Учительские университеты
Мәртебелі білім ордасы
Әл-Фараби атындағы Қазақ ұлттық университеті – Қазақстанның жетекші классикалық университеті мәртебесіне ие Қазақстан білімі мен ғылымының ірі орталығы, жоғары кәсіби, жоғары оқу орнынан кейінгі білім мен ғылымның инновациялық дамуының ұлттық көшбасшысы.
Университеттің 76-жылдық аса бай тарихы Қазақстанның академиялық ғылымы мен жоғары мектебінің дамуы және қалыптасуымен тығыз байланысты. ҚазҰУ-ды еліміздің барлық жоғары білім беру жүйесінің тірегі, білікті мамандар ордасы деуге болады. Университеттің мыңдаған түлектері Қазақстанның және оның аумағынан тыс жерлердегі өндірістің барлық салаларында табысты еңбек етуде.
Бүгінде әл-Фараби атындағы ҚазҰУ ерекше мәртебесі бар Қазақстанның жетекші классикалық университеті, жоғары кәсіби, жоғары оқу орнынан кейінгі білім мен ғылымды инновациялық дамытудың ұлттық көшбасшысы, еліміздің жоғары оқу орындары арасындағы бірінші Қазақстан Республикасы Президентінің «Сапа саласындағы жетістіктері үшін» сыйлығының иегері. Quacquarelli Symonds (QS, Ұлыбритания) агенттігінің зерттеулеріне сәйкес әл-Фараби атындағы ҚазҰУ білім беру бағдарламалары бойынша 401-450 дәрежеге енді. Университетте еліміздің барлық аймағынан келген 20 мыңнан астам студент, сондай-ақ алыс жақын шетелден келген студенттер білім алады. Факультттердің ішінде ерекше Экономика және Бизнес Жоғарғы Мектебін атап өтсек болады. Әсіресе кеңінен танымалдыққа ие болып отырған Қаржы кафедрасы. Қаржы кафедрасын тәмамдаған студенттер министрлікте, парламентте, Елбасы канцеляриясында қызмет атқаруда. Әрине, мұның бәрі дарынды ұстаздардың арқасында. Каферада Ермекбаева Баян, Керімбекова Нұргүл, Қажығалиқызы Ақмарал секілді білімді ұстаздар еңбек етеді. Сондықтан жас түлектерді ҚазҰУ-ға түсуге шақырамын.
|
| Категория: Профессиональное образование | Добавил: bkabdoldaeva (2014-04-21)
| Автор: Аймағанбетова Зарина E
|
| Просмотров: 585
| Рейтинг: 0.0/0 |
Добавлять комментарии могут только зарегистрированные пользователи.
[
Регистрация |
Вход ]