Коллеги - педагогический журнал Казахстана
Учительские университеты
| Главная » Статьи » В помощь учителю » Начальная школа |
Жыл мезгілдері
| Сабақтың тақырыбы: Жыл мезгілдері Сабақтың мақсаты: Балалардың төрт мезгіл қыс,көктем, жаз, күз туралы түсініктерін кеңейте отырып, әр жыл мезгілінің маусымдық өзгерістері жайлы аңгімелей айтуға, мақал-мәтелдер, тақпақ арқылы жеткізуге білуге үйрету. Дамытушылық: Оқушылардың тез, шапшаң ойлау қабілеттерін арттыру. Сабақтың түрі: Аралас сабақ. Сабақтың әдісі: Сұрақ,жауап. Сабақтың пән аралық байланысы: Қазақ тілі, әдебиет, математика, дүниетану Сабақтың көрнекілігі: Интерактивті тақта, 4 мезгіл суреттері. Сабақтың барысы: Сәлемдесу Психологиялық дайындық: Аспан шайдай ашылып, Күннің нұры шашылып. Сәуірдің 23-і сәтті күн, Қонақтар келді бізге бүгін. Орнымыздан тұрайық, Амандасып алайық. (Сәлеметсіздерме!) Сабаққа деген қызығушылығын ояту Жұмбақ жасыру Бір жыл қариясы болыпты. Оның төрт ұлы, он екі немересі болыпты. (1 жыл, 4 мезгіл, он екі ай) Төрт мезгіл бойынша топқа бөлу. Ерте, ерте, ертеде атақты жыл патшалығы болыпты. Олардың 4 баласы болыпты.(Қыс, Көктем,Жаз, Күз). Осы төрт баласының мінезі әр түрлі болыпты. Жыл ақсақалы мен жыл патшайымы осы төр жылды бағып қағып өсіреді. Күндердің күнінде осы қыс, көктем,жаз,күз мезгілдері айтысып қалады.Олар былай деп айтысады. Көктем: Менен тіршілік көзі басталады. Адамдар қыстан аман щығып, жадырап, қайта түлеп, қызу еңбектерін бастайды. Табиғаттың тамаша кездері менмін. Жаз: Жарайды көп мақтанбай-ақ қой, менсіз адамдар не істеген болар еді? Егер менің аптап ыстығым болмаса егін, бау-бақшалар жиналып, қыбырлағанжанның бәрі қыс қамына кіріседі, ал сендер жеміс-жидекке тоймаған болар едіңдер. Табиғаттың ең бір жақсы кезеңі менмін. Күз: Өте дұрыс айтқандарың, бірақ адамзатқаменіңде қажетім бар.Барлық еңбек атаулының қызған шағы менде, егін бау-бақшалар жиналып, қыбырлаған жанның бәрі қыс қамына кіріседі, ал сендер жеміс-жидекке тоймаған болар едіңдер. Табиғаттың ең бір жақсы кезеңі менмін. Қыс: Пай-пай мақтануларын. Табиғаттың ең керемет кезеңімін. Менен күшті ешкім жоқ, барлық жерді ақ бояуға бояп, түрлі өрнектермен безендіріп, табиғатқа сұлулық беретін мен. Жаңа жылды менсіз қарсы алмайсыңдар ғой? Көрдіңдер ме? Табиғаттың ең күшті кезеңі менмін. -Осылай айқайласып жатқан үстіне жыл ақсақалы мен жыл патшайымы келіп қалып былай дейді: Табиғат патшайымы: Бәрекелді, Бәрің жиналып қылыпсыңдар ғой, бұл не жиын? Бәрі: Табиғаттың керемет кезеңі кім екен деп таласып жатырмыз. Табиғат патшайымы: Орынсыз таласқандарыңыз дұрыс емес. Бәрің де адамдарға керексіңдер. Сендер көктем, жаз,күз,қыс болып өзгеріп тұрмасаңдар, олар өмір сүре алмаған болар еді. Барлық кезеңнің өз кереметтері бар, сондықтан таласпай адамдарға қалтықсыз қызмет жасауға тырысыңдар. Олар табиғаттың кереметтерімен ғана күн кеше алады. Бәрі: Дұрыс-дұрыс. Орынды айтылды. Бізден қателік болды. Түсіндік. Табиғат патшайымы: Онанда мына отырған балалар біз туралы не біледі екен? Білім деңгейлерін тексерейік. Мұғалім: Иә, жыл ақсақалы мен таьиғат патшайымы көктем, жаз, күз, қыс мезгілдеріне арнаған біздің балаларымыздың өнерін, білім деңгейін тамашалаңыздар. Сергіту сәті. Топтық жұмыс: 1.