Коллеги - педагогический журнал Казахстана
Учительские университеты
| Главная » Статьи » В помощь учителю » Казахский язык и литература |
Қазақ халқының әдет-ғұрпын білесің бе?
| «Н.Г.Чернышевский атындагы №1 жалпы орта білім беретін мектеп» КММ қазақ тілі мен әдебиет пәнінің мұғалімі Жұмағұлова Бибінұр Бекенқызы Сыныптан тыс жұмыс Тақырыбы: Қазақ халқының әдет-ғұрпын білесің бе? Мақсаты: Оқушыларға халқымыздың әдет-ғұрпы,салт-санасы туралы толық түсінік бере отырып,саналығын, ынтасын, ой-өрісін, халық педагогикасына деген көзқарасын дамыту. Көрнекіліктер: Қанатты сөздер жазылған плакат, альбом,көрме (қазақтың көне заттары,аң терісі,ұлттық киімдер «Қазағымның дәстүрі-ай» альбом. Қанатты сөздер: «Өнер-өлмес мұра», «Сіз» деген әдеп, «Біз» деген көмек».Сыныпқа екі дөңгелек үстелді,жерге оюлы текемет пен сырмақ салып,үстел үстіне ұлттық тағам түрлерін қоямыз.Оюлы тостағанға айран құйып,қасына ағаш ожау қоямыз. Оқушыларды 2 командаға бөлеміз. 1-ші команда «Болашақ». 2-ші команда «Бірлік». Эмблемасы ( домбыра,сандық) т.б. қазақтың қолданып жүрген заттарын алуға болады.Оқушылар барлығы ұлттық киіммен екі үстелге бөлініп отырады.Мұғалімдер мен ата-аналардан әділ-қазылар алқасы сайланады. I.Команданың танысуы,сәлемдесуі,әні,эмблемасы.Музыкалық үзіліс әділқазылар алқасының ұпай беруі. II.Білімдік сайыс. 1.Абай өлеңдерін 1-ші команда бастап,2-ші команданың 1 оқушысы жалғастырады. 2.Қазақтың атақты өнер иелерінен кімдерді білесіңдер? Жауабы: Ә.Днишев,Р.Рымбаева,А.Қоразбаев,Б.Төлегенова,Р.Бағланова. 3.Қазақтың қандай туыстық атауларын білесіңдер? Жауабы:Ата,апа,аға,жезде,апай,қарындас,бауыр,бөле,нағашы,жиен,немере,ене, келін т.б. 4.Жеті санына байланысты қандай музыкалық аспапты білесің? Жауабы:Жетіген аспабының шығу тарихына байланысты аңызды айтып беруі керек. Музыкалық үзіліс,ұпай беру. III.Киіз үйдің жабдықтарын атау. 1.Киіз үйдің құрылысын атаңдар. Жауабы:Шаңырақ,уық,кереге,есік,таңғыш,желібау,керме,жіп,белдеу арқан,түндік,туырлық,киіз. 2.Киіз үйге жиналатын жиһаздар? Жауабы:Сырмақ,текемет,алаша,түскиіз,төр көрпе,ағаш төсек,ошақ,жүк аяқ,көсеу т.б. Музыкалық үзіліс,ұпай беру. IV.Ұлттық тағам және киім туралы не білесіңдер? 1. «Наурыз көже» қалай жасалады? Жауабы: Жеті түрлі дәннен жасалады,оны «Құдайы көже» деп атайды. 2.Қазақ халқының ұлттық тағамдарын ата! Олардың біреуінің қалай жасалатынын айтып бер. Жауабы: Бауырсақ,жент,талқан,айран,қымыз,сүзбе,қаймаө,шұжық,май,құрт,уыз, шұбат т.б. 3.Ұлттық киім атауларын ата! Жауабы:Бүрмелі көйлек,тақия,бөрік,тымақ,саптама,етік,мәсі,камзол т.б. Музыкалық үзіліс,ұпай беру. V.Викториналық сұрақтар қою. 1.«Көрімдік», «Сүйінші» сөздері не үшін айтылады,шығу тарихын түсіндір. Жауабы: «Сүйінші»-жақсы хабар келгенде айтылады.Бұл сөз арқылы жақсы хабар,қуанышты жеткізеді. «Көрімдік»-жаңа туған баланы елге көрсетерде немесе қыз жасауын көрсеткенде,келінді ата-анасында көрсеткенде сұралады. 2.Қазақтың әдет-ғұрпын,салт-дәстүрін ата. Жауабы:Шілдехана,ат қою,тұсау кесу,қыз ұзату,құда түсу,сүндетке отырғызу жатады. 3.Ұлттық мейрамдарды ата. Жауабы: Сабан той,наурыз тойы,айт. 4.Төрт түлікті ата. Жауабы:Қой атасы-Шопан,сиыр-Зеңгі баба,жылқы-Қамбар ата,түйе-Ойсылқара,ешкі-Шекшек ата.Музыкалық үзіліс,ұпай беру VI.Қорытынды. Әр команданың жинақтаған ұпайын есептей келіп,жеңген команданы атап өтеді. Осымен мейрамымыз аяқталды.Сау болыңыздар. | |
| Просмотров: 1030 | Комментарии: 2 | |
Суббота, 2024-04-20, 8:44 AM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|