Коллеги - педагогический журнал Казахстана
Учительские университеты
| Главная » Статьи » Школа, как она есть |
«Мектеп оқушылары арасында салауатты өмір салтын насихаттау»
| Біздің елімізде балалар тегін білім алып, тегін емделеді, дене тәрбиесімен және спортпен айналыса алады, мектептен тыс мекемелердіңі жұмысына қатыса алады, кез келген шығармашылық үйірмелер мен секцияларға және тағы басқаларға бара алады. Сондықтан баланың денсаулығына жоғарыда аталған материалдық-тұрмыстық жағдайлармен бірге оның отбасындағылардың бір-бірімен қарым-қатынасы да, ата-анасының мәдени деңгейі де,қоғамдық жұмыс пен оқудың әртүрлі салаларындағы белсенділігі де, яғни өмір салты нелерден тұрса, соның бәрі де әсер етеді. Қазіргі өмір салтының сипатты белгілері мыналар: біреудің еңбегін қанамау, адамгершілік, ұжымшылдық, халықтар достығы, жоғары білім мен мәдениет деңгейі. Алайда, өкінішке орай, кейбір адамдарда ішімдікке салыну, темекі шегу, тазалықты сақтамау, арамтамақтық сияқты кейбір қоғамға қарсы құбылыстар сақталып келеді. Осының бәрі балалардың санасы мен денсаулығына кері әсер етеді. Оқушылар арасында салауатты өмір салтын насихаттау керек және мінез-құлыққа пайдалы әдеттер мен дағдыларға тәрбиелеу қажет. Біздің елімізде оған тиісті жағдайлар жасалған. Балалардың ауруы көп ретте отбасы жағдайына байланысты. Жайсыз отбасынан шыққан балаларда көбінесе жүйкелік-психологиялық кемшіліктер (ашуланшақтық), дене дамуы жағынан артта қалу, ревматизм, созылмалы тонзиллит, тұлғаның (мүсін, дене бітімі) ауытқуға ұшырауы және тіс ауруы сияқты кемшіліктер кездеседі. Сондықтан отбасылық қатынастар тыныш әрі тату жағдайда болуы керек. Жылы сөйлеу, табысты мадақтау, қиын мәселелерді шешуге көмектесу – осының бәрі отбасында балаға өте керек. Мектепте өзара тілектестік ыңғайындағы психологиялық жағдай орнатудың үлкен мәні бар. Мұғалім балалардың іс тындыру мүмкіндігі мен қабілеті соншалықты жан-жақты екенін және оқудағы сәтсіздікті ақылмен шешу мәселесін есте ұстауы керек. Оқушының денсаулығын сақтау үшін оқу бөқлмесін оның жас ерекшелігі мүмкіндігінен асырмау қажет. Білім алу барысында оқушы қуанышты күйде болып, мектепке шын көңілімен баруы тиіс. Қазіргі кезде ауруды және дене ақауын болдырмауды ғана емес, әр түрлі органдар мен жүйелердің қызметін жақсартуды және организмнің сыртқы әсерге жоғары қарсылығын қамтамасыз етуді өз міндетіне алған бүгінгі медицина денсаулық ұғымының аясын едәуір кеңейтіп, тереңдете түсті. Алайда, оқушылардың денсаулығында әлі де түрлі ауытқулар жоқ емес. Оқушыларды дәрігерлік тексеруден өткізу кездерінде әсіресе тонзиллит, миопия, тірек-қимыл аппаратының бұзылуы сияқты созылмалы аурулар жиі байқалып қалады. Бірқатар оқушыларды, әсіресе 1-сынып оқушыларында алдағы уақытта жиі ауруға қарсы тұру қабілетінің төмен екені көрінеді. Тамақтану мен дене тәрбиесінің дұрыс жолға қойылмауы кейбір оқушыларды май басуға себеп болады. Тиімді қимыл белсенділігі, дұрыс тамақтану, тиімді күн режимі, шынығу, салауатты өмір салтына тәрбиелеу сияқты факторларды кеңінен пайдалану балалар мен жасөспірімдердің функционалдық – психологиялық мүмкіндіктерін және олардың оқу мен еңбекке деген қабілетін дамытуға қолайлы жағдай туғызады. Бұған қазіргі әлеуметтік құрылыс барлық мүмкіндіктерді жасап отыр. авторы: Жалпы білім беретін №81орта мектептің дене шынықтыру мұғалімі - Смагулов Бекнур Бекбаевич | |
| Просмотров: 5323 | |
Понедельник, 2024-05-06, 6:20 AM
Приветствую Вас Гость
Приветствую Вас Гость
Форма входа |
|---|
Категории раздела |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|