Әр топ өз мезгілдері туралы шағын әңгіме кұрау, сөз таптарына талдау. 2.Әр топқа есептер шығару. 1-топ. Ұзындығы 18 см, ені 9 см тіктөртбұрыщтың периметрі мен ауданын табыңдар? 2-топ. Қаптарға картоп тең бөлініп салынды. Егер 10 қаптың әрқайсысында 50 кг картоптан болса, онда барлығы қанша килограмм картоп болғаны? 3-топ. Бөшкеде 120 литр су бар. Суаруға 12 литрден6 шелек су алынды. Бөшкеде неше литр су қалды. 4-топ. 3 қатарда 12 түп өрік, 2 қатарла 9 түп алма отырғызылды. Барлығы неше түп жеміс ағашы отырғызылды? 3. Әр топ өз мезгілдері туралы мақал-мәтел айту. 4. Суретпен жұмыс. «Ұшқыр ой» ойыны. А.Желтоқсан оқиғасы қай қалада болды.(Алматы) К.Көру мүшесі. (Көз) Г.Машина тұрағы.(Гараж) Ғ.Тоқтар Әубәкіров кім?(Ғарышкер) Д.Бізді ауырғанда емдейтін адам. (Дәрігер) С. Уақыт өлшем бірлігі(Сағат) З. Қазақстандағы көл атауы. (Зайсан) И.Жеті қазынаның бірі(Ит) Т. Төрт түліктің бірі. (Түйе) Қ. Мемлекеттік тіл. (Қазақ тілі) Л.Қышқыл жеміс. (Лимон) М. Пән атауы. ( Математика) Н. Қасиетті тағам. (Нан) П. Ең алып жануар. (Піл) Б. Суда өмір сүретін тіршілік иесі. (Балық) Ұ.Құстың үйі(Ұя) І.Киім ілетін зат(ілгіш) Ә. Үй құсы (Әтеш) Ш. Қыстағы көлік (шана) Ж. Айдалада ақ отау, аузы- мұрны жоқ отау (Жұмыртқа) Жыл ақсақалы: Ал сендер өз мезгілдерің жайлы не білесіңдер? Назерке Қыс:Мен Абай атамыздың өзіме арнаған өлең шумағын айтамын. Ақ киімді, денелі, ақ сақалды, Соқыр мылқау танымас тірі жанды. Үсті-басы-ақ қырау, түсі суық, Басқан жері сықырлап келіп қалды. Дем алысы-үскірік, аяз бен қар, Кәрі құлаң-қыс келіп,әлек салды. Ұшпадай бөркін киген оқшырайтып, Аязбенен қызарып ажарланды. Амир. Көктем: Мен туралы Абай ата былай депті. Жазғытұрым қалмайды қыстың сызы, Масатыдай құлпырар жердің жүзі. Жан-жануарлар адамзат анталаса, Ата-анадай елжірер күннің көзі. Түйе боздап, қой қоздап қорада шу, Көбелек пен құстарда сайда ду-ду. Гүл мен ағаш майысып қарағанда, Сыбдыр қағып, бұраңдап ағады-су. Елнұр. Күз: Мені Абай ата былай деп жырлайды. Сұр бұлт түсі суық қаптайды аспан, Күз болып, дымқыл тұман жерді басқан. Білмеймін тойғаны ма, тоңғаны ма? Жылқы ойнап, бие қашқан тай жарысқан. Жасыл көп бәйшешек жоқ бұрынғыдай, Жастар күлмес жүгірмес бала шулай. Қайыршы шал-кемпірдей түсі кетіп, Жапырағынан айырылған ағаш шулай. Шамшырақ. Жаз: Абай ата мені мына өлең жырларымен былай депті. Жаздыгүн шілде болғанда, Көгорай шалғын, бәйшешек. Ұзарып, өсіп толғанда. Күркіреп жатқан өзенге, Көшіп ауыл қонғанда. Шұрқырап жатқан жылқының, Шалғыннан жоны қылтылдап, Ат,айғырлар,биелер, Биірі шығып, ыңқылдап... Арасында құлын-тай, Айнала шауып бұлтылдап, Жоғары-төмен үйрек, қаз Ұшып тұрса сымпылдап... Жыл патшайымы, Жыл ақсақалы: рахмет балалар, сендер өте білімді, өнерлі екенсіңдер. Біз сендерге ризамыз. Әр топ бүгінгі сабақтан алған әсерін смайликпен көрсетеді. Мұғалім: Осымен сабағымыз аяқталды. Сау болыңыздар. | |
| Просмотров: 1724 | Комментарии: 3 | |
Суббота, 2024-04-20, 4:39 AM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|