Коллеги - педагогический журнал Казахстана
Учительские университеты
| Главная » Статьи » Школа, как она есть |
Тақырыбы: Шаңырақ жарастығы.
| Тақырыбы: Шаңырақ жарастығы. Мақсаты: балалардың «сыйластық», «достық», «махаббат» құндылықтары туралы түсініктерін кеңейту. Міндеттері: - Шаңырақ жарастығы, сыйластығы туралы түсінік қалыптастыру; - Жағымды қарым-қатынас жасау іскерліктерін дамыту; - Өзара сыйластыққа тәрбиелеу. Көрнекі құралдар: оқулық, дәптер, үнтаспа, «алтын сақа», суреттер топтамасы, таблица. Шаттық шеңбері • Сәлемдесу . Сәлем саған алтын күн, Сәлем саған жер ана. Сәлем саған достарым, Сәлем саған ұстазым. • «Алтын сақа» - ойыны. Данышпан атайдың сиқырлы «алтын сақасымен» әркім өз жанұясына өз тілегін айтсын. - Мен шаңырағыма қуаныш тілеймін. - Мен шаңырағыма сәттілік тілеймін. - Мен шаңырағыма бақыт тілеймін. - Мен шаңырағыма сыйластық тілеймін. - Мен шаңырағыма ізгілік тілеймін және т.б. • «Мен қазақ баласымын» атты өлеңін айту. Е.Өтетілеуов Бұтағы- бабасының, Жерінде – бабасының. Ұрпағы - атасының, Елінде - атасының, Шуағы – әжесінің, Көңілінде – әжесінің, Тұяғы – әкесінің, Қолында – анасының, Тілегі – анасының, Жолында – ағасының, Тірегі – ағасының, Төсінде даласының, Түлегі – даласының, Тапқан өз жарасымын, Дарытқан бар асылын, Мен – қазақ баласымын! Мен қазақ – баласымын. Әңгімелесу • Бір шаңырақ астында тұратын адамдар арасындағы сыйластық туралы айтып беріңдер. • Өз отбасыңның сыйластығы туралы айтып беріңдер. - Ия, дұрыс айтасыңдар балалар, бір шаңырақ астында тұратындардың бір-біріне сыйластығы, махаббаты, бауырмалдығы, бір-бірімен ынтымағы, татулығы, бірлігі шаңырақ жарастығын құрайды. Мәтінмен жұмыс Сүйіспеншілік А.Асылбеков • Кідіріспен, сұрақ қоя отырып, әңгімелеу. • Әр топ кезекпен әңгімелеу • Сұрақ – жауап - «Сүйіспеншілік бар жерде – байлық пен сәттілік бар» дегенді қалай түсінесіңдер? - Шаңырақ жарастығының негізін сүйіспеншілік, яғни бір үйде тұратын адамдардың бір-біріне деген махаббаты құрайды. Сол себепті бір шаңырақ астында тұратын адамдардың бір-біріне сүйіспеншілігі басым болса, ол үйде бақ та, сыйластық та, ынтымақ та, береке де байлық та болады. • Көрініс қою. Сергіту сәті Билеуге тұра қал, Қолмен соқ, Аяқпен соқ, Бір-біріңе иіле қал. Қолмен соқ. Аяқпен соқ. Билеуге тұра қал, Тағы бір рет, Тағы бір рет, Бір-біріңе иіле қал. Соқ та соқ. Соқ та соқ. Топпен жұмыс • «Күн шуағы» - ойыны • «Мерекелік кесте» - жасау - Балалар, әр күнді (үйдегі, сыныптағы, мектептегі) ұмытылмас мереке етіп өткізуге болады. қалай дейсіңдер ғой? Ол үшін мынадай мерекелік кесте жасап алу қажет деп ойлаймын. Күн атауы Мерекелік іс - шаралар Дүйсенбі «Күлкі күні» - Әр адам бұл күні шаңырағында, сыныбында біріне-бірі күле қарап, қалжыңдасып көңілді әңгімелер айтады. Сейсенбі «Тосынсый күні» - Бұл күні бір шаңырақ астында тұратындар бір-біріне тосын сый дайындап қуантады. Мысалы: қолдан жасалған бұйым, мерекелік ас, т.с.с. Сәрсенбі «Еңбек күні» - Бұл күні бір шаңырақ астында тұратындар бірлесе еңбек етеді. Мысалы: ағаш отырғызады, көршілеріне, достарына көмек береді. Бейсенбі «Тазалық күні» - Бұл күні аты айтып тұрғандай, шаңырақ іші, айналасы мұнтаздай етіп тазартылады. Жұма «Интеллектуалды орта күні» - Бұл күні шаңырақтағылардың бәрі бір жерге жиналып қызықты кітаптар оқиды. Барлығы бірлесе бір кітапты оқып талдау жасауларына болады. Интеллектуалды ойындар ұйымдастырады. Мысалы: «Ғажайып алаң», «Алтын дала» ойыны және т.б. Сенбі «Патшалық күн» - Бұл күні шаңырақта үлкен ерекшелік болуы керек. «Шаңырақ патшалығын» орнатып өзара қарым-қатынастарында бір-біріне сыпайылық, әдептілік, ізеттілік көрсету қажет. Мысалы: «Мәртебелі патша», «Мархабат», т.с.с. Жексенбі «Жұлдызды күн» - Бұл күні бір шаңырақта тұратындар кешке қарай сыртқа, аулаға, көшеге шығады. Жұлдызды аспанға қарап өздерінің тілектерін тілейді. Бірлесе ән салып, би билейді. - Тапсырманы орындап болған соң, әр топ талдау жасайды. - Міне, көрдіңдер ме, балалар, шаңырақта көңілді де қуанышты, қызықты да жақсы өмір сүру өз қолымызда. • «Кім зейінді?» - ойыны Суреттер топтамасын тарату 1. Суреттер топтамасын қарай отырып, әр суретті ретімен қою. 2. Сурет бойынша мәтін құрастыру. 3. Мәтінге ат қою. Дәйексөз «Шаңырақ сәні – сыйластық» - Шаңырақтағы сыйластық, сүйіспеншілік, бірлік, ынтымақ, бауырмалдық, қамқорлық өзара түсінісу шаңырақтың сәнін кіргізіп, жарастық орнатады. Қорытынды «Мен әдепті баламын»- өлеңін айту Жүректен жүрекке - Мен сендердің шаңырақтарыңа шын жүрегімнен бақыт, сүйіспеншілік тілеймін. Ал сендер де өз достарыңның шаңырағына жақсы тілектеріңді айтыңдар. | |
| Просмотров: 3412 | |
Четверг, 2024-12-19, 9:15 AM
Приветствую Вас Гость
Приветствую Вас Гость
Форма входа |
|---|
Категории раздела |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|