Главная » Статьи » В помощь учителю » Казахский язык и литература |
Сабақтың тақырыбы: «Білімдіден шыққан сөз, Талаптыға болсын кез» Сабақтың мақсаты: Қазақ халқының ұлы ақыны Абай Құнанбаев туралы әңгімелеу.Оның ұлылығы туралы сөз қозғау. 1. Білімдік: Абай Құнанбаевтің өмірі мен шығармашылығы туралы әңгімелеу. Абайдың өлеңдерін талдау,саралау. 2. Тәрбиелік: Абайдың өлеңдеріндегі тәлім-тәрбие алу туралы сөз қозғау. Алдына қойған мақсатына жете білу. Өз талабын дамыту Әнге, өлеңге деген қызығушылық ояту. Қазақтың ұлттық аспабы-домбыраға деген сүйіспеншілік арттыру. 3. Дамытушылық: Шығармашылық қабілетін дамыту. Қазақша сөйлеуге дағдыландыру. Талдау жұмыстарын жасау. Оқушылардың ізденісін арттыру. Көрнекілік: Портреттер, суреттер, қима қағаздар. Сабақтың барысы: І.Ұйымдастыру кезеңі: -Сәлемдесу -Оқушылардың сабаққа қатысуын тексеру -Сынып тазалығын тексеру -Оқушы назарын сабаққа аудару. ІІ. Жаңа тақырып. -Бүгін сабақта қазақ халқының ұлы ақыны Абай Құнанбаев туралы әңгімелесіп, өткен сабақты берітеміз.Сабақтың тақырыбы «Білімдіден шыққан сөз,Талаптыға болсын кез». -Абайдың ұлылығы неде?Оған қандай себеп болды? Абай туралы айта берсек, сөз жетпейді, күн жетпейді.Абайды оқу керек, бірақ ең негізгісі-түйін жасау, сабақ алу. -Осында отырғандардың бәрінің бір нәрсеге талабы бар. Сендер алдарыңа қойған мақсаттарың немесе армандарың бар. Үйде соны ойлап, қазір дайындаған сурет,фотоларды мына плакатқа желімдеп қойыңдар.( оқушылар өз мақсатын немесе арманы туралы айтып, суретін плакатқа желімдеп қояды). Бұл плакатқа біз кейін ораламыз. -Балалар, Абай ұлы ақын, философ, аудармашы, әнші-композитор деген сөздермен келісетін шығарсыңдар. Енді осы сөздердің мәнін ашып берейік. 1.Абай-ұлы ақын.-Абайдың қандай өлеңдерін жатқа білесіңдер?(оқушылар бірнеше өлеңін жатқа айтады) « Көзімнің қарасы» атты өлеңіне Ангелина оқып, түсініп иллюстрация жасады. -Бұл өлеңдердің тақырыбы қандай? «Өлең сөздің патшасы...»-өлең «Ақ киімді денелі, ақ сақалды »-қыс. «Ғылым таппай мақтанба...»-білім. Өлең,қыс, білім сөздеріне морфологиялық талдау жасау. 2. Абай-философ, ойшыл. Оны қалай дәлелдей аласыңдар? -Дұрыс, ол Абайдың қара сөздері.38 қара сөзінен оқу. Синтаксистік талдау жасау. Білімсіздік-хайуандық болады. Талапсыздық,жігерсіздік, ұятсыздық, кедейлік-бәрі осыдан шығады. Адам баласына дұшпан болса, адамнан бөлінеді, бір жыртқыш хайуан хисабына қосылады. Абай қандай шығармалар аударған? Бізге Нариман мәлімет дайындап әкелді.(Гете-Лермонтов-Абай Ұлылардың үндестігі.Композитор Рубинштейн бұл өлеңге әнін жазған. Қуаныш осы өлеңдерді үш тілде орындалғанын таспаға жазып әкелген.Ендеше оны тыңдайық. Ал Томирис бұл өлеңді үйде оқып келіп, әсер алып өз ойын сурет арқылы бейнеледі. 4.Абай-әнші-композитор. Абайдың әншілік лирикасы халық халық әндерінен бөлек, оқшау тұрған ән өнері. Халық әндерінде сөзі ұмытылса да, әніне басқа сөз жазып айтыла берген. Ал Абайдың бұл өнерге енгізген жаңалығы-әр саздың өз сөзі, мәтіні болуы керек. Абай өз әндерінде қазақтың халық әні мен орыс халқының ром ансын үйлестіре біліп, жаңа музыкалық стиль ашқан.( Абайдың «Желсіз түнде жарық ай» әнін тыңдан бірге қосылып айту. Ал қазір Аяулы Абайдың сүйіп тыңдаған күйін домбырада орындап береді. ІІІ.Қорытындылау. -Ал енді сабақтың басындағы плакатқа назар аударайық. Алдарыңа қойған мақсат немесе армандарың орындалу үшін, Талап, еңбек, терең ой, қанағат, рақым ойлап қой !!! Сабақта барлықтарың жақсы жұмыс істедіңдер, біреулерің өлең айттыңдар, сурет салдыңдар, күй тарттыңдар. Осы талаптарыңды әрі қарай өрбітіп, дамытыңдар. Ал енді кітаптарыңның 91 бетін ашып, дана сөздерді оқып шығайық. -Осындай білімді, өнеге, үлгілі, тәлім-тәрбие алатын ұлы Абай ақыннан үйренсеңдер, алдарыңа қойған мақсаттарыңа, армандарыңа жетесіңдер деп ойлаймын. ІV. Бағалау. V. Үй тапсырмасы: «Менің арманым» тақырыбына шағын шығарма жазу. | |
Просмотров: 5176 | Комментарии: 1 | |
Форма входа |
---|
Социальные закладк |
---|
Поиск |
---|
Друзья сайта |
---|
Теги |
---|
Статистика |
---|