Коллеги - педагогический журнал Казахстана
Наша библиотека
| Главная » Файлы » В помощь учителю » Дошколенок |
«Үй жануарлары»
| 2013-05-15, 12:46 PM | |
| Семей қаласы №7 "Ақ бота" балабақша Тәрбиеші: Нысанбаева Анар Темирболатовна Сабақтың тақырыбы: «Үй жануарлары» Сабақтың мақсаты: Білімділік: Балалардың үй жануарлары жайлы түсініктерін кеңейту, жануарлардың қалай дыбыстайтынын ажырата білуге үйрету; Дамытушылық: Тілін дамыту, есте сақтау қабілеттерін арттыру; Тәрбиелік: Мейірімділікке, адамгершілікке тәрбиелеу. Әдіс-тәсілдер: түсіндіру, сұрақ-жауап, практикалық. Көрнекіліктер: Үй жануарларының суреттері, ойыншықтар Сабақтың барысы: Ұйымдастыру кезеңі Балаларды жарты шеңбер жасап отырғызып, назарларын ортаға аудару. - Балалар, бүгін біз сендермен үй жануарлары жайлы әңгімелесеміз. Осы кезде есік қағылып, мысық келеді. - Балалар, мысық сендер үй жануарлары жайында не білетіндеріңді білуге келіпті. Сендер қандай үй жануарларын білесіңдер? - Сиыр - Қой - Ат т.б. (балалардың жауабы) - Ал енді мына суреттерге қараңдаршы, мынау ненің суреті? - Ол түйе - Ал мынау ше? - Ол ешкі - Ал мынау ненің суреті? - Ол ит - Жарайсыңдар, балалар. Осы үй жануарларының келтіретін пайдасы көп. Мысалы, ешкі мен қойдың жүнінен әртүрлі киімдер тоқуға болады т.б. пайдасы жайында айту. Енді сендерге мен жұмбақ жасырайын, мұқият тыңдап шешуін табыңдар. - Кішкене ғана бойы бар Айналдырып киген тоны бар Ол не? (қой) - Кезікті бір жануар Үстінде екі тауы бар Ол не? (түйе) - Төрт аяғы бар Басында екі таяғы бар Ол не? (сиыр) Сергіту сәті: Тербеледі ағаштар Алдымнан жел еседі Кіп-кішкентай ағаштар Биік болып өседі - Бойымызды сергітіп алдық, енді орнымызға отырайық. Балалар қараңдаршы, мысық өзімен бірге дорбаға салып бізге бір ойын алып келіпті. Бұл ойын «Қайсы қалай дыбыстайды?» деп аталады. Дорбадан үй жануарларының ойыншығын алғызып қайсы қалай дыбыстайтынын айтқызу. - Қане, Еркебұлан келе ғой, сен не алдың? - Мен сиыр алдым. - Сиыр қалай дыбыстайды? - «Мө-мө-ө» деп дыбыстайды. - Дина, сен не алдың? - Мен ит алдым - Ит қалай дыбыстайды? - «Ав-ав-ав» деп дыбыстайды. Осылай ойын жалғаса береді. - Жарайсыңдар, балалар, енді «Ауылда» әнін айтайық. Ат алысқа шабады, Сиырды әжем сауады. Қой, ешкінің жүніне Апам жіпті иірген. Түйе шұбат береді, Ит аулады үреді. Қызықты ғой ауылда Мұны бәрі біледі. - Өте жақсы, балалар. Мысық балаларға рахмет айтып, мақтап-мадақтап, балалармен қоштасып шығып кетеді. | |
| Просмотров: 2126 | Загрузок: 0 | Комментарии: 3 | | |
Понедельник, 2024-05-06, 7:31 PM
Приветствую Вас Гость
Приветствую Вас Гость
Форма входа |
|---|
Категории раздела | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|