XXI ғасыр –ақпарат ғасыры болғандықтан адамзатқа компьютерлік сауаттылық қажет. Бүгінгі таңда мектеп пәндерін компьютер көмегімен оқыту ең басты орын алады. Ақпараттық және телекомуникациялық технологияларды игеру қазіргі заманда әрбір жеке тұлға үшін қажетті шартқа айналды. Қазіргі қоғам ақпаратты қызығуына сай ақпарат ағынын қалыптастыруға оқу ақпаратына назар аударады. Болашақ ұрпақты ақпараттық қоғаммен қарым қатынасқа оқытып тәрбиелеуге жағдай жасайды. Елдерде қазіргі технологияның дамуы, қоғамды парасаттандыру, жаңа білімді туындату, игеру қабілетімен де анықталады. Жеке адам мен бүкіл дүниежүзілік қоғамдастықтың өмір сүруі үшін жаңа жағдайларды қамтамасыз етуде жаңа технологиялардың кең көлемде қолданудың маңызы зор.
Осыны жүзеге асыру үшін электрондық оқулықтарды пайдалана білуімізді қажет етеді. Электрондық оқулықтар оқушының ойлау қабілетін, өзін-өзі реттеуді дамытады, өздігінен оқып үйренуге талпындырады.
Мысалы, қазақ тілін нәтижелі үйрету, мемлекеттік тіл мәртебесін көтеру, сұранысын туындыру-бүгінгі күннің маңызды мәселелерінің бірі.
Оқушылардың қазақ тілін оқуға деген қызығушылығын арттырудың ықпалы- компьютерлендіру. Компьютер оқу материалын беру мүмкіндігін кеңейтеді. Оқыту жүйесінің жан-жақтылығын көрсетеді. Компьютермен оқытудың мақсаты білім деңгейлері жоғары дәрежелі болуына жағдай жасайды, оқушының тілге деген қызығуы, сабақ сапасы бұрынғыдан да арта түседі,диалогтік,монологтік тілдері кітаптағы берілген тапсырмалар арқылы да дамытылады.
Мұғалімнің жетекшілігімен түрлі тапсырмаларды компьютерлік оқулықтар арқылы орындау оқушыға төмендегідей дағдыларды қалыптастыратынын байқадым.
Мақсаткерлікке, өз бетінше жұмыс істеуге, белсенділігін арттыруға, ой-өрісін,ұғымын кеңейтуге, коммуникативтік дағдыларын, интеллектуалдық қабілеттерін дамытуға, алған білімдерін жаттығу жұмыстарында қодануға мүмкіндік береді, оқушының ынта жігерін, құштарлығын арттырады.
Мәселен, сан есімді қорытындылау сабағымда электрондық оқулықты қолдану барысында оқушылардың сабаққа деген зейіні, қызығуының ерекше артқандығы байқалды. Сонымен қатар ұмытып қалған ережелерді тапсырмалар арқылы еске түсіруге зор ықпал етеді, уақытты үнемдейді.
Мысалы, Тапсырма. Сөйлемдерді толықтырып жазыңыз.
... мамыр-Қазақстан халықтарының бірлігі күні.
...наурыз-Халықаралық бірлігі күні.
...тамыз Қазақстан Республикасы Конституция күні.
...қазан-Республика күні мерекесі.
...желтоқсан-Тәуелсіздік күні.
...наурыз-көктем,береке мерекесі.
Керекті сөздер. Он алтыншы,жирма бесінші,отызыншы,сегізінші,бірінші,жиырма екінші.
Тапсырма. Реттік сан есімнің тиісті жұрнағын жалғаңыз.
Он бес... Жеті... Алпыс... Үш....
Отыз... Алты.. Екі... Он... Тоғыз...
Керекті жұрнақтар.-ыншы,-ншы,-інші,-нші
Тапсырма. Жинақтық сан есімнің тиісті жұрнағын сәйкес батырманы басу арқылы жалғаңыз.
Менің басым ек... емес,бір... ау/еу
Маған берген тапсырма үш... еді еу/ау
Менің досым төрт... ау/еу
Керекті жұрнақтар -ау/еу
Қазақ әдебиет қайталау сабағында тест арқылы жұмысын жүргізуге болады. Мысалы:

1.Ғ.Мұстафин кім?
А) ұшқыш
Ә) ақын
Б) жазушы
В) әнші

2. «Абай жолы» романының авторы кім?
А) М.Әуезов
Ә) С.Сейфуллин
Б) Ғ.Мүсірепов
В) Ғ.Мұстафин

3.Ғ.Мүсірепов қай жылы дүниеге келген?
А) 1903 жылы
Ә) 1904 жылы
Б) 1905 жылы
В) 1902 жылы

«Қазақ солдаты» романының авторы кім?
А) І. Жансүгіров
Ә) Ғ.Мүсірепов
Б) М.Әуезов
В) Ғ.Мұстафин

Ескерту. Тапсырманың дұрыс жауабы көк түспен, қате болса қызыл түспен көрінеді.
Осы тапсырмаларды орындағанда оқушылардың сауаттылығы жақсарып, сөз қорлары молайып, шығармашылықпен еңбек етуіне жағдай туғызады т.б. Жас ұрпаққа сапалы білім беруде электрондық оқулықтарды пайдалану тиімді.

Пайдаланған әдебиеттер:
1. Ж.А. Караев. Активизация познавательной деятельности учащихся в условиях применения компьютерной технологии. А., 1994,46-бет.
2. А.Ж. Түсіпова. Компьютер жаңа оқытудың технологиясы.
3. Информационный бюлеттень. «Электронное обучение» /Һ..р./...../
4. Н.Н.Соболева и др. Электронный учебник нового поколения. «Информатика и образование №6,2002ж.

Ғалия Құсайынқызы, Шығыс Қазақстан облысы, Семей қаласы.