Коллеги - педагогический журнал Казахстана
Учительские университеты
| Главная » Статьи » В помощь учителю » Казахский язык и литература |
Оқыту үшін бағалау туралы рефлексивтік есеп
| Павлодар облысы, Ертіс ауданы, Қоскөл ЖОББ мектебінің қазақ тілі мен әдебиеті мұғалімі Беспаева Айсұлу Оразқызы Оқыту үшін бағалау туралы рефлексивтік есеп Александер бағалауға мұғалімдер қолданатын кез келген нысанның артында объективті немесе жеткілікті дәрежеде объективті емес нормалар мен стандарттар ғана емес, сондай ақ баланың дамуы, оқуы және ынтасы туралы түсінік, сонымен қатар өзін өзі бағалау, қабілеттілік және күш жігер сияқты ұғымдарға қатысты құндылықтар жатады деп есептейді. Бағалау одан арғы оқу туралы шешімді қабылдау мақсатымен оқытудың нәтижелерін жүйелі түрде жиынтықтауға бағытталған қызметті белгілеу үшін қолданылатын термин (Нұсқаулық, 56 бет). Оқытуды, әдістерді және осы мүмкіндіктерді іске асыру мүмкіндіктерінанықтауға бағытталған бағалау формативті немесе оқыту үшін бағалау болып табылады. (Нұсқаулық, 56 бет). «Бағалау» термині «жақын отыру» дегенді білдіретін латын сөзінен шыққан. Бағалаудың негізгі сипаты бір адам басқа адамның не айтып, не істегенін, немесе өзін өзі бақылау жағдайында өзінің дербес ойлауын, түсінігін неемесе тәртібін мұқият бақылауы болып табылады. Бағалаудың барлық түрлері төменгілерді қамтиды: 1. бақылау; 2. алынған мәліметтердің интерпретациясы; 3. бұдан арғы іс әрекетті анықтау үшін қолданылуы мүмкін шешімдерді қорытындылау. (Нұсқаулық, 57 бет) Мектептегі тәжірибе кезінде сабақтың жоспарына оқушылардың өздерін дұрыс бағалай білу дәрежесін көтеру мақсатында оқыту үшін бағалаудың бірнеше түрін қолдандым. «Қыз Жібек» жыры тақырыбына өткен сабағымды ұйымдастыру кезінде айтарлықтай қиындықтарға тап болған жоқпын. Тек қана оқушылардың бір-бірін бағалау кезінде мен берген критерийлерге сүйенбей, өздерін көтермелеп бағалағаны қиындық туғызды. Олар өз пікірлерінде тұрып, менің дәлелдемелерімді тыңдағылары келмеді. Мен оқу үшін бағалауды дұрыс ұйымдастырмағаныма көзім жетті. Бұл қателігімді түзету үшін келесі сабақтан бастап оқушыларыммен бірлесіп, бағалау критерийлерін жасауды жоспарладым. Бұл әрекетім өз жемісін берді. Келесі сабақтардан бастап оқушылар өздерін бірігіп құрған бағалау критерийлерге сүйеніп, бағалай бастады. «Шешендік сөздер» тақырыбы бойынша оқушылардың бағалануы келесі критерийлер арқылы іске асты: • Оқушының сабақтағы белсенділігі, • Оқушының топтағы жұмысы; • Деңгейлік тапсырмаларды дұрыс орындағаны; • Шығармашылық жұмыстарды орындағаны. Аталған критерийлер бойынша оқушылар бір - біріне бағалау парағын толтырып формативті баға қойды. Олар қойған бағаға сүйеніп, мен жиынтық баға қойдым. Жиынтық баға қоюда мен де бағалау парағын толтырдым. «Төле бидің өмірі мен шығармашылығы» тақырыыбын өту сабағында оқушылар деңгейлік тапсырмаларды орындады. Бұл сабақта мен бағалаудың жұптық, топтық түрлерін қолдандым. Сабақ соңында жест арқылы саусақпен бағалауды сұрадым. Оқушылар сабақ ұнағандығын саусақтарын жоғары көтеріп көрсетті. «Қазыбек бидің өмірі мен шығармашылығы» тақырыбындағы сабақтың бағалау кезеңіне әр топ қарсылас топ мүшелеріне формативтік баға қойып бағалады. Әр оқушыға топ басшылары жиынтық баға қойды. Топ басшылары топ мүшелерінің бағаларын нақты дәлелдермен критерийлер арқылы қойды. Мен менің қойған жиынтық бағам топ басшысының бағасымен сәйкес келді. Соңында оқушылар стикерлер арқылы сабақты қорытындылады. Әр тапсырма орындаған сайын мен мадақтау айтып, қолпаштау көрсетіп отырдым. Мен оқушыны сұрақтарыма берген жауаптарының негізінде де бағалай алдым. Әр оқушының топта бірлескен жұмысынан соң, қорытуға арналған әзірлеп келген сұрақтарымды қойып, жауаптар алдым. Ол сұрақтар оқығанға баға беру, пікірін, көзқарасын білдіруге лайықталынып қойылды. Мысалы: ─ Сіздің ойыңызда не сақталып қалды? ─ Төле бидің қандай сөзі сені қызықтырды? ─ Қазыбек бидің қалмақ ханына айтқан сөзін сен қалай бағалайсың? т.б. түрінде. Топтық жұмыс жүргізу арқылы байқағаным: оқушылар сабақты өз еріктерімен қажеттілік ретінде қабылдады. Қиындықтар: Оқушылардың топта бір - бірін бағалауы субъективті түрде болуы. Топ басшыларының топ мүшелеріне формативті бағаны дұрыс қоймауы Шешу жолдары: Сабақ барысында оқушыларға дұрыс бағалауды үйретуді жалғастыра беру. | |
| Просмотров: 2073 | | |
Пятница, 2024-04-26, 7:31 PM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|