Бүгінгі таңда оқушы қабілетін қанағаттандыра алатындай білім беру үшін оқыту үрдісінде мұғалімдердің оқу ептілігін дамытуы және оқушылардың қалай оқитынын назарда ұстау керек. Ой-пікір қабілеттілігін жетілдіру, білімді, саналы, тілге жетік тұлға дайындап шығару - мұғалімдердің мақсаты болатын болса, сол мақсатқа жету үшін шығармашылық жұмысты мұғалім өзі емес, оқушыларымен бірге іске асыру керек деп ойлаймын. Сабақта жоғарғы сапаға жету үшін, алдымен мұғалімдер оқушылардың не білетінін ,нені жасай алатынын ,нені жақсы көретінін және не істегісі келетінін , білуі керек. Әр бала жас кезінен еркін ойлауға, алдына қойған істі жоспарлап, оны соңына дейін жеткізуге, кедергілерге қарсы тұруға бейімделгені жөн.
Сондықтан да әр сабаққа оқушылардың әр мәселеге сыни көзқарасын қалыптастырып, оларды ашық, еркін сөйлеуге баулу – әр ұстаздың міндеті.. Еркін ойлата білудің негізгі мақсаты оқушылардың танымдық міндеттерін қалыптастыру, шығармашылық қабілеттері мен қызығушылығын жетілдіру, білімге құштарлығын ояту. Мұғалім сабақта тиімді әдіс – тәсілдерді пайдалана отырып, оқушылардың оқу үлгерімін ғана емес, материалды өздігінен түсініп, терең игеруіне мүмкіндіктуғызып, әрбір сабақ оқушылардың ойлануына және қиялына негізделіп , оқушының тереңде жатқан ойының қалыптасуына , оларды сөйлетуге үйрету. Бұрынғыдай оқушылар тек тыңдаушы, орындаушы болса, ал қазіргі оқушы – өздігінен білім іздейтін, өз-өзін ынталандырушы жекетұлға, тәуелсіз оқушы екендігіне ерекше мән беріледі.. Баланың еркін де терең ойлауына, үздіксіз жұмыс жасауына жол ашу үшін, метатану әлеуетін, атап айтқанда олардың қалай ойланатынын әрі оқитынын қадағалау, бағалау, бақылау және қабілетін өзгерту аса маңызды. Метатану әдістерін игерген оқушылар оқу мен оқыту үдерісінде мұғалімдермен тең әрекеттесе отырып, мұғалімнің қызметін өздері атқарады.
Әр мұғалім болашақ үшін қызмет істейді. Ол әр оқушыны жеке тұлға ретінде көріп, оның өміріндегі өз орнын табуына, жағдай жасайды.
Олай болса, еліміздің болашағы тұрақты, даму барысы қалыпты жағдайда өскен жас ұрпақ мына сөздің қадірін түсінсе: «Өркениеттіліктің басты міндеті – адамды еркін ойлай білуге үйрету» (Эдисон). Өз болашағымызды саналы ой ойлауға тәрбиелейік.
|