Бастауыш сынып мұғалімі Серікбосынова Гүлнар Орынбекқызы

Ана тілі
Сабақтың тақырыбы: Көктем сәні.
Сабақтың мақсаты: Ертегінің мазмұнымен таныса отырып, көктемгі табиғат сұлулығының сырын ашады.
Міндеттері:
1. Болжай отырып, ертегінің мазмұнымен танысады.
2. Ертегіні оқи отырып, өз болжамдарымен салыстыра алады. Өз тұжырымына пікір жазу арқылы түсіндіріп бере алады. Дүниетанымын кеңейтіп, тілін дамыталы.
3. Табиғат жайлы білімдерін қолданып, шығармашылықпен жұмыс істейді, қорытынды жасайды.
Стратегиялар: Ой қозғау, болжау, коментарий жазу, кубизм.
Көрнекілігі: «Көктем сәні» суреті және аңдардың суреттері (плакат), үнтаспа оқулық, шиырма.
Ұйымдастыру кезеңі: Үй тапсырмасына шолу жасау.
І. Қызығушылықты ояту. Ой қозғау.
- Балалар, көктем келгенде бүкіл тіршілік атаулы жан-жануарлар, адамзат неге қуанады? Дүниетану сабағын еске түсіріңдер.
Сендер неге қуанасыңдар?
(Жеке, жұпта, топпен ой бөліседі, лидерге сөз беріледі.)
ІІ. Мағынаны ажырату. Болжау.
- Оқушылар, біз бүгін «Көктем сәні» деген ертегіні оқимыз.
Ертегіні оқи бастаймын.
Таң атты. Барлық жан-жануарлар ұйқыдан оянды. Арыстан үйшігінің жанына аң біткен топырлап толып кетті.
- Қалай ойлайсыңдар, арыстан аңдарды жинап алып не істемекші?
Аңдарға не айтуы мүмкін?
- Бәріңе бір сұрақ беремін, - дейді Арыстан жиналғандарға жағалай қарап алып.
- Көктем сәні неде?
- Сендер қалай жауап берер едіңдер осы сұраққа? «Сән» деген сөзді қалай түсінесіңдер?
Оқушылардың жауабын тыңдап, әрі қарай оқимын.
- Гүл, тақсыр, - деді Ақбөкен.
- Хош иіс, -деді ит...
- Осылайша ертегі жалғасады.
- Аңдар айтып біттік дегендей іркіліп қалды. Арыстан оқты көзін бұлғынға қадады (Бұлғынның суреті).
- Сен неге үндемейсің?
- Балалар, бұлғын неге үндемей қалды екен? Қалай ойлайсыңдар?
Бұлғынның жауабы оқылып, ертегі аяқталады. (Бұлғын, қодас деген аңның суреттері көрсетіледі)
Мәтінді рөлге бөліп оқыту.
- Сендерге қай аңның жауабы ұнады, сол ұнаған жауапқа комментарий (пікір) жазыңдар.
Оқушылардың жазғандары тыңдалады.
- Балалар, «Көктем сәнін» көргілерің келе ме? Көздеріңді жұмыңдар, ашыңдар.
Оқушылар тақтадағы көктем мезгілінің суретін тамашалайды.
Кәне, көктем жайлы қандай өлең, тақпақтар жаттап едіңдер, айтып жіберіңдер.
Абай «Жазғытұры», І.Жансүгіров «Көктем»
Сергіту сәті .Ән «Көктем».
Өлеңдер оқылады.
- Балалар, осы суреттен не көріп тұрсыңдар?
- Гүлдер, көбелектер, ағаштар, құстар, аңдар...
- Бұларды бір сөзбен не деп айтуға болады?...
- Табиғат.
ІІІ. Тапсырмалар орындау.

Кубизм.
І қыры. Табиғат адамға не береді?
ІІ қыры. Табиғатқа адам қандай зиян келтіреді?
ІІІ қыры. Табиғатты қорғап, сақтап қалу үшін не істеу керек?
ІV қыры. Табиғат. 5 жолды өлең құрастыру.
Қорытындылау. Бағалау.
Үйге тапсырма: «Көктем сәні» деген әңгіме жазып келу.
Жақсы қатысқан балаларға гүл-кітапшалар сыйлау.