақталды. VІ. Сабақты қорытындылау. Бағалау VIІ. Үй тапсырмасы. Қайталау. VІІІ. Рефлексия. Не үйрендік? Не білдік? | |
Просмотров: 1986 | Загрузок: 0 | |
Форма входа |
---|
Категории раздела | |||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
Социальные закладк |
---|
Поиск |
---|
Друзья сайта |
---|
Статистика |
---|