Коллеги - педагогический журнал Казахстана
Учительские университеты
| Главная » Статьи » В помощь учителю » Школьный психолог |
Семинар "Шаршаған мұғалімге кеңес"
| Жалпы білім беретін Нығманов атындағы орта мектеп Мектеп психологы: Жапарова Д.Б. «Шаршаған мұғалімдерге кеңес» Мақсаты: оптимист, бақытты адам болуға шақыру. І. Жеке басқа және өмірге арналған кеңестер. Бірінші кеңес. Өз өміріңіздің жылдамдығын басыңыз! Тез өмір сүрмеу қажет, жақсы өмір сүру қажет! Иә, түсінікті – қазіргі біздің уақытымызда қиын орындалатын кеңестердің бірі. Ал енді еске түсірейік, жануарлардың ішінде ең жай қимылдайтыны кім? Иә, дұрыс тасбақа, ойша оның қозғалысының жылдамдығын еске түсірейік. Мен сіздерді тасбақа болуға шаршамаймын. Біздің жылдамдық темпіміз бен өміріміздің стилі біздің денсаулығымызды бұзады, жүйке жүйемізді әлсіретеді, өмірімізді қысқартады, үнемі жүгіріп, асығып тұру адамды шаршатады да. Біз қайда асығамыз? Бәрібір барлығын бірдей үлгеру мүмкін емес. Сонымен қатар мұның барлығы не үшін қажет? Өз әрекеттерімізді талдап, артығын алып тастауды бір жетіге жоспарлап, қол дәптеріңізге жазып қойыңыз: азық-түлік дүкеніне бару, шаштаразға бару, киім-кешек дүкеніне кіріп шығу, банкке бару т.с.с. Күн сайын теледидар көргенді тоқтатыңыз. Сізде бос уақыт пайда болады, әрі жүйке жүйеңіздің шаршағаны басылады. Үй тірлігінің барлығын өз мойныңызға алуды тоқтатыңыз. Еш мақсатсыз дүкендер мен базарлар аралағанды тоқтатыңыз. Тоқтату арқылы ақшаны әрі өз күшіңізді үнемдейсіз. Психологтардың бақылауынша, әйелдер дүкенге кіргенде дүкеннің барлық бөлімдерін басынан аяғына дейін қарап шығады, сөйтіп мүлдем жоспарламаған нәрсесін сатып алады. Ал ерлер болса, дүкенге кірісімен, өзіне қажет нәрсесін тауып алып, сатып алады және бірден дүкеннен шығып кетеді. Иә, қымбатты әйелдер қауымы! Дүкендерді нағыз еркектерше аралайық! Кеңестерге қосымша: Жұмыс күнінен кейін үйге жаяу қайтыңыз. Осы уақытта басқа адамдарды бақылаңыз. Бақылаңыз, талдаңыз, өзіңізге сұрақ қойып оған жауап іздеңіз. Сергіту сәті: Тест: «Сіз қандай жұмысшысыз?» Суретте жылқының силуэті бейнеленген. Сіздің міндетіңіз – осы картинаны аяқтау, оның сырт келбетін бейнелеу арқылы және оның жанына қажет фонды салу. Атқа жағымды, жайлы жағдай жасаңыз. Бұл тестте жылқы – бұл өзіңізсіз. Бұл түсінікті де, өйткені көп жұмыс істейтін адамдарды жұмысшы жылқылар деп те атайды. Сіздің жылқының сырт келбетін қалай бейнелегеніңізден, сіздің қандай жұмысшы екеніңізді көруге болады. • Егер сіз жылқының сырт келбетіне басты назар аударсаңыз (тұяғын, жалын және аяғын салсаңыз), онда сіз еңбектене білесіз, бірақ жұмысты бір арнада істемейсіз. Сіз еңбекқор адам емессіз. • Егер сіз жылқының бет әлпетіне басты назар аударсаңыз (көзін, тұмсығын,ауызын кекілін,т.б салсаңыз), онда сізде жұмысқа романтикалық қатынас басым,сізде иллюзиялар мен үміттер толы. Сіз бұрын еш жерде жұмыс істемеген өте жас маман болуыңыз да ықтимал. Егер сіздің жасыңыз үлкен болса, онда шаттану, қуану сізге тән. • Егер сіз жылқының әрбір қылын салсаңыз, ұсақ-түйек нәрсеге көп уақыт жұмсасаңыз, бұл сіздің тер төгуді қажет ететін еңбектерді атқаруды ұнататындығыңызды білдіреді. Барлық нәрсені дер кезінде орындайсыз. Өзіңізге және басқаларға сын көзбен қарайсыз. Сізге кез келген жұмысты сеніп тапсыруға болады, сіз бастаған жұмысыңызды соңына дейін жеткізетін өте еңбекқор адамсыз. Бірақ та сізбен бірге істеу қиын, өзіңіздің бірбеткейлігіңізбен адамды шаршатасыз! • Егер сіз жылқыны шөпке немесе алаңға қойсаңыз, бұл сіздің жақсы жағдай жасалған жерде жұмыс істегіңіз келетіндігіңіздің белгісі,сіз тұйықтарды, шектеу қоятын жұмыстарды ұнатпайсыз. Тәуелсіз болғанды қалайсыз. • Егер сіз жылқыға жүген салсаңыз немесе қамыт кигізсеңіз, онда сізге қысыммен жұмыс істеген ұнамайды. • Егер сіз жылқының алдына суы бар тегеш немесе жем қойсаңыз, онда бұл сіздің жұмыс істеуіңіз үшін жақсы жағдайдың жасалуын қажет еткендігіңіздің белгісі. • Егер сіз жылқыға салт атты адамның суретін салсаңыз. Онда сіз өз бетіңізше жұмыс істей алмайсыз, біреудің бағыт беруімен немесе әмірімен жүресіз. Сізге біреудің сізді басқарғаны ұнайды. Жақсы сабақ дайындау рецептісі. Әрбір сабағыңызға: • 12 порция ақылдылық • 11 порция шыдамдылық • 10 порция батылдық • 9 порция жұмысқа қабілеттілік • 8 порция оптимизм • 7 порция өз ісіңе берілушілік • 6 порция ойлануды • 5 порция мейірімділік • 4 порция демалыс пен денсаулық туралы ойды • 3 порция юмор • 2 порция такт • 1 порция әр балаңызға үміт қосыңыз. ЕСКЕРТУ: Өз сабағыңыздың дәмді және тәтті болуы үшін, 1 қасық жақсы көңіл-күй, 1 шымшым шыдамдылық, дәміне қарай ойындар қосыңыз және бетіне жақсы мейірімді әзіл себіңіз. Өз тағамыңызды жайдары күлкіңізбен, қуаныштың белгісімен әрлеңіз. Осы рецептіні үнемі пайдаланыңыз, ингредиенттерін үнемі қолданыңыз. Астарыңыз дәмді болсын қымбатты әріптестер! Мұғалім еңбегіне және шығармашылығына деген тәбеттеріңіз ашылсын! | |
| Просмотров: 1427 | Комментарии: 1 | |
Четверг, 2024-04-25, 2:45 PM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|