Главная » Статьи » В помощь учителю » История |
7 сынып Қазақстан тарихы Сабақтың тақырыбы: Монғолдардың Қазақстан жерін жаулап алуы Сабақтың мақсаты: Монғол империясының құрылуы, моңғолдардың Қазақстан жеріне шапқыншылығы, оның тигізген зардаптары жайлы айтып түсіндіру. Сабақтың дамытушылық мақсаты: Оқушылардың сөйлеу, ойлау қабілетін арттыру, қзіндік жұмыстарды жүргізу, өз бетімен жұмыс істеуіне жол ашу, дәптерге әдемі жазуға үйрету. Сабақтың тәрбиелік мақсаты: Өз елін, жерін сүюге, елжандылыққа тәрбиелеу. Сабақтың жүргізу әдісі: Сыни тұрғыдан ойлау. Оқушыларды 5 топқа бөліп отырғызу. Сабақта пайдаланылған көрнекіліктер: 1. ХІІ-ХІV ғ. Қазақстанға монғол- татар шапқыншылығы картасы. 2. Тірек-сызба. 3. Шынғысханның суреті. 4. Отырар қаласының макеті. 5. Кодоскоп. 6. «Туған жер» толғауы музыка қою. 7. Мұсылман жылнамашысы Жүзжанидің сөзі «Қыпшақ даласының ауасы мен суын көрген Жошы әлемде бұдан көркем жер, бұдан кең жайылым болуы мүмкін емес» -деген екен. Сабақың барысы: 1. Ұйымдастыру бөлімі. 2. Жаңа сабаққа көшу Сабақтың жоспары: 1. Монғол империясының құрылуы 2. Монғол империясының қоғамдық құрылысы 3. Монғолдардың Қазақстанды жаулап алуы, зардаптары 4. Ұлыстардың құрылуы. Сабақтың І-бөлімі.Қызығушылық ояту.(сұрақ қою) Мұғалім сөзі. Балалар, сендер Отан туралы, ел, туған жер туралы қандай мақал-мәтелдер білесіңдер? Оқушылар өздері білетін мақал-мәтелдерін айтады. - Иә, біздің тарихымыз ерлікке бай, еліміздің бостандығы үшін күрескен батырларымыз, бабаларымыз аз болған жоқ.. Олар жерін, елін жаудан қорғап қалу мақсатында жан аямай күресті .Бүгінгі біздің ұлт болып қалыптасуымызды көздеген небір көсемдер ел қамы үшін, түн ұйқысын төрт бөліп, ат үстінен түспей, қолдағы найзасынан бір сәт ажырамаған. Монғол-татар шапқыншылығы- бұл қазақ халқының өміріндегі сұмдық ауыр кезең болды. Бүгінгі тақырып жөнінде жалпы не білесіңдер? Оқушылар Шыңғысхан туралы білетіндерін айтады. 1. Осы Монғолдар туралы, Шыңғысхан туралы мәліметтерді біз қай деректерден аламыз? 2. Көшпелі шонжарлар құрылтайы туралы әңгіме құрап жіберіңдер. 3. Мұғалім «Монғол империясының қоғамдық құрылысы» тірек сызбаны (тақтада ілініп тұр) көрсете отырып түсіндіреді. Сабақтың ІІ-бөлімі. Мағынаны ажырату (жауаптар іздеу, зерттеу) Тақырып бойынша белгілі бір ой қалыптасқаннан кейін мәтінмен жұмыс жасауға көшеміз. Оқу барысында қарындашпен белгілеп отырып, «түртіп алу» жұмысын жүргіземіз. Білемін Жаңа тың мәлімет Тереңірек білгім келеді Шыңғысхан Құрылтай, Яса т.б. Ұлыстар, жаулап алу жорықтары т.б. Карточкалармен жұмыс жүргізу. «Цифрлер сөйлейді» 1207-1208 жыл 1207-1209 жыл 1211-1215 жыл 1217-1218 жыл Мына кілт көздерден әңгіме құрастыр Жетісу, мұсылман, монғолдар Зерттеушілер тобы Отырардың опаты жайлы зерттеу жұмыстарынан әңгімелеп береді. Бұл жерде музыка қойылады. Мұхтар Шахановтың «Отырар» өлеңін пайдалану. Макеттен Отырардың өртенуі көрсетіледі Сабақтың ІІІ бөлімі. Ой толғаныс. Алған білімдерін бекіту іс әрекетін қолдана отырып, әр топқа жеке-жеке тапсырмалар беріледі. І-топтың тапсырмасы.Монғол империясы құрамына күштеп енгізілген елдерді топтастыру. ІІ-топтың тапсырмасы.Жаулап алудың зардаптарын топтастыр. ІІІ-топтың тапсырмасы. Шыңғысхан империясының құрамына қандай жерлер енгізілді. Әңгіме құрастыру. ІV-топтың тапсырмасы. Көшпелі шонжарлар құрылтайы жайлы әңгіме құрастыр. V-топтың тапсырмасы. Шыңғысхан әскерінің жеңіске жетуінің сыры неде деп ойлайсыңдар? Мұғалім сөзі: Шыңғысхан жаулап алған ижерлерін өз балаларына бөліп берген. Қазақстан жері оның үш баласының қол астына қарады. Бөлініп берілген жерлер «Ұлыс» деп аталды. Мұғалім әр ұлыстарды картадан көрсетіп, түсіндіріп оқушыларға ұлыстарды бөліп береді. І-топ Жошы ұлысына кесте сызу ІІ-топ Шағатай ұлысына кесте сызу ІІІ-топ Үгедей және Төле ұлыстарын қосып кесте сызу ІV-топ Шыңғысхан әскерінің қару жарақтарының суретін салу V-топ Зерттеуші топқа тапсырма. Шыңғысханның әулетінен тараған төре ұрпақтары жайлы, «Даналық ағашы» суретін пайдаланып эссе құрастыру. Бекіту. Сабақты пысықтау «Кім көп біледі» ойынын ойнату. Кодоскопты пайдаланып мына терминдер, цифрлар көрсетіледі. Оқушылар олар туралыи түсінік береді. 1155 жыл Жошы Құрылтай Есукей Шағатай 150000 Яса Үгедей 1206 жыл Отырар Төле Сығанақ Қайырхан Ашнас 1219 жыл Бағалау. Үйге тапсырма: «Шыңғысхан» тақырыбы бойынша эссе жазу. | |
Просмотров: 1312 | Комментарии: 2 | |
Форма входа |
---|
Социальные закладк |
---|
Поиск |
---|
Друзья сайта |
---|
Теги |
---|
Статистика |
---|