Коллеги - педагогический журнал Казахстана
Учительские университеты
| Главная » Статьи » В помощь учителю » Казахский язык и литература |
Күн тәртібі. Атау септігі
| Шебер-класс тақырыбы: Күн тәртібі. Атау септігі Мақсаты: атау септігі туралы мәлімет беру, күн тәртібі туралы өз ойларын нақты айта білуге дағдыландыру, тілдік қатынас арқылы сөйлеу әрекетін дамыту Әдісі: топтастыру, суретпен жұмыс, аударма, салыстыру, толықтыру Көрнекілігі: тақырыпқа байланысты презентация (сызба, сөздік, деңгейлік тапсырмалар, дене тәрбиесіне байланысты суреттер мен аннимациялар) Шебер-класс барысы І. Кіріспе бөлім 1. Ұйымдастыру: Сабақта жұмыс жүргізу үшін қалыпты сыртқы жағдайды қамтамасыз ету. Оқушыларды қарым-қатынасқа психологиялық дайындау а) Оқушылармен сәлемдесу: ә) кезекші мәліметі 2. Үй тапсырмасы: Барлық оқушылардың үй тапсырмасын дұрыс, толық және түсініп орындауын анықтау Шығармашылық жұмыс: "Бала мысық" көрініс 3. Өткен сабақ пен жаңа тақырыпты байланыстыру -Көріністен не ұқтыңдар? -Мысықтың күн тәртібі дұрыс па? ІІ.Негізгі бөлім Жаңа сабақ Оқы. Тыңда. Қайтала Сөздікпен жұмыс а) сөздерді оқимын, қайталату; ә) сөздермен сөйлем құрастыру; 4. Білімдерін тексеру Айтылым 1-тапсырма. Сурет бойынша "Күн тәртібі" тақырыбында әңгіме құрастыру Үлгі: Әсем сағат 7.00-де оянды. 2-тапсырма. Дәптермен жұмыс "Кім жылдам?" ойыны. Оқушылар сурет бойынша кім? және не? деген сұраққа жауап беретін сөздерді теріп жазу керек. Кім? Не? Сергіту сәті. "Дұрыс, бұрыс" ойыны Мен таңертең сағат 12-де ояндым. Сағат сегізде түскі тамақ іштім. Түскі 1-де мектептен келдім. Кешкі 3-те теледидар көрдім. Таңертең 7.30-да жуындым. Түскі 3-те үй жинадым. 3-тапсырма. Айтылым. Аударма жұмысын жүргізу. Салыстыр, толықтыр. "Кім зерек?" ойыны Әсемнің күн тәртібінде не айтылмаған? 4-тапсырма. Топтастыру "Ойлан, тап" Тақтада дұрыс және қате жазылған сөздер көрсетіледі, 2мин ішінде оқушылар тақтадағы сөздерді стикерлерге жазып қураған ағаштарға іледі. Қате сөздер сары, дұрыс сөздер жасыл қағазға жазылуы тиіс. ІІІ. Қорытынды бөлім -Балалар, ағаштарға назар аударайық, біреуі көктеп әдемі болып қалды, ал екіншісі солып қапты. Неге? - Су құйылмаған. -Дұрыс айтасыңдар, ендеше күнделікті өздерің қалай уақытымен тамақ жесеңдер, ағаштарға да уақтылы су құйғанды ұмытпаңдар. Күн тәртібіне оны да қосып қояйық, келістік пе? ІҮ. Рефлексия - Не білдік? Не ұнады? Мектепішілік педагогикалық оқулар байқауында шеберлік - класы бойынша өткізілген сабаққа есеп Шебер-класс 26.03.2015жылы 4В сыныбы оқушыларымен "Күн тәртібі. Атау септігі" тақырыбында өткізілді. Мақсаты: атау септігі туралы мәлімет беру, күн тәртібі туралы өз ойларын нақты айта білуге дағдыландыру, тілдік қатынас арқылы сөйлеу әрекетін дамыту. Сабақта бекіту кезеңі көрсетілді. Жалпы тақырып "Қазақ тілі сабағында ақпараттық технологияны пайдалана отырып, оқушылардың танымдық құзіреттілігін арттыру" болғандықтан, шебер-класс барысында оқушылардың танымдық құзіреттілігін дамыту мақсатында ақпараттық технологиялар арқылы түрлі әдіс-тәсілдерді түрлендіре отырып, топтастыру, суретпен жұмыс, аударма, салыстыру, толықтыру жұмыстары жүргізілді. Айтылым әрекетін жүзеге асыруда суретпен жұмыс жүргізу арқылы оқушылардың сөйлеу тілін қалыптарстырды; "Кім жылдам" ойынында суреттен кім? не? деген сұрақтарға жауап беретін сөздерді теріп жазу арқылы оқушылар жылдам әрі нақты жауап беруге үйренді; "Дұрыс, бұрыс" ойыны арқылы сергіте отырып оқушылардың ойлау қабілеттерін дамыту мақсатында шатастырылған сұрақтар қойылды. Мәселен: Мен таңертең сағат 12-де ояндым немесе Кешкі 3-те теледидар көрдім, т.с.с. Сонымен қатар "Кім зерек?" ойынында оқушыларға салыстыра отырып толықтыру жұмысы берілді. Тапсырманы орындау барысында Әсемнің күн тәртібінде айтылмаған әрекеттерді, яғни "Мен сағат 10.30-да асханаға барамын", "Мен сағат түскі 1.30-да түскі тамақ ішемін", "Мен сағат кешкі 8-де теледидар көремін" т.б. толықтырулар енгізіп, жоғары белсенділік танытты. Қорытынды бөлімде оқушылар "Ойлан, тап" ойыны арқылы тақтадағы қураған 2 ағашқа дұрыс және қате жазылған сөздерді топтастырды. Бұл ойынның ұтымдылығы оқушылар біріншіден сауатты жазу дағдыларын дамытса, екіншіден қураған ағаш пен көктеген ағашты салыстыра отырып, ағаштарға және гүлдерге су құйып тұруды күнделікті күн тәртібіне қосу керек екендігі жөнінде оқушыға тәрбиелік ой тастады. Сабақ соңында мұғалімнің шеберлігі, оқушылармен жұмыс жүргізу формалары бағаланып, әділ қазылар алқасының шешімі бойынша жүлделі үшінші орынға ие болды. | |
| Просмотров: 1057 | Комментарии: 2 | |
Пятница, 2024-04-26, 11:59 PM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|