Коллеги - педагогический журнал Казахстана
Наша библиотека
| Главная » Файлы » В помощь учителю » Начальная школа |
Жүсіпбек Аймауытов. «Қартқожаның туған жері».
| [ Скачать с сервера (11.2 Kb) ] | 2012-05-18, 8:30 AM |
| Манапова Айгерім Халилулаевна -бастауыш сынып мұғалімі №8 жалпы орта білім беретін көркемдік-эстетикалық білім мен тәрбие беру мектеп-кешені Пән : Ана тілі 2 сынып Сабақтың тақырыбы:Жүсіпбек Аймауытов. «Қартқожаның туған жері». Сабақтың мақсаты: 1.Оқушыларға жазушы Жүсіпбек Аймауытовтың өмірі мен қызметі жайлы толығырақ мағлұмат беру. 2.Әңгіменің негізгі идеясы туған жерді сүю, қадірлеу екендігін ұғындыра отырып, оқушылардың өз Отанына деген мақтаныш сезімдерін туғызу. 3.Оқушыларды патриоттық рухта тәрбиелеу. Сабақтың көрнекілігі: интерактивті тақта ,ауыл суреті, Ж.Аймауытов портреті, қима сөздер жазылған беттер,сөзжұмбақ. Сабақта қолданылатын әдістер: түсіндіру, әңгіме, оқулықпен жұмыс, бақылау, көрнекілік стратегиясын пайдалану. Сабақтың түрі : аралас сабақ,ауызша журнал беттері Сабақтың барысы. 1.Психологиялық икем. 2.Сөзжұмбақ шешкізу. 1.Қалың ағаш өсетін нулы жер қалай аталады? 2.Отбасындағы әке атауы. 3.Ел сөзін басқаша тағы қалай атауға болады? 4.Мемлекеттік рәміздеріміздің бірі. О Т А Н 3.Жаңа тараумен таныстыру : « Неткен сұлу,неткен көркем, Осы менің туған өлкем !» Жаңа сабақтың тақырыбын және мақсатын хабарлау. 4. Ауыл бейнесі кескінделген суретпен жұмыс. 1.Суретке зер салып қара,суретте нелер бейнеленген? 2.Жылдың қай мезгілі деп ойлайсың? 3.Қысқаша әңгіме кім құрастырар екен? 5.Мұғалімнің кіріспе әңгімесі. Жазушы Ж.Аймауытов туралы оқушылардан сұрай отырып, « Пікірлер ағашына» жаздыру. А) Оқулықпен жұмыс. Көрнекті жазушы Жүсіпбек Аймауытовтың атақты «Қартқожа» романынан келтірілген үзіндіде бала Қартқожа өз ауылының бейнесі қалайша әсер еткенін бақылап отыру тапсырылып, оқулықтағы мәтінді мұғалім өзі оқиды. Б) Мәтін оқылып біткеннен кейін сөздік жұмысы жүргізіледі. Қотан – қой жататын үй маңы (Сөйлем құратылады: Қой қотанға келді.) Үй басы - әр үй. ( Үй басы Наурызға әзірленуде.) Ашамай – алдыңғы, артқы қастарының басы айқастырылып, балаға арналып жасалған ер (Ашамайға отырды.) Ет бауыр жақын - өте жақын туыс.( Ет бауыр жақын адамы келді.) Шерсіз – қайғы-мұңсыз. ( Жүрегі шерсіз,таза адам екен.) Жетесіз – ақылсыз,ақымақ. ( Жеті атасын білмеген жетесіз.) 6.Мәтінмен жұмыс. Оқушыларға тізбектей оқыту,сұрақтарға жауап алу. Сұрақтар: - Қартқожаға не нәрселер қатты әсер етті? ( кешкі ауыл көрінісі, ауыл адамдарының қарбалас жұмысы ) - Мәтіндегі қандай сөздер ерекше әсерлі болып көрінді? Көз алдыңа не елестеді? ( Әркімге өз мекені ыстық. Адам баласы ешқашан кіндік қаны тамған жерін ұмытпайды.) Үш қатарға тапсырма беру: І қатар: Мәтіннен жазушының туған жеріне деген сезімін білдіріп тұрған жолдарды тап. 1-оқушы: Ыстық қой, шіркін, туған жер! 2-оқушы: Кім сүймесін өз жерін? 3-оқушы: Сүймесе зердесіз сүймес. 4-оқушы: Жүрегі шерсіз, тілеуі бөлек, жетесіз сүймес... (Семей қаласындағы көпір суреті 4-ке бөлінген. Әр бөліктегі жауапты оқып, әр оқушы көпір суретін құрап шығады) ІІ қатар: Мәтіндегі көркем сөздерді тап. (Қоңырсыған сүт, қайнатқан қаймақ иісі, түтіннің иісі, күлімсі шуаш иісі) ІІІ қатар: «Зердесіз», «шерсіз», «жетесіз» сөздеріне қарама-қарсы мәндегі қатарды тап. Зердесіз – зерделі, ойлы Шерсіз – қайғылы, мұңды Жетесіз – текті, көргенді, әдепті. 7.Дәптермен жұмыс.Сөйлемдерді жаздыру. 8.Сабақты бекіту. Қарамен жазылған сөздерді іштей оқы.Көп нүктенің орнына осы сөздерді қойып,дауыстап айт. Отаным,туған жерім,атамекенім,туған өлкем,туған елім. Менің ... – Қазақстан. 1. « Туған жерді сүю»дегенді қалай түсінесің? 2. Сен өз аулыңнан алыста жүрсің дейік.Көз алдыңа не елестер еді? 9.Оқушыларды бағалау. 10.Үйге тапсырма беру: мәтінді оқу,бөлікке бөлу,қаланың көрінісінен сурет салу. Манапова Айгерім Халилулаевна - бастауыш сынып мұғалімі №8 жалпы орта білім беретін көркемдік- эстетикалық білім мен тәрбие беру мектеп-кешені Пән : Ана тілі 2 сынып Тақырыбы : Жүсіпбек Аймауытов « Қартқожаның туған жері» | |
| Просмотров: 11277 | Загрузок: 316 | Комментарии: 3 | | |
Понедельник, 2026-05-18, 0:13 AM
Приветствую Вас Гость
Приветствую Вас Гость
Форма входа |
|---|
Категории раздела | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|