Коллеги - педагогический журнал Казахстана
Учительские университеты
| Главная » Статьи » В помощь учителю » Казахский язык и литература |
О казахском языке
| Құрметті қауым! Өзге ұлт өкілдері үшін қазақ тілінде сөйлей білу, сауатты жаза білу қажеттілігі күннен күнге артып келеді. Сол себепті мемлекеттік тілді оқытатын әр мұғалім үнемі ізденіс үстінде болып, тілді жеделдете үйретудің ең тиімді әдіс - тәсілдерін ойлап тауып, олардың тиімділігін іс - тәжірбиесінде дәлелдеп, әріптестерімен алмаса отыруы керек. Туған жерім қазақ ауылы, сондықтан ауылдағы балалармен қарым – қатынасқа түсе отырып, қазақ тілін үйрендім. Отаныма жанкүйер болып сезінгенімді қазір қызыметім арқылы көрсетіп жүрмін. Мен 1993 жылы мектеп қабырғасынан шығып Солтүстік - Қазақстан университетіндегі қазақ филологиясына өзге ұлт өкілдерінің арасынан ең бірінші болып, оқуға түстім. 1998 жылы студенттік өмірім аяқталып, қазақ тілі пәнінің мұғалімі мамандығын алдым. Содан бері мектеп мұғалімінің қызыметіне әбден сіңіп, шығармашылық ізденісте еңбек етіп жатырмын. Мектептің ел болашағын айқындаудағы рөлі туралы жерлес ақиық ақынымыз Мағжан Жұмабаев былай деген екен; «Әрбір ел келешегі - мектебіне байланысты» - бұл ескірмейтін сөз, өзгермейтін бір шындық. Білім моделінің негізін қалайтын міндеттердің бірі: халықты, соның ішінде жастарды Егемен Қазақстан Республикасының азаматы, патриоты етіп сомдау; екіншісі интеллектуалды, мәдени ұйымдастырушылық қабілетін қалыптастыру; үшіншісі этнопедагогика негізінде тәрбиелеу. Бүгінгі таңда мектеп оқушыларының, ата - аналардың сапалы білімге деген талабы артып отыр, бұл білім беру саласына көп міндет жүктейді. Заман талабына сай, сабақты мазмұнды да, қызықтыра отырып оқыту, терең білім беруге мүмкіндік тудырады. Сондықтан, қазіргідей мемлекеттік тілге жаппай бет бұрған кезде қазақ тілі мен қазақ әдебиеті пәндерін кіріктіре /интеграция / оқыту әдісі баланың жан-жақты ойлау қабілетін дамытып, танымын арттырады. Осыған орай өзім қызмет атқарып жүрген мекемеде мектеп әкімшілігімен бірігіп, «Қазақ тілін пәнаралық байланыс арқылы тереңдетіп оқыту» деп аталған өз бағдарламамызды іске асырып жатырмыз. Биылғы жылдың қаңтар айынан бастап, біздің №26 орта мектепте «қазақ тілін кіріктіре оқытып, бастауыш сыныптарда математика және айналамен танысу сабақтарын қос тілде өткізу» эксперименттік алаңы ашылды. Бұл жаңа істің мәні- тек қана сабақ беріп, оқушылармен жұмыс істеп қоймай, ата - аналарды және әріптестерді ұйымдастру. Бұл қосымша дайындықты, уақытты қажет етеді. Өз ісімнің алға басуы үшін, біліктілігімді жоғарлатуға күш салып тырысып отырмын. Қазақ тілін тереңдете оқыту және балаларға меңгерту халықтың мәдениеті мен әдет – ғұрыпын танытусыз мүмкін емес. Сондықтан эксперименттік алаң жұмысының келесі қадамы – бұл ән, еңбекке баулу, сурет сабақтарының да пәндік терминдерін қазақ тілінде жүргізу. Біздің болжамымыз бойынша, осындай бағдарламамен білім алған оқушы қос тілді жақсы меңгереді. Ал бұндай оқушылар Қазақстанның болашағы. Тіл үйренуші өзін - өзі дамытып, ізденіп, тер төгіп еңбектену арқылы әулеметтік ортасына, кәсібіне, тұрмысына қатысты кез - келген тақырыпта жан - жақты пікір алмасып, еркін қарым - қатынасқа түсе алатындай қазақ тілін жоғары дәрежеде меңгеруге болатынына көзім анық жетеді. Мемлекеттік тілдің тағдыры Қазақстанның дербес егемен мемлекет ретінде қалыптасу процесімен тығыз байланысты және тек мемлекеттің ғана емес, жалпы қоғамның , қоғамды құрастырушы әрбір жеке адамның күш – жігерімен, қажеттілігімен айқындалады. Өмірдегі өзінің орнын ұғынатын және соған сәйкес еңбек етіп, өмір сүретін адам ғана бақытты. Ал маған өмірден өз орнымды табуға қазақ тілі көмектесті. Сонымен бақытты адам болып, бәсекеге қабілетті қоғам орнатуға қадам баса берейік. Источник: http://О казахском языка | |
| Просмотров: 1949 | |
Понедельник, 2024-04-29, 12:08 PM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|