Коллеги - педагогический журнал Казахстана
Учительские университеты
| Главная » Статьи » Школа, как она есть |
игра "Что? Где? Когда?"
| Қорғабаева Шолпан, Әулиекөл ауылшаруашылық колледжі география пәнінің оқытушысы Брейн-ринг – «Не? Қайда? Қашан?» Мақсаты: Брейн-ринг тәсілі арқылы оқушылардың география пәнінен алған білімдерін сынау. Сонымен қатар, ойлау, топпен жұмыс істеу дағдыларын жетілдіру, сөйлеу мәдениетін жетілдіру. Кешті ұйымдастыру кезеңі мынандай ретпен жүргізіледі. 1. Залға оқушылар кірерде 2 түрлі конверт қиындыларын тарату. 2. Құрылған екі топты үстел басына шақыру. Топ мүшелері өздерін таныстырады (аты-жөнін, мамандығын). Бұдан соң әрбір топ өз тобына ат қойып, топ капитанын сайлауға тиіс. Топтың аты географияға байланысты болуы керек. 3. Әділқазы мүшелерін таныстыру. 4. Топтардың атын атап, қошемет көрсетіп, қол шапалақталады. Капитандарын таныстыру. Жүргізуші: Сонымен, құрметті топ мүшелері «Не? Қайда? Қашан?» географиялық брейн-рингімізді бастаймыз! Бүгінгі ойынымызды күрделі де қызықты география пәнінен алған білімдеріңізді сынаққа алып, күш сынасасыздар. Ендеше, брейн-ринг ережесімен таныс болыңыздар. Ойын 8 кезеңнен тұрады. I тур. Не? Қайда? Қашан? II тур. «Ең, ең, ең, ....» ІІІ тур. « Кім жылдам? » IV тур. « Тапқыр болсаң, тауып көр » V тур. «Ойлан, тап» VI тур. «Бәйге» VІI тур. Кім картаны жақсы біледі? VІIІ тур. Капитандар сайысы. I тур. Не? Қайда? Қашан? 1 топ: 1. Жер шарындағы барлық 4 мұхит жуып жатқан материк? (Еуразия) 2. Оңтүстік Америка мен Солтүстік Американы бөліп тұрған не? (Панама каналы) 3. Сельвас дегеніміз не? (Оңтүстік Америка экваторлық ормандары) 4. Ф. Магеллан жер шарын қашан айналып шықты ? (1519-1522) 5. Африка мен Еуропаны бөліп тұрған бұғаз (Гибралтар) 6. Азия мен Еуропаны бөліп тұрған таулар (Урал) 7. Қай таудың аты, оның мыс рудасына бай екенін көрсетеді (Анд) 8. Ұлы көлдер қайда орналасқан? (Солтүстік Америка) 9. АҚШ пен Ресей арасындағы даулы аумақ (Аляска) 10. Еуразия мен Солтүстік Американы бөліп тұрған бұғаз (Беринг) 2 топ: 1. Оңтүстік Американың байырғы тұрғындары кімдер? (үндістер) 2. Анд тауының эндемикті жануары не? (лама) 3. Солтүстік Америка ертедегі қай материктің бөлігі? (Лавразия) 4. Қандай мемлекет бағалы металдың атымен аталған? (Аргентина) 5. Африканы алғаш ашқан кім? (Васко да Гама) 6. Ферралитті топырақ дегеніміз не? (темір + аллюминий топырақ) 7. Чили елтаңбасында қандай құс бейнеленген ? (кондор) 8. Қай материк екі дүние бөлігінен тұрады? (Еуразия) 9. Гренландия аралы қай елге тиесілі? (Дания) 10. Етікке ұқсайтын түбек қалай аталады? (Аппенин) II тур. «Ең, ең, ең, ....» 1 топ: 1. Ең биік шың? 2. Ең үлкен түбек? 3. Ең кіші материк? 4. Ең халқы көп материк? 5. Ең терең шұңғыма? 6. Ең үлкен көл? 7. Ең ұзын өзен? 8. Ең биік сарқырама? 9. Ең суыққа төзімді құс? 10. Ең кішкентай мұхит? 2 топ: 1. Ең үлкен ойпат? 2. Ең терең көл? 3. Ең ірі дүние бөлігі? 4. Ең үлкен арал? 5. Ең үлкен бұғаз? 