Қазақстан Республикасы Оңтүстік  Қазақстан облысы Сайрам ауданы
Сайрам ауылы № 1 Ю. Сареми атындағы мектеп - гимназиясының қазақ тілі пәні мұғалімі Махаметова Мухтарам Азимовна

Тақырып: Өө дыбысы.
Сабақтың мақсаты:
Білімділік: Ө әрпіне және дыбысына байланысты жаттығулар жасап, 1-сыныпта алған білімдерін бекіту, о дыбысынан айырмашылығын түсіндіру.
Тәрбиелік: Бейбітшілік құсы – көгершін жайлы тәрбиелік мәні бар әңгіме айту. Құстарға, жан-жануарларға қамқор болуға, оларды аялауға тәрбиелеу.
Дамытушылық: Дұрыс оқу, сауатты жазу дағдыларын дамыту. Қиялын, есте сақтау қабілетін, сөздік қорын молайту.

Сабақтың көрнекілігі: суреттер, сөзжұмбақ, слайд.
Сабақтың түрі: ойын сабақ
Сабақтың әдісі: түсіндіру, сұрақ-жауап, ойын.
Пәнаралық байланыс: дүниетану, математика.
Сабақтың барысы:
І. Ұйымдастыру кезеңі.
а) оқушыларды түгендеу, сабаққа әзірлеу;
ә) психологиялық дайындық; (оқушылар хормен айтады)
Күлімдеп, күн, күлімде,
Күлсін барлық бала шат!
Берекелі бүгіндей
Бейбіт болсын болашақ!
ІІ. Үй тапсырмасын тексеру.
Өткен ә,ү,ұ,і дыбыстарынан сөз диктантын алу.
Әтеш, әліппе, үтік, үкі, ұшқыш, жұлдыз, тиін, ілгіш.

ІІІ. Жаңа сабақ.
Сөздікпен жұмыс.
көйлек – кўйлак
сөздік – луғат
өшіргіш – ўчиргич
көк – кўк
көз – кўз
Оқушыларға Ө дыбысы жайлы түсінік беріледі.
Слайдта көгершіннің, көпірдің, көбелектің суреттері түсірілген.Осы суреттегі мысалдар арқылы Ө дыбысының жазылуы және дыбысталуы туралы түсіндіремін:



- Көгершін – көп халықтарда бейбітшіліктің рәмізі. Ол жер бетіне тыныштық, пен береке әкелетін құс деп саналады.
Әріп сөзжұмбақпен жұмыс .
Берілген сөздерді:
1.Ўрик
2.Дарё
3.Нақш
4.Ўргимчак
5.Ўчиргич қазақ тіліне аударып, сөзжұмбақтың ішіне жазу.

Дыбыстық талдау жасату.
Ө – дыбысы дауысты жіңішке айтылады. Көбінесе сөздің алғашқы буынында кездеседі. Қазақ тіліне тән дыбыстардың бірі.

Оқулықпен жұмыс.
1-тапсырма. Сөйлемдерді дұрыс оқу. Ө дыбысы бар сөздерді табу.

2-тапсырма. Сөйлем арасындағы суреттер атауын тауып, дәптерге дұрыс көшіру.

Сергіту сәті.
Жаза, жаза саусағым,
Әлсіреді, шаршады.
Оңға, солға бұрамыз,
Сосын қайта жазамыз.

«Жоғалған әріпті тап» ойыны.
Д...п , ...рік , ж... лбарыс, т...рт, ...зен, к...йлек, д...с, ж...қ , к...к,
к.....л, қ.....л.

«Ойлан да, тап». Слайд
Суреттерден ө дыбысы бар сөздерді тауып жазу. ( көйлек,үстел, өрмекші, терезе, өрік, кітап,үй, кілт,көгершін.)

Сандар мен суреттерден сөз тіркестерін құрастыру.
5 қаламсап, 13 өшіргіш, 8 кітап, 12 қалам,20 дәптер, 13 өшіргіш

IV. Сабақты бекіту.
Ойлан, тап, жаз. «Бір әріп бойынша бес жауап».

Ө әрпі
1. Ұл баланың аты – (Өмірбек)
2. Жемістің атауы – (өрік)
3. Ағатын су – (өзен)
4. Жәндіктің аты – (өрмекші)

V. Қорытындылау.
а) Оқушы білімін бағалау.
ә) Үйге тапсырма. 4-тапсырма