Мұғалім еңбегі - таза творчестволық еңбек. Педагог творчествосы жан-жақты зерттеліп болмаған күрделі дтнамикалық құбылыс. Мұғалімнің педагогикалық шығармашылығының көрінетін плацдармы - сабақ. Сабақ беру - мұғалімнің шығармашылық өнері. Мұғалім еңбегі күрделі жүйесінің тап басылып танылмай жүрген тамыры осында. Ол ондаған методтарды байқап көреді де, өз методын таңдайды. Ондаған кітаптарды оқиды да өз сөзін айтады. Көшірме метод, бөтеннің сөзі мен ойы бойынша оқыту мүмкін емес. Үнемі байқап көру, үнемі жетілдіру, үнемі жетілу - мұғалім жұмысының басты көрсеткіші. Сабақ педагогикалық шығарма, оған өнер шеберлігі керек. Әрбір мұғалімнің ондаған, жүздеген жоспар-конспектісі, сабақ жазбалары - баға жетпес сметаға түспеген байлық. Мұғалімнің творчестволық лабораториясы осы тұрғыда құнды. Оның өнімдері әлі берілмеген, ертең берілетін сабақтың туу сатылары, оны іске асырудың жоспары, конспектісі, ойлары. Мұғалім лабораториясының материалдық базасына қоса, ең маңызды байлығы - мұғалімнің өзі, білімі мен эрудициясы, көзқарасы, мәдениеті мен еңбек сүйгіштігі, денсаулығы мен көңіл-күйін билей білу қасиеті. - Сабаққа дайындалуда мұғалім шығармашылығы 3 кезеңдік бөліктен тұрады: - творчестволық ойдың пайда болуы; - сол ойын іске асыру жоспарын жасау; - оны іске асыру. Мұғалімнің шығармашылық ойы - сабақ конструкциясын жасаудан басталады. Онда программалық талаптар, негізгі ұғымдар мен идеялар, оқушылардың міндетті меңгеруге тиіс максимум білім көлемі ескеріледі.
р.s. / келесі әңгіме - сабаққа дайындық талаптары туралы/.