Главная » Статьи » В помощь учителю » Начальная школа |
Қазақ тілі пәнінде ойын технологиясын қолдану Ш.Курмангалиева,МКҚК «Құсмұрын балалар бақшасы» қазақ тілі мұғалімі Әулиекөл ауданы, Қостанай облысы Қазақстан 21 ғасырдағы өркениеті әлемнен орын алып, дамыған елдер деңгейіне жетуіне ықпал етер бірден-бір құдірет –білім және білімді ұрпақ. Екі-үш жас –баланың есте сақтау, сөйлеу қабілеттерін дамыту үшін өте қолайлы кезең. Бала тілінің уақытылы дамуы оның психикасының да толыққанды дамуын қамтамасыз ететіні белгілі, сондықтан беріліп отырған ертегі, тақпақ, санамақ, әңгімелер балалардың тілін, сөздік қорын байытуда, тілдің грамматикалық құрылымын қалыптастыруда, байланыстырып сөйлеу дағдыларын дамытуда аса маңызды. Мектепке дейінгі кіші жастағы бүлдіршіндер шығарманы оқып бергеннен гөрі, әңгімелеп бергенді ұнатады. Тақырыптың мазмұнын түсініп, диалог түрінде сөйлесуге жаттықтырады. Берілген сұрақтарға жауап беруге үйретеді. Жалпы бала өмірде ойын арқылы есейеді, ойын ойнау бала өмірінің ең қызықты кезеңі деуге де болады. Соған сай балалардың да өз жас ерекшеліктеріне байланысты ойындар легін таңдап алуға болады. Ойынның да тиімді, әрі сабаққа қатысты бар түрлері бүгінгі біздің қоғамда жетіп артылады деуге болады. Ұйымдастырылған оқу іс-әрекетінде өткізетін ойындардың өткізу түрлері: 1.Жалпы; 2.Топтық; 3.Жекелей; Ойынның атқаратың функциясы: -Көңіл аулау (негізгі атқаратын қызметі- көңіл көтеру, жандандыру, қызығушылыңын арттыру). -Қатынас:сойлеу тілін ұстарту. -Ойын терапиясы: өмірде кездесер түрлі қиындықты жеңу жолдарын көрсетеді, компьетерлік технологиялық қолданады. -Диагностикалық: қалыпты тәртіптен ауытқуды табу, ойында өзін-өзі тануға көрсету. -Әлеуметтік: адамдарды қарым-қатынас нормаларына бейімдеу. Ойын түрлерін сабақтың әр кезенде, тақырыбына қарай мұғалім өзі таңдап алып,қолданып отырады.Ұйымдастыру оқу іс-әрекетінде ойын түрінде қызықты өткізуге, балалардың ынтамен қатсуына, өз бетімен жұмыс істеуіне, өздігінен қорытынды жасауына жол ашады. Осы орайда мысалы мына ойындарды көрсетуге болады. 1.Сиқырлы қоржын (тақырып «жемістер,көкөністер», «ыдыстар» т.б. қоржын ішіне тақырыпқа сай заттарды салады). 2.Үйде кім жоқ?(тақырып «отбасы мүшелері»). 3.Аудармашы (барлық тақырыпқа келеді, мұғалім сөзді қазақша айтса бала орысшаға аударады, немесе мұғалім орысша айтса қазақша аудармасын сұрайды). 4.Не жоқ?(тақырыптар: «үй жануарлары, жабайы жануарлар, киімдер» т.б.). 5.Кімнің дауысы?(барлық тақырыптарға келеді. Бір бала шығып теріс қарап тұрады, мұғалім келесі бір баланы шақыртып жаңа тақырыптан бір сөзді айтады). Түрлі ойындарды өткізу сөзсіз оқу іс-әрекінді жандандырып, қызғушылығын арттырады. Ойын баланың басқа тілінде сөйлеу кезінде пайда болатын қысылу, ұялу секілді сезімдердін жояды. Балалардың жеңуге деген құштарлығын арттырады. Осылайша ойын түрлері баланың дұрыс сөйлеуі мен тілін дамытуда жетістікке жеткізер жолдың бірі болып табылады. | |
Просмотров: 546 | Комментарии: 1 | |
Форма входа |
---|
Социальные закладк |
---|
Поиск |
---|
Друзья сайта |
---|
Теги |
---|
Статистика |
---|