Наша библиотека
Тәжірибені жақсартудың демократиялық жолы - сабақты зерттеу (Lesson Study)
|
| 2016-04-01, 6:36 AM |
Айтказина Арайлым Серикбековна - бірінші санатты, екінші деңгейлі қазақ тілі және әдебиет пәнінің мұғалімі, Толеубаева Гаухар Толеубайқызы - жоғары санатты, бірінші деңгейлі биология пәнінің мұғалімі, Семей қаласы, № 8 мектеп-кешені
Сабақты зерттеу негізінде 10 «А» сыныбы бойынша жүргізілген жұмыстарға рефлексивтік есеп
2015-2016 оқу жылында №8 мектеп-кешенінде деңгейлік сертификатталған мұғалімдердің ұйымдастыруымен «топтық жұмыстар арқылы оқушылардың коммуникативтік сауаттылығын арттыру» тақырыбында сабақты зерттеу іс-шарасы жүргізілді. Жалпы тәжірибені жақсартудың демократиялық жолы- сабақты зерттеу (Lesson Stadу) екендігін тәжірибе барысында көз жеткізуге болады. Мұғалім тәжірибе саласындағы білімді жетілдіруге бағытталған, сабақтағы іс-әрекеттегі зерттеудің ерекше үлгісі болып табылатын педагогикалық тәсіл арқылы жауапкершіліктері әр түрлі үш деңгейлі оқушылардың белсенділігін арттырып, жалпы сыныптың білім сапасының ілгерілеуіне ықпал ете отырып, оқушылардың пәнге деген қызығушылығын оятуға әсер етеді.
Алынған нысан бойынша білім деңгейі жоғары, орташа және төмен оқушылардың жұмыс барысының жоғары дәрежеге көтерілуін қамтамасыз ету мақсатында өткізілді. Осы орайда жүргізілген сабақты зерттеу негізінде 5 отырыс болды. (Қосымша 1) 1- отырыста мектеп психологтары Қ. Халенова мен М. Ақтамбердинова және сынып жетекшісі О.Жұмағалиев, пән мұғалімдері: А.Мукатаева, А.Айтказина,Г. Мукашева, Г.Толеубаева, бақылаушы ұстаздар: Ғ.Батталова, А.Бұянбаева қатысты. Сынып жетекшісі жалпы сынып жағыдайына мәліметтер берді, «10 «А» сыныбында 16 оқушы бар. Сынып гуманитарлық бағытты таңдап отыр. Сыныптың барлық пәндерден білім деңгейі қанағаттанарлық , ҰБТ-дан төмен ұпай жинайды және орташа ұпайлары өте аз»-деген мәлімет берді. Психолог сынып оқушыларына психологиялық сараптама жасады. (Қосымша2).
Соның негізінде математика, қазақ тілі, орыс тілі және биология пәндері мұғалімдері ұйымдасып сыныптың білім деңгейін көтеру мақсатында сабақты зерттеу негізінде 4 зерттеу сабағы берілді және білім деңгейіне байланысты А, В, С оқушылары таңдап алынып, өткізілетін пәндер анықталды.
Жаңа әдіс-тәсілдерді тиімді пайдаланып жоспар құруды жүзеге асыра бастадық. Әрбір жоспарланған отырыстарда сабақтар талданып, келесі кезеңге өз барысымен жұмыстар жүргізіліп отырды. Іс-шара барысындағы кездескен кедергілер мен қиыншылықтарды жеңе отырып ыждахаттылықпен жұмыс жүргізілді. Оқушылардың пікірін ескере отырып қойылған мақсатымызға жеттік. (Қосымша 3).
Берілген зерттеу сабақтарының нәтижесінде : С деңгейлі оқушының өзіне деген сенімділігін арттырдық. В деңгейлі оқушы өз деңгейінен ілгерлеушілік байқалды. А деңгейлі оқушыдан көшбасшылық қасиетін анықтадық және білімінің бұрынғыдан оңтайланғанын байқадық.
|
|
Категория: ШКОЛЬНАЯ ПРАКТИКА | Добавил: 1962
|
| Просмотров: 1329 | Загрузок: 0
| Рейтинг: 0.0/0 |
Добавлять комментарии могут только зарегистрированные пользователи.
[
Регистрация |
Вход ]