Коллеги - педагогический журнал Казахстана
Учительские университеты
| Главная » Статьи » В помощь учителю » Дошколенок |
Тақырыбы: «Торсық»
| ШҚО Семей қаласы Шулембаева Кулаш Кайсахановна «№7 «Ақ бота» ясли-бақшасы» КМҚК тәрбиешісі Тақырыбы: «Торсық» Мақсаты: балалардың ұлттық ыдыстары туралы түсініктерін қалыптастыру. Міндеттері: Білімділік: ұлттық өнерге деген сүйіспеншілігін арттыру. Дамытушылық: ата-бабаларымыздың асыл мұрасын бағалап қастерлеуге, қасиеттерін түсінулерін дамыту. Тәрбиелілік: ұлттық өнерді сүюге, еңбекке тәрбиелеу. Көрнекі- құралдар: тостаған, торсықтың түрлері бар суреттер, ыдыстар буклеті. Ұйымдастырылған оқу іс-әрекетінің барысы: Шаттық шеңбері: Шеңбер болып тұрайық, Алақанды ашайық. Күннің нұрын алайық, Таза ауаны жұтайық. Жүрекке жылу сыйлайық, Мейірімділік шоғын алайық. Жиналған жылы шуақты, Қонақтарға шашайық. Қонаққа Тазша баланың келгенін айтады. Жұмбақ жасырады: Бие сүті құюлы, Тері қабым сыйымды. Оқтауым тұр пісетін, Көмейіне сығулы. (торсық) Әңгімелесу: Тазша бала: (суреттер көрсетеді) Ертеде адамдар топырақты, құмды пайдаланып кесе құмыра жасаған. Содан кейін ағашта өңдеп, өрнектеп тостаған, торсық, ағаш қасық, шөген, аққұман жасаған. Осы ыдыстарды күнделікті тұрмыста қолданған. Торсықтың бүйірі дөңгелек, мойыны жіңішке әрі ұзын болып келеді. Торсықты алыс жолға шыққанда, күн ыстық кезде сусын құйып алып, ыңғайлы ыдыс ретінде алып жүрген. Торсық - сусын құюға арналған тері ыдыстың бір түрі. Бұл қымыз, айран сияқты сусын құюға, алып жүруге ыңғайлы ыдыс. Торсық - Орталық Азиядағы түркі халықтарының қымыз, шұбат, іркіт құюға арналған ежелгі ыдысы. Әсіресе, қырғыз, қазақ, түркімен халықтары пайдаланған. Торсық түйенің, бұғының, өгіздің мойын терісінен жасалады. Жүні жидітілген теріні қалыпқа салып пішеді де таспамен тігеді. Торсықты саба сияқты қарағайдың бүрімен немесе арша, тобылғымен ыстайды. Торсықтың түрлері: шимайторсық, өркешторсық, жанторсық, мүйізторсық. - Торсыққа қандай сусындар құямыз? Шұбат, қымыз, айран сұйық заттардың барлығы құйылады. Ыдыс жөнінде мақал-мәтелдер: Қазан қайнап тұрса, Ақыл сайрап тұрады. Ыдысын көріп – асын іш. Қарны ашқан қазанға қарар. Қазанға не салсаң, шөмішке сол ілігер. Қорытынды. Ырым-тыйым сөздер айту: - Ас ішкен ыдысты төңкеріп қоюға болмайды. - Тағам салынған ыдыстың бетін ашық қалдыруға болмайды. Жүректен жүрекке» шеңбері: Қайырымды жандар айнала, Шеңберге келсін жайлана. Жалықпастан қайта біз, Махаббат сөзін айтамыз. Сүйеміз барлық ананы, Жүрегім оттай жанады. Бақыттымыз осы біз, Қасымызда досымыз. | |
| Просмотров: 2942 | Комментарии: 1 | |
Пятница, 2024-04-19, 11:04 AM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|