Коллеги - педагогический журнал Казахстана
Учительские университеты
| Главная » Статьи » В помощь учителю » Казахский язык и литература |
Тәрбие сағаты: «Туған тілім-тірлігімнің айғағы»
| Тәрбие сағаты: «Туған тілім- тірлігімнің айғағы» Мақсаты: Ана тілі туралы жалпы мәлімет, түсінік беру.Тіл туралы мақал-мәтелдер, нақыл сөздер айтзыза отырып, ана тіліне деген қызығушылығын арттыру, өз тілін, жерін құрметтеуге тәрбиелеу. Көрнекілігі: Қағаздарға жазылған ұлы адамдардың нақыл сөздері, мақал-мәтелдер. Эпиграф: Тіл- халық аманаты Тіл- тарих аманаты. Мұғалімнің кіріспе сөзі: -Құрметті ұстаздар, оқушылар! Сіздерді 22-қыркүйек Тілдер мерекесімен құттықтаймыз. Бүгінгі тәрбие сағатымыздың тақырыбы: «Туған тілім-тірлігімнің айғағы». Тіл әр адамға өмір бойы керек. Жер бетінде халық та,тіл де көп. «Өнер алды-қызыл тіл» деп, өз ойын шешен тілмен шебер жеткізе білгендерді ерекше бағалаған. -Құрметті ұстаздар! Енді сіздердің назарларыңызға 5 сынып оқушыларының Тілдер мерекесіне арнап, дайындаған ұлы адамдардың тіл туралы пікірлерін, нақыл сөздерді, мақал-мәтелдерді, ана тілі туралы ән-жырларын ұсынамыз. 1-жүргізуші: 22 қыркүйек-Қазақстан халықтарының тілдер күні. Туған тілім-тірлігімнің айғағы Тілім барда айтылар сыр бойдағы. Өссе тілім мен де бірге өсемін, Өшсе тілім мен де бірге өшемін. (Ә.Тәжібаев) 2- жүргізуші: -Тілдер мерекесіне арналған тәрбие сағатына қош келдіңіздер! 1-жүргізуші: -Қандай да болсын халықтың әдет-ғұрпын білгің келсе, оның тілін үйрен. 2- жүргізуші: -Біз қай Республикада тұрамыз? -Біз Қазақстанда тұрамыз. 1-жүргізуші: -Қазақстан Республикасының мемлекеттік рәміздерін атаңдар. -Қазақстан Республикасының мемлекеттік рәміздері: ту, елтаңба, әнұран. 2- жүргізуші: -Олай болса Қазақстан Республикасының әнұранын орындайық. (Қазақстан Республикасының әнұранын орындалады) 1-жүргізуші: -Қазақстан қандай мемлекет? -Қазақстан-үлкен мемлекет. -Қазақстанда 100-ден астам ұлт өкілдері тұрады. 2- жүргізуші: - Қазақстан Республикасының мемлекеттік тіл қай тіл? - Қазақстан Республикасының мемлекеттік тілі-қазақ тілі. 1-оқушы: Мен қазақтың тілімін, Беретін көп білімін. Достасатын сендермен, Жаңа пәннің бірімін. 2-оқушы: Үйретем тіл заңдарын, Сөзіме құлақ сал бәрің. Менімен тез іске асар, Ойға алған арманың. 1-жүргізуші: -Қазақстан халықтарының тілдер күніне арналған қандай тақпақтар бар, кім айтады? 3-оқушы: Сүйемін туған тілді – ана тілін, Бесікте жатқанымда-ақ берген білім. Шыр етіп жерге түскен минутымнан, Құлағыма сіңірген таныс үнім. 4-оқушы: Ана тілің – арың бұл, Ұятың боп тұр бетте. Өзге тілдің бәрін біл, Өз тіліңді құрметте! 5-оқушы: Туған тілде сыры терең жаным бар, Туған тілде әнім менен сәнім бар. Туған тілім тіл болудан қалса егер, Жүрегімді суырып-ақ алыңдар. 2- жүргізуші: -Енді «Ананың тілі-аяулы үні» әнін тыңдаңыздар. 6-оқушы: Барлық тілді үйренерсің сен әлі, Жігіт болып саналы. Қайда жүрсең өз еліңді ұмытпа, Өз елінің туын көтер жоғары. 7-оқушы: Өсірген ой, білімді, Сүйемін туған тілімді. Мақсат етем әр сөздің, Мәнін терең білуді. 8-оқушы: Мемлекеттік тілді меңгеру- әрбір Қазақстандықтың азаматтық және адамгершілік борышы. 9-оқушы: Тіл тас жарады, тас жармаса бас жарады. 10-оқушы: Тілден асқан байлық жоқ, Сөзден озған жүйрік жоқ. 11-оқушы: Өнер алды-қызыл тіл. 12-оқушы: Ана тілім бақытым мен байлығым, Ана тілім ардақтым да аяулым. Ана тілім өзіңменен дүлдүлмін, Ана тілім сенсіз қара жаяумын. 13-оқушы: Қымбат маған ана тілім, бал тілім, Қымбат маған дана тілім, ар тілім. Ана сүтімен бірге сіңген бойыма, Ана тілім ардақ тұтар ар тілім. 14-оқушы: Ана тілін жырлап өткен талайлар, Жырлап өткен Ыбырай мен Абайлар. Қасиетті менің ана тілімде, Өшпес мәңгі алаулаған алау бар. 15-оқушы: Басқа пәле тілден. 16-оқушы: Анам берген туған тілім, Атам берген құрал тілім. 17-оқушы: Тәрбие басы- тіл, Өнер алды- тіл. 2- жүргізуші: -Біздер дана адамдардың сөзін оқып, жаттап аламыз, ойымызға сақтап оны азық етеміз. 1-жүргізуші: -Енді «Өз елім» әнін тыңдаңыздар. 2- жүргізуші: -Тәрбие сағатымызға уақыт бөліп келгендеріңізге көп-көп рахмет. Сау болыңыздар! | |
| Просмотров: 2124 | Комментарии: 1 | |
Среда, 2024-04-24, 12:51 PM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|