Мақсаты: Оқушыларды ҚР Конституциясының құрылымы,мақсаты және
оның негізгі баптарымен таныстыру;
рухы жоғары патриотты тәрбиелеу,Отанға құрмет ,өзінің және өз
елінің тағдырына деген жауапкершілікті сезінуіне көмектесу;
өз пікірлерін айтуға үйрету,ой-өрістерін кеңейту,білімдерін
жетілдіру;өзіндік жұмыстарын ұйымдастыру;
Көрнекілік: сызбалар,мемлекеттік рәміздер,
ҚР Конституциясы(Алматы-2004),ҚР баптарынан(7,9,10,18,36,38)
көшірмелер,қағаз,қалам,фломастер,альбом.
Әдіс-тәсілдер: интерактивті дамыту әдістемесі,жекелей және топпен жұмыс,
сұрақ-жауаптар,рольдік дамыту ойындары.
Сабақтың барысы:
1. Ұйымдастыру кезеңі.
• ҚР Мемлекеттік Әнұранын орындау.
• Тақырыпты хабарлау.
• Жұмыс түрлерімен таныстыру.

2. Кіріспе әңгіме:
1-оқушы: Қазақстан
Қазақстан дейтін менің бар елім,
Жатыр алып жарты дүние әлемін!
Бұл даланы анам жаспен суарған,
Бұл далада атам қолға ту алған.
Бұл далаға жылап келіп,уанғам,
Бұл даланы көріп алғаш қуанғам,
Бұл далада өскен жанда жоқ арман!
2-оқушы: Қазақстан Республикасы-біздің туып өскен жеріміз,біздің
Отанымыз.Бұл жерде қазақ халқы ертеден тұрып келеді.Қазақтар
мал өсіріп,жер игеріп,өз Отанын жаудан қорғаған,жерін болашақ
ұрпағына мұра етіп қалдырған.
3-оқушы: Қазақ халқы еркіндікке жетуі үшін қаншама қиын-қыстау
кезеңдерді бастан кешірді.Мыңдаған жылдық тарихы бар
Қазақстан өз тәуелсіздігін алды.
4-оқушы: 1986 жылғы оқиға халықтың есінде мәңгі сақталады.
16 желтоқсанда қазақ жастары Орталық алаңға шығып,Қазақстан
тәуелсіздігін талап етті.
5-оқушы: Осының нәтижесінде 1991 жылы 16 желтоқсанда ҚР тәуелсіздігі
туралы заң қабылданды.1995 жылдан бері Қазақстан астанасы-
Астана қаласы.
6 оқушы: Ата заң.
Келе жатыр керім күн
Халық сүйіп қалаған.
Ата Заңын елімнің
Құрметтейді бар адам.
Алтын заңым қорғайды
Бар адамның теңдігін.
Әділетті қорғайды
Арқа тұтып ел бүгін.
Ол баршаға жөн нұсқап,
Жетелейді жарыққа.
Елбасы оны қолға ұстап,
Ант береді халыққа.

7-оқушы: Конституция-біздің мемлекетіміздің негізгі Заңы.Бұл-Қазақстан азаматтарының қоғамда өмір сүру ережелері.Негізгі заңға құрмет ретінде біз Конституция сөзін бас әріппен жазамыз.Тәуелсіз Қазақстанның негізгі тұңғыш Конституциясы1993 жылы 28 қаңтарда,ал жаңа Конституция 1995 жылы 30 тамызда қабылданды.
Мұғалім: Биыл біздің Ата Заңымыздың қабылданғанына 15 жыл болды.Ата Заңымыз,ҚР конституциясында әрбір адамның құқықтары,бостандықтары туралы айтылады.
Әрбір адам:
-ұлтына,тіліне,нәсіліне,жынысына,дініне;
-әлеуметтік тегіне,саяси көзқарастарына,байлығына немесе кедейлігіне
қарамастан заң алдында тең және заңмен қорғалады.
ҚР Конституциясында 9 бөлім және 98 бап бар.
7 бап,1 бөлім «Қазақстан Республикасындағы мемлекеттік тіл-қазақ тілі»
9 бап «ҚР мемлекеттік нышандары-Туы,Елтаңбасы және Әнұраны
бар...»
34 бап,2 бөлім «Әркім Республиканың мемлекеттік нышандарын
құрметтеуге міндетті»
36 бап,1бөлім «Қазақстан Республикасын қорғау-оның әрбір азаматының
қасиетті парызы және міндеті»
38 бап «Қазақстан Республикасының азаматтары табиғатты
сақтауға және табиғат байлықтарына ұқыпты қарауға
міндетті.»
40 бап,1бөлім «Қазақстан Республикасының Президенті-мемлекеттің
басшысы,...ең жоғары лауазымды тұлға.»
Біз үлкен,күшті мемлекет,біздің ортақ үйіміз Қазақстанда тұрамыз.
-Сендер Қазақстанда қанша адам тұратынын білесіңдер ме?
-Қазақстанда 16 миллионнан аса,130 әр түрлі ұлттың өкілдері тұрады.Әрбір халықтың салт-дәстүрлері мен тілі бар.Біздің еліміз- орасан зор.Ең бастысы-
Біз Қазақстан деген ортақ үйімізде әніміз де,сәніміз де жарасып,ынтымақ пен бірліктің нәтижесінде тату-тәтті өмір сүріп жатырмыз.

Топтық жұмыстар:
I топ: ҚР Конституциясы туралы білімдерін топтастыру;
II топ: «Егер мен Президент болсам...»ойыны.
(Өз ойларын шағын әңгіме түрінде жазу.)
III топ: Қазақсан Республикасы бойынша саяхат.
(Еліміздің көрікті жерлерінен алған әсерлерін бейнелеу)

Қорытынды: Туған жер,Отан туралы мақал-мәтелдер жарысы.