Қазақ тілі мен әдебиет пәні мұғалімі Алимкулова Ақмарал Құрманғалиқызы
7 сынып
Тақырыбы: Халық тәлім-тәрбие бастауы.
Мақсаты:1.Ұлттық тәрбие мен ақыл, парасат, адамгершілік сияқты асыл қасиеттерді оқушы бойына сіңіру.
2. Оқушының өзіндік пікірін, жан-дүниесін дамыту.
3. Адамгершілігіне, имандылыққа тәрбиелеу. Түрі:сайыс
Әдісі:сұрақ-жауап, ой толғау, Б.Ү.Б. стратегиясы
Көрнектілігі: интерактивті тақта,үнтаспа
Барысы:
Кіріспе сөз:Тәрбие сағатымызды бастамас бұрын «Қара жорға» биімен көңілімізді сергітіп алайық.
Салтымыз көп, тым ғажап,
Жас ұрпақты шыңдамақ
Ауыл болып қуанар,
Атқа мінсе бір қазақ.
Дәстүр сақтау міндет қой,
Саналарға сіңбек қой,-дей отырып бүгінгі ашық тәрбие сағатымызды бастаймыз.
Тәрбие сағатымыз сайыс түрінде өткелі отырғандықтан екі топқа сәттілік тілеймін.
Өткенді еске алмай, өмір сүру мүмкін емес, өйткені, бүгінгі күніміз кешегінің жалғасы, кешегінің ар жағы-тарих, ұлттық құндылығымыз-салт-дәстүр мен мәдениетіміз.
І. «Нағыз қазақ» Сөзжұмбақ шешу жарысы.
1.Адамның асылы - ақыл
2.Жетекшісі - талап
3.Қорғаушысы - мінез
4.Қымбаттысы - ар
5.Сыншысы - халық
ІІ. Ұлт тағылымы – менің өмірімде. Салт-дәстүр көрсету
ІІІ. Халқын сүйген – салтын сүйеді. Сұрақ-жауап
1-топ
1. Жеті қазынаға нелер жатады?
2. Бала өмірге келгенде қандай той жасалады?
3. Қазақ отбасында әке ролі қандай?
4. «Біреудің ала жібін аттамау» деген тіркестің мағынасын қалай түсінесіңдер?
5. Бесік, құда дегенді қалай түсінесіңдер?
6. Қазіргі кезде салт-дәстүрдің қай түрі өмірде жиі қолданылады?
7. Қазақи мінез дегенді қалай түсінесіңдер?
8. Баланың кіндігін кескен адамды қалай атайды?
9. «Сыбаға» деген не?
10. Ұзатылған қызға ата-анасы не береді?
2-топ
1. Қазақтың қолөнеріне нелер жатады?
2. Үйге келген қонаққа қандай құрмет көрсетіледі?
3. Баланы қырқыннан шығару рәсімі туралы не білесіңдер?
4. Жеті атаға кімдер жатады?
5. Үлкендер жол жүріп кеткенде үйдегі жастар не жасайды?
6. Қазақтар қай түлікті қадірлейді?
7. Қандай ырымдарды білесіңдер?
8. Діни қандай мейрамдарды білесіңдер?
9. Ауылдың алты ауызы деген не?
10. Қазақ қызы басында қандай қасиеттер болуы керек?
ІY. Ескірмейтін есті сөз.Тыйым сөздер айтудан жарыс
Y. Жаңбырмен жер көгерер,
Батамен ер көгерер.
VІ.Эссе жазу немесе тірек сызба бойынша ой түйіндеу
Ән: «Өз елім»
Әділқазыларға сөз.
Қорытынды сөз:Халық тәліміндегі адами асыл қасиеттерден айрылмай, өз ұлтымыздың намысын қорғай білейік, құрметті оқушылар.
Хор: «Қазақтарды шетелдік қонақтарға таныстыру»
|