Сабақтың тақырыбы: «Қазақ халқының салт-дәстүрлері»

Сабақтың мақсаты: қазақ халқының ғасырлар бойы жалғасып келе жатқан салт-дәстүрлерін, әдет-ғұрып үлгілері мен өнегелері жайлы айтып түсінік беріп, бүгінгі ұрпақ санасына сіңіру. Халықтық педагогика негізін ала отырып оқушылардың ұлтына, туған жеріне деген құрметін, сүйіспеншілігін арттыру ұлттық салт-дәстүр негізінде сыйластыққа, ізгілікке тәрбиелеу.

Сабақтың әдісі: сұрақ-жауап, әңгімелеу.
Сабақтың көрнекілігі: интерактивті тақта
Сабақтың барысы: Ұйымдастыру кезеңі.
Дәптерлерін ашып күнді, айды жазғызу. Тақырып «Қазақ халқының салт-дәстүрлері».
Қазақ халқының салт-дәстүрлері шілдехана, қырқынан шығару, бесікке салу, тұсау кесу.
Шілдехана – жаңа туған нәрестенің құрметіне жасалатын той. Дастархан жайылып, домбыра тартып, ұлттық ойындар ойналады.
Қырқынан шығару – нәрестенің туған күніне қырық күн толған соң, ыдысқа қырық бір қасық су құйып, соған баланы шомылдырады. Сәбидің қарын шашын, тырнағын алады. Мерекелік дастархан жайылады.
Бесікке салу. Халқымыздың бесік-қасиетті, құтты мүлік, сәбидің алтын ұясы болып есептеледі.
Бесікті отпен аластап, баланы бөлейді. Бесікке салу жолы үлкен, елдің құрметті, өнегелі адамына жүктеледі.
Тұсау кесу – сәбидің қаз тұра бастағанда, тез жүріп кетсін деп, ала жіп есіп, екі аяғын тұсап, сүрінбей жүретін адамға тұсауын кестіреді. Баланы қолынан ұстап, тез-тез жүгіртеді.
Қазақ халқының қандай салт-дәстүрлерін білесіңдер?
1слайд. Сахналық көріністер. Бесікке салу, қырқынан шығару, тұсау кесу.
2слайд. Мақал – мәтелдерді аяқтау.
1.Әке – асқар тау.
2.Әкеге қарап ұл өсер,
Шешеге қарап қыз өсер.
3.Отансыз адам – ормансыз бұлбұл.
4.Отан оттан да ыстық.
5.Ғылым – теңіз, білім – қайық.
3 слайд. Сөйлемдерге синтаксистік талдау жасау.
1.Сәбидің қарын шашын, тырнағын алады.
2.Мерекелік дастарқан жайылып, бесікке салған адамға кәде беріледі.
4 слайд. Сергіту сәті «Қара жорға» биі.
5 слайд. Оқулықпен жұмыс. Мәтінді оқу 62 бет «Үйлену тойы»
6 слайд. Тестпен жұмыс.
7 слайд. Қорытындылау.
8 слайд. Бағалау.
9 слайд. Үйге тапсырма: Қазақ халқаның салт-дәстүрлері тақырыбына шығарма жазып келу