Коллеги - педагогический журнал Казахстана
Учительские университеты
| Главная » Статьи » В помощь учителю » Математика |
Сайыс түріндегі математикалық кеш
| №39 жалпы білім беретін орта мектеп Математика пәні мұғалімі: Жаканова К.М. Семей-2013 Қымбатты ұстаздар, өнер-білім сүйгіш жас достар.Бүгінгі біздің сайыс түріндегі математикалық кешімізге қош келдіңіздер! І-жүргізуші: -Уа, халайық, халайық, Бәріңе жар салайық Бүгінгі кеш төрінде Математика елінде Математика тілінде Есеп шешіп жарысып Жұмбақ шешіп аңдысып. ІІ-жүргізуші:- Шабыт тасып шалқысып Есеппен ән салысып Көңілді кеш жасайық Жұмбақ шерді шашайық. Ат салысып аянбай Бар өнерге басайық. І-жүргізуші:- Асып әсте саспайық Батыл қадам бастайық Еркінді билеп барынша Жарыста сірә қалыспа Кеш қызығын, ей достар, Осылайша шабытпен Қане енді бастайық. ІІ-жүргізуші:-Мұнда қызық табылар Жаңылтпаш, жұмбақ бәрі бар. Сөз жұмбақ та, сан жұмбақ Суретті жұмбақ шеш жұмбақ О-о-ой, бір қызық кеш болар Өздеріңмен бес болар! І-жүргізуші:- Ден қойып тыңдап, өздеріңізге қажеттерді тауып,көңілді отыруларыңызға тілектеспіз. ІІ-жүргізуші:-Олай болса бұл не тұрыс, Кешімізді бастайық Әділ баға беретін Әділ қазыларды таныстырайық. Бүгінгі кеш әділ қазылары: 1. 2. 3. І-жүргізуші: Әдеби-музыкалық монтаж. 1.Математика ғылымдар патшасы деп Мойындаған бар ғалым жер шарында, Сол қағида тағыда дәлелденбек Бүгінгі кеш бағдарлы жоспарында. 2.Математика төрт амал негізінде Туындатқан талай заң келбетінде Жұмбақ әлем болғанмен, ей замандас, Меңгерілер еңбек, талап шеңберінде. 3.Математика, математика қандай қиын Оқымасаң шешілмейді ешбір түйін Ал өмірде тек соның көмегімен Орындалар заңдылық, байлам дүйім. 4.Мақтануға математика лайық та, Шындық іске бір сәт мойын бұрайық та. Парақтаумен әр ғылым, әрбір пәнді Байланысын ашық айтып тұрайық та. 5. Физика жақын туыс мына бізге Қозғалыс,Энергия, қуат, күште Біздерсіз есептелу мүмкін емес Жария ғып айтайықшы мұны бізде. 6. Шабыттанып шалқытқан ақын сөзі Құлағын сал біздерге нақыл сөзі «Өлең құрау тұнған бұл математика 4 амал бағынар заңды жүзі» 7.Осылайша математика дараланды, Қадір-қасиет айтылды сараланды. Шабыт келіп достар-ау, алдарында Көсілдік те шамамыз шамаланды. 8.Болашақ білім, ғылым тұтқасында Мұны әркез әркім есте ұстасын да Заманның компьютердей кезеңінде Математика тағы тұр көш басында. 9. Елімнің үміт артар ұл-қызымыз Дарынды әр оқушы жұлдызымыз Математика кешінде, бірін достар Ән боп енді шырқалар ғасырымыз. 10. 2030-дың бағдарлы биігі Білімнің еншісі мұны әркім біледі. Сондықтан достар-ау дарынды қайрайық, Алынбас қамал жоқ, шыңдайық жігерді. ІІ-жүргізуші:Біздің мектепте бүгін математика пәнінің «Алгебра» және «Геометрия» топтары күш сынаспақ. Шақырамыз,келіңдер жарысуға, Күш,өнер,білімменен алысуға. Бар өнерді салайық ортамызға, Қанеки кім шығады сайысуға деп ортаға сайыскерлерді шақырайық. «Алгебра» және «Геометрия» тобын шақыру І-жүргізуші:- «Алгебра» тобының ұраны, сәлемдесуі