Коллеги - педагогический журнал Казахстана
Учительские университеты
| Главная » Статьи » Школа, как она есть |
Үлгерімі төмен оқушылармен түзету-дамыту сабағы
| Үлгерімі төмен оқушылармен түзету-дамыту сабағы Тақырыбы: «Ойнайық та, ойлайық!» Мақсаты: үлгерімі төмен оқушылардың танымдық процестерін дамыту, оқуға деген қызығушылығын ояту, өзін-өзі бағалауын жоғарылату. Жүргізілу барысы: 1. Шаттық шеңбері «Ойыншықты сипатта!» Жүргізуші: Балалар, қазір мен сендерге мына қолымдағы ойыншықты әрқайсысыңа ұсынамын. Сендер осы ойыншықты ұстап тұрып, бір сөзбен сипаттауларың керек. Мысалы, жұмсақ, әдемі, аппақ, т.б. Содан кейін айтқан сөздеріңді есте сақтап қалып, сол жақтағы көршілеріңе сол сөзді айтасыңдар, осылайша шеңбер бойынша жалғасып кете береді. 2. «Сиқырлы қоржын» жаттығуы Жүргізуші: Балалар, сендер мына сиқырлы қоржынды көріп тұрсыңдар ма, бұл қоржында әр түрлі заттар толып тұр. Сендер осы қоржында не бар екенін табыңдаршы. Балаларды шеңбер жасай отырғызып жүргізуші олардың алдындағы кішкентай үстел басына отырады. Үстелдің басында сиқырлы қоржын тұр. Ішінде әртүрлі ұсақ ойыншық бар. Балаларды кезекпен шақырып, қоржынның ішіндегі екі бірдей затты тауып алуды талап етеді. Мысалы. Екі доп, екі машина т.б. Балалар қолымен заттарды сипап, бірдей затты тауып алганнан соң сипаттап айтады. Айтқанын тексеру үшін заттарды сыртқа шығарады, ойын осылайша жалғасады. 3. «Сөздерді жаттап ал!» жаттығуы Жүргізуші: Балалар, мен қазір сендерге тақтадан сөздер тізімін көрсетемін. Ол сөздерді 1 минут ішінде еске сақтап қалуларың керек. Сол сөздерді қағазға жазуларың қажет. Одан кейін 2 рет сөздер тақтадан қайталап көрсетіледі. Сендер 2 тағы рет есте сақтап қалған сөздеріңді қағаз бетіне түсіресіңдер. Жаттығу соңында әрқайсыларың өздеріңде неше сөз пайда болды, соны жазасыңдар. Әр бала әр түрлі сөздер сөздер санын жаттауы мүмкін. Сөздер тізімі: Алма Балмұздақ Сағат Өшіргіш Таға Бәйтерек Айна Ауыл Сызғыш Күн Балапан Дорба Алақан Гүл Бота Көгершін Тырна Домбыра Бала Зейін 4. «Қиялыңды шарықтат!» жаттығуы Жүргізуші: Балалар, алдарыңда ақ жіптер жатыр, солардың біреуін алып мына бояуға салыңдар, содан кейін оны алып, ақ қағаздарыңа иректетіп салыңдар да екіге бүктеп жабыңдар. Жіпті екі ұшынан тартыңдар. Ал ашқан кезде керемет әдемі бір сурет көретін шығарсыңдар немесе ол бір аяқталмаған суретке ұқсауы мүмкін, сендер сол суретті аяқтап көріңдер. Жаттығу барысында жайлы ән ойнап тұрады. 5. «Алақан» жаттығуы. Жүргізуші: балалар, қазір алдарыңда тұрған ақ параққа өз алақандарыңды салуларың қажет. Содан кейін әркім өзінің салған алақанының ортасына өз есімдеріңді жазыңдар, салған алақандарыңды көршілеріңе беріп, көршілерің сен туралы жақсы қасиеттеріңді жазу керек. Шеңберді айналып келгенен кейін, өзің туралы не жазылғанын оқып бер. 6. «Зейінді бол!» жаттығуы Жүргізуші: Балалар, қазір мен сендерге сөздер оқимын, сол сөздердің ішінен сендер жануарлардың атын естігенде қол шапалақтауларың керек, ал құстың аттарын естігенде аяқтарыңмен топырлатасыңдар, балықтардың атауларын айтқанда, балық ұқсап жүзулерің керек. Қарақат, алабұға, алма, түлкі, сандық, көгершін, сауысқан, шортан, жолбарыс, теледидар, қарға, аю, гүл, тотықұс, кит, акула, бауырсақ, қоян, ақ шағала, шабақ, арыстан, қарлығаш. | |
| Просмотров: 4084 | |
Среда, 2024-12-25, 12:31 PM
Приветствую Вас Гость
Приветствую Вас Гость
Форма входа |
|---|
Категории раздела |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|