Коллеги - педагогический журнал Казахстана
Наша библиотека
| Главная » Файлы » В помощь учителю » Дошколенок |
«Қазақтың ұлттық киім түрлерімен таныстыру»
| [ Скачать с сервера (17.2 Kb) ] | 2013-12-05, 8:31 PM |
| №23 «Ақниет» балабақшасының тәрбиешісі А.А.Кудайбергенова Білім беру аймағы: «Таным» Бөлімі: Қоршаған ортамен таныстыру Тақырыбы: «Қазақтың ұлттық киім түрлерімен таныстыру» Бағдарламалық мазмұны: Қазақтың ұлттық киімдерімен және оның түрлерімен, соның ішіндегі қыздың, ер адамдардың, ата мен әжелердің киімдерімен таныстыру. Сол киімдердің әдемілігін, сұлулығын сөзбен айта отырып, балалардың ой-өрісін, тілдерін дамыту. Ұлттық салт-дәстүрге деген ынта сезімін тәрбиелеу. Құрал-жабдықтар: Қазақтың ұлттық киімдерінің түрлері, суреттер, слайд, темір қақпа, күміс қақпа, алтын қақпа. Қостілділік компанент: Қазақтың ұлттық киімдері, сәукеле, мәсі, тұсау кесу, той, былғары. ҰОІӘ барысы: «Домбыра» әнімен балалар залға кіреді. Тәрбиеші: Балалар, бүгін сендер ерекше болып кетіпсіңдер. Ал, қазір сендер қандай киім үлгілерін көрсетіп жатырсыңдар? Балалар: Біз қазақтың ұлттық киімдерінің үлгілерін көрсеттік. Тәрбиеші: Жарайсыңдар, балалар. Ендеше бүгінгі сабағымызда қазақтың ұлттық киімдері жайында әңгімелесеміз. Олай болса менің бірінші сұрағыма жауап беріңдер. -Қазір жылдың қай мезгілі? -Қыста ауа-райы қалай өзгереді? -Қыс айларын ата. -Қазақтың ұлттық ойындарын ата. -Ұлттық тағамдарды білесіңдер ме? -Ұлттық бұйымдарды атап берші. Таңдандыру сәті. Бала: Алақай, алақай! Біздің үйде той болады. Келіңіздер! Келіңіздер! Тәрбиеші: Балалар ең алдымен тойға дайындықпен бару керек. Ол үшін сендер менің әңгімемді тыңдап, қазақтың ұлттық киімдерімен танысып алыңдар. Ерте заманда ата-бабаларымыз киген киімдерінің үлгілерімене таныстырады. Мынау- сәукеле. Қыз бала ұзатылғанда арнайы тігілетін бас киім. Сәукелені алтын, күміс, маржан қымбат тастармен әшекелейді. Төбесіне үкі таққан, екі жағында салбыраған шолпы. Мынау- ерлер бас киімі. Айырқалпақ жұқа киіз немесе қалың мата салынып, тігілген ер адамдардың бас киімі. Мынау- тақия. Ерлердің жеңіл бас киімі. Тақияны пүліштен, ал астарын жібек сәтеннен тігеді. Мынау-кимешек. Кимешек кию инабаттылыққа, тазалыққа тәрбиелейтін салттың бірі. Мынау- қамзол. Әйелдердің киімінің бір түрі. Оны көйлек сыртынан киеді. Ол барқыт, пүліш, мақпал сияқты асыл сапалы кездемелерден тігіледі. Мынау- шапан. Аталардың киетін киімі. Қымбат матадан тіккен. Етек-жеңіне жібек жіппен өрнектеп ою салған. Бұл шапанды тойға киеді. Мынау- саптама етік. Ішіне киізден астар салып, былғарыдан тігілетін жылы аяқ киім. Мынау мәсі. Оны былғарыдан тігеді. Сергіту сәті «Қошақан» әні Тәрбиеші: Жарайсыңдар балалар. Біз әжеміздің үйіне жету үшін үш қақпадан өтуіміз керек. Темір қақпаның тапсырмасы. Балалардың әңгімесі. Күміс қақпаның тапсырмасы. «Тақия тастамақ» ойыны. Ойын шарты: Жеңіліп қалған бала сұраққа жауап береді. -Ерлер киімін ата. -Әйелдер киімін ата. -Зергерлік бұйымдарды ата. Алтын қақпаның тапсырмасы. Әдептілік, имандылық, инабаттылық жайында қазақтың тыйым сөздерін айту /Әже қарсы алады/ Әже: Бәрекелді бағанадан күткен қонақтарымыз келді. Қонақтар тойға қандай дайындықпен келдіңдер. Тәрбиеші: Бұл тойға дайындаған тақпақтарымыз бар. 1-бала: Қазақ деген халықпыз, Өзге ұлттай біздің де, Бар дәстүрмен, салтымыз. 2-бала: Ел дәстүрін білмесең, Жұрт айтады надан деп. 3-бала: Бейбітшілік ізгі күн, Бақытты болып өсеміз. Ән саламыз біз бүгін, Биге бүгін басамыз. Киді киім ең сәнді, Қарындасым, інім де. Мен де шырқап ән салдым, Бүгінгі той үстінде. 4-бала: Ау, халайық тыңдаңдар, Босқа қарап тұрмаңдар. Қуанышқа қосылып, Тұсау кесу тойын тойлаңдар. 1-Әже: Тойдың бастамасы болсын, немеремнің тұсау кесу рәсімін әжелер жарысынан бастайық. «Әжелер жарысы» Тәрбиеші:Ал, әжесі өзің озып келдің, тұсау кесуге лайық адам екенсің. Міндетіңізге кірісіңіз. 2-Әже: Келін, ай келін. Әкеле ғой немеремді. Тоқ ішекпен кескенім, тоқшылық болсын дегенім. Көк шөппен кескенім, көктей көгерсін дегенім. Ала жіппен кескенім, адал болсын дегенім. /Тұсау кесе отырып/ Қаз-қаз балам, қаз балам, Тақымыңды жаз балам. Күрмеуіңді шешейін, Тұсауыңды кесейін. /Тұсау кесіп болған соң/ Қаз-қаз балам, қаз балам, Қадам бассаң мәз болам. Қадамыңа қарайын, Басқаныңда санайын. Әжеге сыйлық беріледі, шашу шашылады. Ата бата береді: Құлындай құлдырап жүгірші, Кәнеки өзіңді сына да. Секірсең еш қашан сүрінбе, Шыңдарға шыққанда бүгілме. Аумин! Тәрбиеші: Ал, балалар біздің де бақшамызға оралатын кез келді. Балабақшаға барғанша әңгімелесіп барайық. -Балалар бүгін қайда бардық? -Бүгінгі ойында не оқып білдік? -Бүгін сендерге кімнің жауабы ұнады? Жылулық шеңбері. Осындай ойын-сауық бола берсін, Үй іші той думанға тола берсін. Өмірдің гүл жайнаған жаннатындай, Бақшаға бақыт құсы қона берсін. | |
| Просмотров: 6135 | Загрузок: 185 | Комментарии: 4 | | |
Четверг, 2025-01-23, 8:48 AM
Приветствую Вас Гость
Приветствую Вас Гость
Форма входа |
|---|
Категории раздела | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|