6. Ең ұзын тау? 7. Ең үлкен шөл? 8. Ең биік ағаш? 9. Ең кішкентай мемлекет? 10. Ең суы мол өзен? ІІІ тур. « Кім жылдам? » 1. Сахара 2. АҚШ 3. Гималай 4. Танганьика 5. Амазонка 6. Альмади 7. Отты жер 8. Игуасу 9. Мыс 10. Гвинея 1. Скандинавия 2. Мадагаскар 3. Гольфстрим 4. Антарктида 5. Гибралтар 6. Суэц 7. Орисаба 8. Сомали 9. Лондон 10. Аконкагуа IV тур. « Тапқыр болсаң, тауып көр ». Тапсырма: Сіздердің алдыларыңыздағы конверттің ішіндегі қиындыларды құрап болған соң, кескініне қарап, оның қандай географиялық нысан екендігін және оның маңайындағы нысандарды атау керек. V тур. «Ойлан, тап». Сіздердің алдыларыңыздағы қара жәшіктің ішіндегі келесі сұрақтардың жауаптары бар. Қорапты ашпайсыздар! Тек ойланып жауап бересіздер. Ойлануға 1 минут уақыт беріледі. 1 ТОП: Құрметті ойыншылар! Қораптағы өсімдіктің отаны - Оңтүстік Америка. Еуропаға бұл өсімдік 16 ғасырда ғана белгілі болды. Еуропалықтарға бас кезінде бұл өсімдік тек қана дәрілік өсімдік ретінде танымал болды. Қазіргі кезде бұл өсімдікті жоғары тағамдық құндылығы үшін күнделікті өмірде жиі қолданамыз. Оның жемісі тамырында орналасқан. Одан өздерің сүйіп жейтін көптеген тағамдар жасалады. Қорапта не бар? (картоп) 2 ТОП: Құрметті ойыншылар! Қораптағы зат өсімдіктен жасалған. Бұл өсімдіктің отаны – Эфиопия. Басында бұл өсімдікті керуеншілер мен бедуиндер сергіту үшін пайдаланған. Қазіргі кезде бұл өсімдік бүкіл дүние жүзінің халқы сүйіп ішетін сусынға айналды. Қорапта не бар? (кофе) VI тур. «Бәйге» (Кім жылдам жауап береді?) • Теңіз деген не? • Шығанақ деген не? • Өзен деген не? • Бұғаз деген не? Бұғаз – екі жағынан материктердің немесе аралдардың жағалары қысып шектеп тұрған енсіз су айдыны. Шығанақ – мұхиттың немесе теңіздің құрлыққа сұғына еніп жатқан шағын бөлігі. Өзен дегеніміз – табиғи жолмен жасалған арна арқылы ағатын су. Теңіз – мұхиттың суының қасиеті мен жануарлар дүниесі жөнінен оқшауланып тұратын бөлігі. VІI тур. « Кім картаны жақсы біледі?» 1 топ: 2 топ: Қара теңіз Жерорта теңізі Гибралтар бұғазы Арабия түбегі Ніл өзені Каспий теңізі Балтық теңізі Қызыл теңіз Дрейк бұғазы Камчатка түбегі Амазонка өзені Арал теңізі VІIІ тур. « Капитандар» сайысы Топ капитандарына төменде көрсетілген географиялық нысандардың ішінен Еуразияға жатпайтынын таңдап алу қажет! 1. Гималай тауы 2. Калифорния шығанағы 3. Гоби шөлі 4. Үндістан түбегі 5. Анд тауы 6. Ұлыбритания аралы 7. Мак-Кинли шыңы 8. Кавказ тауы 9. Пиреней түбегі 10. Лабрадор түбегі 11. Аляска шығанағы 12. Жапон аралдары 13. Рио-де-Жанейро қаласы 14. Қазақстан мемлекеті 15. Виктория көлі 16. Алматы қаласы 17. Амазонка ойпаты Қорытынды: Осымен брейн-ринг ойыны аяқталды. Әділқазылар мүшелері ойын қорытындысын шығарады. | |
| Просмотров: 2437 | Комментарии: 4 | |
Четверг, 2024-12-19, 6:20 PM
Приветствую Вас Гость
Приветствую Вас Гость
Форма входа |
|---|
Категории раздела |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|