Главная » Статьи » В помощь учителю » Дошколенок |
ШҚО Семей қаласы «№7 «Ақ бота» ясли-бақшасы» КМҚК тәрбиешісі Бұлақбаева Гүлжауһар Мұқашқызы Қазақстан Республикасы Тәуелсіздік күніне арналған салтанатты жиналыс Жүргізуші: Армысыздар құрметті балалар, қонақтар! Бүгін Қазақстан халқының ұлы әрі үлкен мерекесі, қазағымыз Егеменді ел атанып, тіліміз мемлекеттік мәртебе алып, ұлттық мәдениетіміз, салт дәстүріміз қайта оралды. Қуан халқым! Қуанатын күн бүгін, Серпіп таста мұнды жүрек түндігін Шарықтайық, шаттанайық, тынбайық Тәуелсіздік күнін бүгін халқымбірге тойлайық. Әнұран орындалады. Жүргізуші: Ерлеріміздің ерен ісімен, кешегі дүниені дүр сілкіндірген желтоқсан оқиғасымен келген, тарихымызда алтын әріптермен жазылып қалатын Тәуелсіздік, Егемендік күні мерекесіне арналған салтанатты жиналысымызды бастауға рұқсат етіңіздер. 1-бала: Отанды біз атамекен Деп аялап айтамыз. Өйткені онда мекен еткен, Бабамыз бен атамыз 2-бала: Қонақжай халықпыз, Жомартпыз дарханбыз Келешекке күндерге Үміт артқанбыз. 3-бала: Таныған жұмыр жер. Алаштың баласыү Қазақтың елі мен. Даңқты даласы. Жүргізуші: Құлақтан кіріп бойды алар, Әсем ән мен тәтті күй Көңілге түрлі ой салар Әнді сүйсең, менше сүй, - деп Абай атамыз айтқандай ендігі кезекті тамаша әнге берейік. «Атамекен» әні орындалады. Жүргізуші: Қазақстан Республикасы тәуелсіз мемлекет, елімізде ата заңымыз, тіліміз бен дініміз, төл теңгеміз, мемлекет рәміздері, әнұранымыз бар. -Балалар, Қазақстан Республикасының елбасы кім? -Қазақстан Республикасының қандай рәміздері бар? Слайд көрсету. Жүргізуші: Мынау – Елтаңбамыз. Көгілдір түс аясында шаңырақ бейнеленген. Шаңырақты күн сәулесіндей айнала уықтар қоршайды. Мынау – аңыз әңгімелердегі пырақтардың қанаттары. Бас жағында 5 бұрышты жұлдыз, ал төменгі жағында «Қазақстан» деген жазу бар. Мынау – еліміздің көк туы. Түсі ашық аспан түстес көгілдір. Ортасында шапағын шашқан алтын күн. Күн астында ұшқан қыран құс, сол жағында тігінен қазақтың ою-өрнегі салынған. Жүргізуші: Біздің мерекемізге бір топ биші қыздар құттықтауға келді. Қазақ биі орындалады. Жүргізуші: Тәуелсіздік пен мемлекеттіліктің тірегі ретінде Ата Заңның тарихи маңызы болып табылады. Ата заң – оның негізінде жаңа қоғам, жаңа мемлекет, жаңа экономика құрылып келе жатқан берік іргетас. 4-бала: Отан үшін , қуат күшін, Жыр жазамын бір тынбастан. Отан қуат нәр береді, Туған жерім Қазақстан. 5-бала: Отаным – тірегім! Отаным – жүрегім Отаным – жігерім! Отаным – білерім! Жүргізуші: Қазақстан Ата Заңының 7-бабының 1-тармағында «Қазақстан Республикасында мемлекеттік тіл – қазақ тілі» деп жарияланған. Өсер ел алдымен тілін қадірлейді. 6-бала: «Құлыным» деп әкешім, Әлдилеп анам жырлаған. Құлаққа жиі тиетін, Қымбатсың, тілім, сен маған. Жүргізуші: Кеше ғана Тәуелсіздігін алып, буыны енді қатайып келе жатқан қазақ мемлекетінің бас қаласы – Астана. Астана қазіргі күні көздің жауын алады. Астана – бұл қазақтың мерейі, мәртебесі. «Мерейіміз таси бергей, астанамыз ажарына ажар қосып, сұлулығынан танбағай» деген шынайы көңіл тұла бойды кернейді. 7-бала: Сарыарқа төсінде, Сән беріп Есілге. Жас қала – бас қала, Астана өсуде. Жүргізуші: Тәуелсіздік бізге оңай келмеді, Асау аттай өз тізгінің бермеді, Қазағымның алтын басын иілтіп Талай қонақ төрімізге төрледі. Көк байрағы желбіреген, бүгінгідей абыройлы да айбынды, беделді де берекелі, ынтымағы мен бірлігі жарасқан еліміздің тәуелсіздігі баянды болғай. Дәулетіміз шалқып, береке-бірлігіміз жараса берсін! «Әрқашан күн сөнбесін!» әні орындалады. | |
Просмотров: 696 | |
Форма входа |
---|
Социальные закладк |
---|
Поиск |
---|
Друзья сайта |
---|
Теги |
---|
Статистика |
---|