Учительские университеты
Ана тілімізді дәріптейік
Ана тілімізді дәріптейік 12-17 қаңтар аралығында Н.Г. Иванов атындағы орта мектебінде «Тіл – ұлттың жаны» атты апталықтар шеруінің алғашқы қадамында қазақ тілі мен әдебиеті әдістемелік бірлестігі құрамындағы ұстаздар қауымы қазақ тілін барынша дәріптеді.Мектепшілік іс-шаралар ұйымдастырумен қатар барлық сынып оқушылардың жан-жақты шеберліктерін дарытып қана қоймай, тіліміздің мәртебесін арттыру барысында түрлі қызықты іс-шаралар өткізді. Апталықтың ашылуына орай қызықты апталық бұрышы құрылды. Апталық барысында түрлі танымдық интеллектуалды ойындар өткізілді, атап кететін болсақ «Тапқыр достар» , «Толағай» спорттық жарысы, «ХІХ ғасыр көшбасшысы».Сонымен бірге «Туған тіл -қадірің» атты қабырға газеті байқауы өтті. Байқауға 1-11 сыныптар аралығындағы бар оқушылар қызығушылықпен ат салысты. 5-11 сыныптар аралығында «Ана тілім – арманымның ақ шыңы» атты оқушылардың шығармашылығы өткізілді. Тартысты өткен шарада оқушылар бар өнерлерін салып, әділқазылар алдында шабыттанып өлеңдер жазып, нақышына келтіріп оқып берді.Апталықтың соңына қарай 9-сынып оқушылары Ахмет Байтұрсынов шығармаларынан көрініс көрсетті. Оқушылар түрлі тақырыпта А.Байтұрсынов мысалдарын сахнада қойылым ретінде тыңдарман қауымның назарына ұсынды. Сахнада мысалдардағы басты кейіпкерлер өз рөлдерін жоғары деңгейде сомдап көрсете алды. Бұл іс-шара негізінде сынып оқушыларының арасында дарынды және талантты оқушыларымыздың қабілет – қарымы анықталды. Апталықтың соңында «Абай – біртуар тұлға» атты әдеби- музыкалық кеш өткізілді. Кешті пән мұғалімдері Әбілхасенова Шұға Сағиқызы, Жұмағазы Алма Жұмабайқызы, Мырзағалиева Фарида Шамбылқызы, Есенғазы Самал Жұмаханқызы ұйымдастырды. Кештің басты мақсаты Абайдың өлеңдері мен қарасөздерін дәріптеу, оқушылар бойындағы шығармашылық қабілеттерін арттыру болды. Оқушылар өздерінің ана тіліне деген жанашырлықтарын көрсетіп қана қоймай, жан-жақты дарынды қасиеттерін айқындап берді. Ендеше, тіліміздің мәртебесі арта берсін!
Н.Г.Иванов орта мектебінің қазақ тілі мен әдебиеті пәнінің мұғалімі Мырзағалиева Фарида Шамбылқызы.
|
Категория: Казахский язык и литература | Добавил: kfarida1982 (2015-01-26)
| Автор: Мырзағалиева Фарида Шамбыловна E
|
Просмотров: 751 |
| Рейтинг: 0.0/0 |
Добавлять комментарии могут только зарегистрированные пользователи.
[
Регистрация |
Вход ]