Курманбаева Жанагуль Кабдуалиевна, Семей қаласындағы «№ 47 жалпы орта білім беретін мектеп» КММ, география пәнінің мұғалімі
География сабағындағы ұлттық ойындарды қолдану
Ойын оқу құралы ретінде педагогтерді, әдіскерлерді қызықтыруда. Жан-жақты ойластырылған және жақсы жүргізілген ойын жаңа материалды меңгертуді, бекітуді жеңілдетеді, дағдыларын қалыптастыруға көмектеседі. Халықтық педагогика мен халықтық психолгия тағылымдарын пайдалану, география пәнінің әр тарауларынан өткізген сабақ түрлері оқушылыардың пәнеге қызығушылығын, белсенділігін арттырып, тарауды пысықтау кезеңін сапалы өткізуге, материалды толық меңгеруге көмектеседі. Сонымен бірге оқушы ойын дамытып, өзіндік пікір айтуға үйренеді. Оқушыны құрғақ жаттандылықтан аулақтап, дербес ойлап, әрекет етуге жетелейді. Халықтық педагогикасының тағылымдарын геогрфия сабағында қолдану- оның білімділік және тәрбиелік мақсаттарын жүзеге асырумен қатар халқымыздың салт-дәстүрін қастерлеп оқушыларды ұлттық мақтаныш рухында тәрбиелеуде зор мән бар. Ойынды география сабағының барлық кезеңінде қолдануға болады, бірақ, жоғары сыныптарда берілетін тіл материалдарының мазмұны мен тапсырмаларының түрі материалын жай қабылдауға емес, білім дамытуға, ойландыруға, сәйкестендіруге, фактілерді және жағдайларды салыстыруға, ойша бөлшектеп талдау жасауға, біріктіріп ұластыруға үлес етеді.
Әр әдісті пайдаланса да, тиімді болса, ешбірінің сөкеттігі жоқ. Бүгінгі таңдағы біздің міндетіміз ұлттық дәстүрдің аясын тарылтпай, халық педагогикасы негізінде, ұлттық құндылықтарымызды пайдалану арқылы, жаңа әдістермен толықтыра отырып, ұлттық сана сезімі оянған, рухани ойлау дәрежесі биік, мәдениетті, эстетикалық талғамы жоғары, ар-ожданы мол, еңбекқор жас ұрпақты тәрбиелеу, олардың әдепті, әдемі, сұлу, білімді болып өсуіне мүмкіндік жасау.
|