Ұраны: «Нақты жауап, сапалы шешім таба біл» Сәлемдесуі: Білімге толы санамыз Бүгінгі күн жеңісті. Алғырлықпен аламыз, Есепті біз шешеміз Оны мақтан етеміз. Геометрия тобына Кете қоймас есеміз. Сендермен жарысуға біз де келдік. Иіліп, «Геометрия» тобына сәлем бердік. ІІ-жүргізуші: «Геометрия» тобының ұраны, сәлемдесуін тыңдайық. Ұраны: «Қандай сынақ болса-дағы беріспе Әрқашанда ұмтыла біл жеңіске » Сәлемдесуі: Дайындықпен келіп тұрмыз жарысқа Есеп білсек жетеміз ғой табысқа. Сайыстарда біз оңай беріспейміз Тең ойынға тағы да келіспейміз Тапқырлықта алдыға жан салмаймыз, «Алгебра» тобынан ешқашанда қалмаймыз. Көбейтейік қосып алып, бөлейік Білімменен сынасып бір көрейік. І-жүргізуші:- Жарыс заңы ежелден Жеңімпаз болу шарты сол Еңбектен жалықпай Сәт сапар тілеп бәріңе Сайысты біздер бастайық Көрсетіңдер білімді Қалмаңыздар жасқанып. І- бөлім (2 топқа білімді тексеру сұрақтары қойылады) Қиылыспайтын түзулер қалай аталады? ( параллель) Нүктенің абциссасы, ординатасы қалай аталады? (кордината) «П» әрпінен басталатын сөздерді атаңдар? (Параллель,пирамида,планиметрия,периметр.) Үстел беті төртбұрышты оның бір бұрышын арамен кесіп алсақ,неше бұрыш қалады?(5бұрыш) Үш пар ат 30 км-ге шапса,әр ат қанша км-ге шабады? (30 км) Бір санды 9 есе арттырғанда 27 шығады.Ол қай сан? (3) Қандай сан барлық сандарға қалдықсыз бөлінеді? (0) Бүйір қабырғасы тең үшбұрыш. (тең бүйірлі) Бір жанұяда екі әке және екі ұл бар.Барлығы қанша адам? (3 адам:ата,әке,бала) Кім барлық тілде сөйлейді ? (Жауабы:Жаңғырық) ІІ-жүргізуші: (ІІ-топ тапсырмалары) 1.Тең қабырғалы үшбұрыштың қабырғасы. (үш қабырғасы тең болады) 2.Ешқандай арифметикалық амал қолданбай 666 санын бір жарым есе арттыр? (999) 3. Төрт қабырғасы тең тік төртбұрыш? (квадрат) 4.Математикаға кординаталар әдісін енгізген француз математигі әрі физигі (Рене Декарт) 5. Дәлелдеуді қажет ететін математикалық сөйлем ? (теорема) 6.1 тонна мақта ауырма,10 центнер темір ауыр ма ? (тең) 7. «К» әрпімен басталатын математикалық сөздерді ата? (көбейткіш,көбейгіш,көбейтінді,кесінді...) 8.Торда қоян ,тауық бар.Жалпы саны 49,аяғы 100.Қоян нешеу,тауық нешеу? (1 қоян, 48 тауық ) 9.Катет қай үшбұрышта болады? (тік бұрышты үшбұрышта болады) 10.Қандай жолмен ешуақытта адам жүрмейді? (құс жолы) І-жүргізуші: Мәңгі бақи есте қалар, Қызықты бір жиын болсын. Білімдірек шәкірт озар, Сұрақтары қиын болсын дей отырып сайысымыздың ІІ- бөлімі (шахмат ойыны) Шахмат тақтасының бір бөлігі кескінделген . Шахмат атының жүру тәртібі бойынша оқығанда қазақ математиктерінің қанатты сөздері шығады.Олай болса іске сәт. 1.Жауап: «Сан-математика ғылымының іргетасы»-бұл цитатаны айтқан Орынбек Ахметбекұлы Жәутіков физика-математика ғылымының қазақ арасынан шыққан тұңғыш докторы 220-дай еңбегі жарияланған. 