Шығыс Қазақстан облысы, Аягөз ауданы, Мыңбұлақ ауылы «Кенқолат ф4 шағын жинақталған бастауыш мектеп» КММ Бастауыш сынып мұғалімі Мырзаханова Меруерт Мақатовна Әліппе Сабақтың такырыбы : Ц дыбысы мен әрпі Мақсаты: Ц дыбысының оқылу түрімен, жазылу түрімен таныстыру. Кедергімен айтылатынын түсіндіре отырып, дауыссыз екенін айту. Сөздің барысында ортасында қалай дыбысталатынын түсіндіру. Бас әрпімен, кіші әрпімен түсіндіру. Сөздерге дыбыстык талдау жасату. Оқушыларды сауатты жазуға мәнерлеп оқуға, сұраққа толық жауап бере отырып, ойларын толық жеткізуге тәрбиелеу. Тіл байлығын сөздік қорын, ойлау қабілетін дамыту. Көрнекілік : Циркуль, Цирк суреті, кесте әріптер, текшелер, жұмбақтар, Сабақ барысы: Ұйымдастыру кезеңі Оқушылардың сабаққа даярлығын тексеру. Психологииялық дайындық. Жүрекше арқылы әр оқушы сабаққа жаксы тілектерін айтады. – Мен өзіме және басқаға ашық аспан тілеймін. - Мен өзіме және басқаға зор денсаулық тілеймін. Бүгін бізге көп қонақтар келген екен, сендердің сабақтарыңды, тәртіптеріңді көруге, ендеше бәріміз сабаққа жақсы қатысып, тәртіпті болуға уәде береміз. Балалар біз сабағымызды бастамас бұрын үш топқа бөлініп алайық және тобымызға ат қояйық. 1 топ. Балапандар. 2 топ. Ботақандар. 3 топ. Қошақандар. Балалар мұндай жылы сөздерді көбінесе кімнен естисіңдер? Әрине аналарың, апаларың, әкелеріңнен. Балапан – құстың, бота- түйенің, қошақан- қойдың төлі. Біз бүгінгі сабағымызды Ұясынан құлап қалған балапанға көмек көрсетеміз. Ол үшін мына сұрақтарға дұрыс жауап береміз. 1 – сұрақ Тіл дамыту жұмысы. – Жел соққанда қандай дыбыс шығады - Жел уілдейді. У – у – у Текше арқылы бірде дауысты бірде дауыссыз. - Жел соққанда ағаш жапырағы қандай дыбыс шығарады - Ш – ш – ш. Ш – дыбысы ереже, тақпақ. – Маса қалай ызыңдайды - З –з –з –з. –Ит қалай ырылдайды - Р - р – р – р. -Жылан қалай ысылдайды - С – с – с – с. Біз бірінші сұраққа өте жақсы жауап бердік. Балапанды бірінші сатыға көтердік. 2 – сұрақ. Үйге қандай тапсырма берілді Щ – дыбысын оқу, жазу, жаттау. 1. Хор Щ дауыссыз дыбыс, Сөздердің басында, ортасында, аяғында кездеседі. Тақпақ. 2. Тізбектей оқыту. Балқаш. Үш – төрт оқушыға әңгімелету. 3. Кеспе әріппен жұмыс. Адасқан сөздермен сөйлем құрату. Сергіту сәті. Кел балақан, балақан Шапалақты алақан. Жай – жай – жай. Шапалақта алақан Қозғап барлық денеңді Қолды қатты соқ енді Сарт – сарт – сарт. Қолыңды қатты соқ енді. Тақылдатпа таяқты Жай – жай – жай. Ақырын бас аяқты. 3 – сұрақ. Жұмбақ. Жаңа сабақ. Алғын жерге тірей қалып, Шеңбер сызды шыр айналып. Циркуль. Бүгінгі танысатын әрпіміз Ц дыбысы. Қане бәріміз айтып көрейік. Ц-ц-ц-ц. Тіл алды, қатаң дауыссыз дыбысты белгілейтін әріп. Қатемен жұмыс. 1. Көрнекілік арқылы танысу. 2. Оқулықпен жұмыс. Цирк,цех,цемент,авиация сөздерінің мағынасына түсінік беру. 3. Ц – әріпінің баспа және жазба түрімен таныстыру. Ауада жазу. Дәптермен жұмыс. Сергіту сәні. Оқушылардың әдемі жазуына көңіл бөлу, тақтамен жұмыс, бірнеше сөйлемдер жазғызу. Біз циркке бардық. Циркте аюлар бар. Иттер футбол ойнады. 5 – сұрақ. Білімдер анаграмма. Аға сөзінің басына және аяғына дауыссыз дыбыс қоса отырып жаңа сөз жасау. Таға, ағаш,ағар,баға,жаға,ағай. 6 – сұрақ. Қандай әріппен таныстың. Ц – дыбысы. Ц- дыбысыдауыссыз дыбыс, сөздің басында ортасында кездеседі. Циркке келген кулонның доптарын сыйқырлы жәшікке Ц- дыбысынан басталатын сөз айта отырып жинасу. Балалар балапанды өз ұясына аман есен жеткіздік, жасырын сөзді оқысақ рахмет ендеше бүгінгі сабаққа бәріміз жақсы қатыстық сендерге үлкен рахмет. Оқушылардың білімін бағалау. Үйге Ц- дыбысын оқу, жазу,жаттау.
|