Шығармашылық жоба:

«Менің сүйікті қуыршақтарым
суреттерде және шынайы өмірде»

Дайындаған:
2 «а» сынып оқушысы
Бижамал Маханова
Жетекшісі :
Маханова А.К., Кивкей Г.

Ростовка 2010 жыл
«Менің сүйікті қуыршақтарым»

1. Әр түрлі киіндірген қуыршақтар (қабырға стендінде көрсетілген)
2. Қуыршақтардың фотосуреттері
3. Қуыршақтар туралы бейне – таспа
4. Қуыршақтардың суреттері мен фотосуреттерінің жинақ папкасы
Суреттер:
- қағаздан жапсырмалаған
- ермек саздан жасалған
- қарындашпен салынған
- субояумен салынған
- күріштен құрастырылған
- биссермен безендірілген т.б.
5. «Менің сүйікті қуыршақтарым» жобасын қорғау мәтіні

Менің жұмысымның мақсаты:

«Балалық шақтың алғашқы кезеңіндегі көркем шығармашылықпен айналысуды зерттеу және балалардың өз қабілеттерін суреттері мен қуыршақтары арқылы іске асыруын бақылау»

Міндеттері:

1 Балалардың сурет салуға қызығушылығын зерттеу.
2 Балалардың суреттерін қиял- ғажайып туындылары ретінде мәнін ашу.
3 Қуыршақтарға киім тігуге шығармашылық тұрғыдан қарау үшін жағдай жасау.

Балалар суреттерінің құпиясы.

«Мен бала неге кемелденген музыкант бола алатынын түсінемін. Біз оның суреттеріне жіті назар аударсақ ақынды, суретшіні, сезім шеберін көреміз»
Януш Корчак

Өз баласының немесе басқа балалардың үйде, көшеде қалай сурет салатынын байқамайтын адам жоқ. Кішкентай балалар немен, қайда сурет салатынын білмей тұрып, із қалдыруға болатын жерге, асфальтқа, қабырғаға, қағазға қызыға сурет сала береді. Үлкен адамдар өздері жанынан байқамай, ойланбай өтіп кете беретін балалар суреттері әдемі ғажайыптардың бірі екенін түсіне бермейді. Балалардың салған суреттері қиял-ғажайып туындылары - ашық, өзіндік ерекшеліктері бар, кейде бір-біріне ұқсас, кейде әр түрлі. Бұл суреттер өнер әлемінің есігін ашуға жол сілтейді. Барлық балалар сурет салады. Салынған суреттер бір күндері дамып, жетіле түседі. Балалар суреттері өсімдіктер сияқты бастапқы жасырын кезеңнен өтеді. Бұл кезде суреттің қандай болып шығатынын байқау мүмкін емес. Бірте-бірте көзге көрініп, күш алып гүлдене бастайды.

Балалардың өзінше дамуы, ізденушілігі мен тапқырлығы үлкендер тарапынан балалардың көркем шығармашылығына деген шын қызығушылығын тудырады. Балалардың жеке тұлға ретінде ізденуі суреттердің шексіз әртүрлілігін жасайды.
Біз ежелгі дәуірден бастап қазіргі біздің заманымызға дейін балалардың суретті қалай салғаны туралы өте аз білеміз. Балалардың суреттері көбінесе өздері өмір сүрген уақыт туралы көптеген қызықты мәліметтерге толы. Суретті салған кішкентай автордың өзі туралы, қызығушылығы мен тәрбиесі туралы да білуге болады. Әрбір сурет қоршаған ортаның шындығы туралы ерекше түсінік береді, оны суретке түсіруде өзіндік тәсілдері де бар. Сурет өнерінде көптеген мүмкіндіктер жасырын жатады. Сурет салу арқылы бала пішіндердің түрлерін, бояулар үйлесімін, суреттерді құрудың мақсаттылығын үйренеді. Бұл қасиеттер әсемдік әлемінің элементтері, себебі бала суретті шын бейнеден салмайды, елестету арқылы салады. Балалардың өздері үшін қызықты нәрселер туралы әңгімелеу тілегі, қоршаған ортаға деген өз қарым-қатынасы мен сезімдерін көрсеткісі келуі оларды сурет салуға үйретеді.