Коллеги - педагогический журнал Казахстана
Наша библиотека
| Главная » Файлы » В помощь учителю » Дошколенок |
Экологиялық тәрбие шағын орталықта
| 2013-02-10, 2:48 PM | |
| Нугумарова Айман Окешовна – КМҚК «Аружан» мектепке дейінгі шағын орталығының әдіскері Тақырыбы:Экологиялық тәрбие шағын орталықта Балаларды шағын орталықтың экологиялық білім мен тәрбие жүйесінде тәрбиелеуді 2012-2013 оқу жылының жылдық міндетіне қойып отырмыз. Егемендік алып, дербес мемлекетке айналған Қазақстан Республикасының білім мен тәрбие беру саласында тың өзгерістер енгізіліп, жаңа талап пен міндеттер қойылып отыр. Соның бірі-жеткіншек ұрпақтың болашақта экологиялық таным-түсініктерін, табиғатқа деген қамқорлық сезімдерін дамытып, мәдениетті азамат тәрбиелеу болады. Қазақстан Республикасының тәлім-тәрбие тұжырымдамасында өскелең ұрпаққа экологиялық білім мен тәрбие беру бүгінгі күн тәртібіндегі бірден-бір қажетті, кезек күттірмейтін мәселе екендігі айтылған. Бүгінгі біздің тәрбиелеп отырған бүлдіршіндеріміз Отанымыздың болашақ азаматтары. Сондықтан оларды туған ел табиғатын күтіп, оның байлықтарын сақтауға, қорғауға тәрбиелеу міндетіміз. Бала ең бірінші көрген гүлге, көбелекке, құмырсқаға, талға, тағы басқа заттарға таң қалып қызығушылықпен қарайды. Табиғаттың осы сырын, қоршаған ортаны қорғаудың қажеттігін санасына сіңірудің жолдары қандай болмақ? Экологиялық тәрбиеге байланысты жыл мезгілдерін бір-бірінен ажырата білу, жаман мен жақсы істерді айыра білу, жануарлар мен өсімдіктер дүниесіне байланысты баланың логикалық ойлау қабілетін және тілін дамыту мақсатында түрлі дидактикалық ойындар, табиғатты бақылау, зерттеу жұмыстары жүргізіледі. Табиғатты қорғау адам баласына абыройлы да міндетті жұмыс жүктейді. Егер ауа бүлінсе, су ластанса онда одан табиғат қана зардап шекпейді, адам да қасірет тартады. Міне, сондықтан да табиғатты қорғау – адамның өзін-өзі қорғауы деген сөз. Сол себептен де ауаны тазалайтын ағаштар мен өсімдіктерді сындырмай, аялап, өсіріп табиғатты қамқорлыққа алу керек екенін балаларға жеткізіп отырамыз. Сондай-ақ құрып кету қаупі төнген хайуанаттар түрлері біздің елімізде арнайы Қызыл кітапқа енгізілген, олар да қамқорлыққа алынып қорғалуда. Қазақстанның ұлан байтақ жерінде бірнеше қорықтарда хайуанаттар өсіріледі. Қорықтар олардың үйі болып табылады. Сондықтан балалар, сендердің де ойлануларың қажет, жер шарымыздың болашақ иесі сендерсіңдер. Сендер Жер-Ананы сақтап қалу үшін оның қойнауында алуан түрлі аң-құстың, өсімдіктер мен жасыл ормандардың тіршілік етуі үшін күресулерің керек. Бір сөзбен айтқанда, Табиғат-Анамызды аялап, көздің қарашығындай сақтау -парызымыз. Балалар табиғатпен тығыз байланыста болса ғана жақсылыққа, еңбек сүйгіштікке, қайырымдылыққа үйренеді. Ендеше, келешек ұрпақтың қоршаған ортаны қорғау, табиғи қорларды тиімді пайдалану жөніндегі іс-әрекеттері отбасынан және мектепке дейінгі ұйымдардан бастау алса, балаларды таным-түсініктерін дамыту қағидалардың негізінде жүргізілсе деп ойлаймын. | |
| Просмотров: 1459 | Загрузок: 0 | | |
Среда, 2024-12-04, 9:58 AM
Приветствую Вас Гость
Приветствую Вас Гость
Форма входа |
|---|
Категории раздела | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|