Коллеги - педагогический журнал Казахстана
Учительские университеты
| Главная » Статьи » Школа, как она есть |
Ұстаздың міндеті - аянбай қызмет ету
| Ұстаз міндеті – аянбай еңбек ету Музыка өнерінің маңызды бір саласы – хормен ән салу. Ол адамның ішкі сезімі, жан толқынысы, көңіл-күйінің сан түрлі қырларын жеткізе отырып, хор әншілерінің музыкалық-эстетикалық мәдениетін қалыптастыруда үлкен тәрбиелік қызмет атқарады. Сондықтан да хормен орындалатын музыкалық шығармаларды таңдау, орындау ерекшеліктерін зерделей отырып, оны сауатты түрде дауысқа қою үлкен шеберлікті, талғампаздықты қажет етеді. Кемінде 25 адамнан құралатын хор ұжымын ұйымдастыру, бір-бірін тыңдай білуге үйрету, әншінің дұрыс тыныс ала білуі, қосылып ән айтудың мәнерлігі (интонация, ансамбль т.б.), әншіліктің техникалық дағдыларын меңгерту, әр шығарманың ерекшелігін түсіне білу, оны мәнерлі орындау сынды музыкалық білімді беру оңай жұмыс емес. Сондықтан да осы салада қызмет етіп, хор ұжымдарын ұйымдастырып жүрген музыка, өнер мектептері ұстаздарының еңбегі ерен екенін айтып өткен орынды. Үйретуден жалықпай еңбек ететін жандардың осы бағыттағы жұмысымен танысу, тәжірибе бөлісу, үздіктерді анықтау, өз мамандығына деген қызығушылығын арттыру, еңбегін бағалау мақсатында облыстық байқау өткізу дәстүрге айналған. Биылғы жылдың 26-ақпанында осы үрдіспен Қарағанды қаласындағы №2 өнер мектебінің концерт залында 47-ші облыстық хор ұжымдары және фортепиано бөлімдерінің оқушылары арасында жас музыканттардың облыстық байқауы өтті. Аталмыш байқауға Қарағанды, Жезқазған, Саран, Сәтбаев, Теміртау қалаларының музыка, өнер мектептері қатысып, барлығы 15 ұжым бақ сынасты. Ұстаздар біліктілігі мен жас музыканттардың өнеріне баға беретін қазылар алқасы құрамында Астана қаласындағы Қазақ ұлттық музыка академиясының мұғалімі Т.Г.Матафонова, Тәттімбет атындағы өнер колледжінің хор-дирижер бөлімінің меңгерушісі Л.П.Ушакова, Тәттімбет атындағы өнер колледжінің Теміртау қаласындағы филиалының мұғалімі Т.Т.Сыздықов, алқа төрайымы Тәттімбет атындағы өнер колледжінің мұғалімі, колледждің хор жетекшісі Б.Х.Сұлтанғазина болды. Осы байқауға біздің №2 өнер мектебі атынан тәжірибелі ұстаз Карнаухова Елена Владимировна «Меруерт» хор ұжымын дайындап, концертмейстер Ганенко Юрий Викторовичтің сүйемелдеуімен Д.Перголезидің «Stadat mater», Канонның Монастырь Тезе репертуарынан «Магнификат», П.Чесноковтың «Распустилась черемуха», Е,Брусиловскийдің өңдеуіндегі Естайдың әні «Құсни-Қорлан», Л.Денц, К.Валькадостың «На качелях» шығармаларын көпшілік назарына ұсынды. Жан-жақты дайындалған, неше жылғы тәжірибесі бар мамандар дайындаған ұжымдар арасындағы байқау тартысты өтті. Дегенмен де, еңбегіне қарай жемісі демекші, тәжірибесі де, шеберлігі де басым шығып, біздің №2 өнер мектебінің «Меруерт» хор ұжымы жоғары деңгейдегі тамаша өнер көрсетіп, қазылар алқасының әділ шешімімен Бас жүлдеге ие болды. Осынау үлкен жеңіспен әріптестерімді құттықтай отырып, алдағы күндерге де толағай табыс тілеймін. К.Ушинскийдің сөзімен қорытындылайтын болсақ: «Хормен ән салу кереметтей пәрменді педагогикалық құрал. Әнде, әсіресе, хормен әндетуде адамды жандандыратын, көңіл ашатын ғана емес, әншілерді жылы шырайлы татулыққа, ынтымақты іске жұмылдыратын, жұмыла еңбекке бастайтын қасиет бар». Олай болса, өскелең ұрпақ бойына әсемдікті, талғампаздықты, татулықты қалыптастыратын осындай хор ұжымдарын тәрбиелеу, аянбай еңбек ету – ұстаздардың басты міндеті. Ал олардың еңбегін бағалайтын осындай байқаулар да жиі ұйымдастырылып отырса нұр ұстіне нұр болмақ. Мұхаметқали Ақзер, №2 өнер мектебінің мұғалімі Источник: http://индивидуальная статья | |
| Просмотров: 1538 | |
Среда, 2026-03-11, 2:47 AM
Приветствую Вас Гость
Приветствую Вас Гость
Форма входа |
|---|
Категории раздела |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|