2. Жауап: «Із кесуде – графтар теориясы жатыр» бұл қанатты сөзді айтқан Жаңбырбаев Бегалы Сәдуақасұлы қазақтың үздік математиктерінің бірі 30-дан астам еңбегі бар. ІІ-жүргізуші: «Үшбұрыштар әлеміне саяхат»-көріністі тамашалаңыздар. І-жүргізуші:- Ауыздан ауызға таралып, ұрпақтан ұрпаққа жалғасып келе жатқан халықымыздың ауызша есептері бүгінгі заманымызда да өңін түсірген жоқ. «Ұштап ойды тағы бір, Тереңінен ойлай біл!» деп аталатын келесі бөлімде ойдың ұшқырлығын қажет ететін тапсырмалар ұсынылады. І-топ 1.Мен стақандағы шайдың 1/6 ішіп, қалғанын сүтпен толтырдым.Содан соң стакандағы шайдың жартысын ішіп,тағы да сүтпен толтырдым. Ең соңында стақандағы шайды ішіп қойдым.Мен сонда сүтті көп іштім бе, әлде шәйді іштім бе? (Жауап: 1/6+1/3+1/3=1) 2.Жүздің жартысын жартыға бөлсе нешеден келеді? (Жауап: 100:2 =50; 50: 1/2 = 100) ІІ-топ 1.Магазиннен 19 теңгеге сауда жасадық, бірақ сенде кілең 3 теңгеліктер бар. Ал сатушыда кілең 5 теңгеліктер ғана бар. Тығырықтан шығар жол бар ма? ( 3×8=24) 2. Бөлмеде 4 мысық отыр, әр мысықтың алдында 3 мысық отыр. Бөлмеде барлығы неше мысық отыр? ( Жауап: 4 ) ІІ-жүргізуші:- Математика сырлары, Қызықтырды біздерді Ойынға бірге қатысуға , Шақырамыз сіздерді. Білмеймін деп қысылма, Талабың болса бабында Өнерлінің ырысы, Жарқырап жатыр жолында «Ойымды жалғастыр» көрермендермен сергіту сәті . Екі топқа бөлініп саны бар мақал-мәтелдерді шапшаң жалғастыру керек. 1.......жылда ел жаңа (50) .....жылда қазан (100) 2.Білекті .... жығады (бірді) Білімді..... жығады. (мыңды) 3.Жеті рет өлшеп.....(1 рет кес) 4. Сегіз қырлы...... (1 сырлы) 5. ......ауыз сөздің тобықтай түйіні бар. 6. Екі аяқтыда бөле тату..........( 4 аяқтыда бота тату) 7.Жүзден біреу-шешен...........(1000-нан біреу көсем) 8.Бесік баласы..........( 5 түлейді) І-жүргізуші: ІІІ-бөліміздің жауаптарын тыңдайық. ІІ-жүргізуші:Осымен сайысымыз мәресіне жетті қазылар алқасы ұпай санын шығарғанша Тұрғазиев Ерболдың орындауында ән. І-жүргізуші:Сайысымыздың жеңімпаздарын құттықтап қошеметтейік.Сайысымыз осымен аяқталды. Ортаға құрметті қонақтарымызды шақырайық. ІІ-жүргізуші:Құрметті қонақтар! Сіздердің жұмыс істейтін салаларыңызда математика қажет пе? Осы туралы пікірлеріңізді айтсаңыздар. І-жүргізуші:Алдыңызға жайнаған жүздер әні Сіздермен кездесерміз біздер әлі Әділ-қазы,көрермендер сау тұрыңдар Күтеді бізді жарқын күндер әлі. Осымен математикалық кешіміз аяқталды.Келесі кездескенше, сау-саламат болыңыздар. І-топ 1.Мен стақандағы шайдың 1/6 ішіп, қалғанын сүтпен толтырдым.Содан соң стакандағы шайдың жартысын ішіп,тағы да сүтпен толтырдым. Ең соңында стақандағы шайды ішіп қойдым.Мен сонда сүтті көп іштім бе, әлде шәйді іштім бе? 2.Жүздің жартысын жартыға бөлсе нешеден келеді? ІІ-топ 1.Магазиннен 19 теңгеге сауда жасадық, бірақ сенде кілең 3 теңгеліктер бар. Ал сатушыда кілең 5 теңгеліктер ғана бар. Тығырықтан шығар жол бар ма? 2. Бөлмеде 4 мысық отыр, әр мысықтың алдында 3 мысық отыр. Бөлмеде барлығы неше мысық отыр? | |
| Просмотров: 6934 | Комментарии: 1 | |
Воскресенье, 2024-05-19, 7:08 AM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|