Главная » Статьи » В помощь учителю » Дошколенок |
ШҚО Семей қаласы Шулембаева Кулаш Кайсахановна «№7 «Ақ бота» ясли-бақшасы» КМҚК тәрбиешісі Тақырыбы: Сәлем – сөздің атасы Мақсаты: сәлемдесу түрлерімен таныстыру. Міндеттері: Білімділік: балаларды әдептілікке, адамдармен қарым-қатынас жасай білуге үйрету. Дамытушылық: өз халқының дәстүрін, салтын, мәдениетін, әдеп-ғұрпын үйрете отырып, бойларына сіңіру. Тәрбиелік: балаларды қазақ халқының сәлем беру, сәлем алу, сәлемдесу рәсімдерін айту арқылы «Алыстан сәлем береді әдепті елдің баласы» атты нақыл сөз негізінде тәрбиелеу. Әдіс-тәсілдер: сұрақ-жауап, әңгімелесу, түсіндіру, көркем сөз. Көрнекілік: суреттер, жылжымалы папкілер «Қазақтың салт дәстүрі», «Қазақ елінің үлы ғұламалары». Үйымдастырылған іс – әрекетінің барысы: Шаттық шеңбері: Балалар топқа Құрманғазының күй әуенімен кіреді. Тәрбиеші: Балалар, бүгін біз ата дәстүрі - сәлем беру, сәлем алу сияқты қасиетті сөздермен танысамыз. Балалар шеңбер жасап тұрады. Бір-біріне сәлемдесу түрлерін айтады: - Сәлеметсіз бе? - Қайырлы күн! - Сәлеметте болыңыз! - Аман саусыз ба? - Аман-есенсіз бе? - Үй ішіңіз аман ба? - Сәлемдесу - әдептілік белгісі. Сәлемдесу - кездескен адамдардың бір-біріне аман-саулық тілеп, тілестігін ниеттестігін білдіру, әдептілік пен ізеттілік нышанын көрсетіп, жақсылыққа жарылқауы. - Тәуліктің мезгілдерін атап беріңдерші. - Таңертең, түс, бесін, кеш, түн. - Тәуліктің мезгілінде адамдар қалай бір-бірімен амандасады? - Қайырлы күн! Қайырлы таң! Кеш жарық! - Сәлеметсіз бе сөздің мағынасы «Сізді шын жүректен құрметтеп, амандығыңызды тілеп, өзіңізге бас иемін». Ал, араб тілінен енген ассалаумалейкум - «Сізге амандық тілеймін» деген мағынасын білдіреді. Мақал-мәтелдер айтысы: -Ассалаумағалейкум! «Алыстан алты жасар бала келсе, алпыстағы қария сәлем береді» - демекші, қалыңыз қалай? - «Келгенше қонақ ұялады, келген соң үй иесі ұялады» - деуші еді, келіңіз, төрге шығыңыз, қонақ болып кетіңіз. - Қонағын сыйласа, төрге шық, - дегендей, төрге шығайын. - «Жат асына қарайды, дос басына қарайды» - деуші еді аталарымыз, асқа отырыңыз. Топқа ән әуенімен ата мен жас жігіт кіреді. Қарт пен жігіттің сәлемдесу түрін көрсетеді. Жігіт: Ассалаумағалейкум, ата! Ата: Уғәләйкумассалам, балам! Жігіт: Деніңіз сау ма, аман-есенсіз бе? Ата: Құдайға шүкір, балам, жүріп жатырмыз. -Сәлеметсіздер ме, құрметті қонақтар? Төрге шығыңыздар! Балалар қонақтармен амандасады. Ата: Рахмет, балалар. Сәлем беру - амандық, инабаттылық, көрегендік, мәдениеттілік белгісі. Жігіт: Кәне, кішкентай достарым, атаның құрметіне «Жігіттер биін» билеп берейік. «Домбра» әнін орындау. Топқа әже кіреді. Қолында бауырсақ салған табақ. -- Армысыз әже? - Бар бол, балам! - Үй-іші,бала-шағаңыз аман ба? - Тәңірге тәубә, барлығы күйлі-қуатты, аман-есен. - Ылайым жақсы болсын. - Өзіңе де Алланың нұры жаусын, балам. Балалар әжемен амандасады. Әже: Мен шалымды іздеп жүрсем, менен бұрын балабақшаға жетіпті ғой. Немерелерімді сағынып, ыстық бауырсақ жесін деп, мен де жеттім. «Дастархан» әнін орындайды. Ата бата береді. Әже бауырсақтарды тәрбиешіге береді. - Ал, құрметті қонақтар, балалар, ыстық бауырсақпен шәй ішейік. | |
Просмотров: 1229 | Комментарии: 1 | |
Форма входа |
---|
Социальные закладк |
---|
Поиск |
---|
Друзья сайта |
---|
Теги |
---|
Статистика |
---|