Мақсаты: Жеткіншек ұрпақты Отансүйгіштікке тәрбиелеу, Ұлы жеңіске жетудегі теңіз әскерлері қосқан үлесін дәріптеу, ойын арқылы оқушылардың қазақ тіліне деген қызығушылығын арттыра түсу, ойын дамыту, логикалық ойлауын дамыту.

Ойынның шарты: Ойынға бірден екі оқушы қатыса алады. Тақтада белгіленген жау кемелерін атып түсіруі қажет. Ең алдымен ойыншы кеменің бағытын анықтауы керек. Кеменің бағытын дәл атаса кемеге оқ тиген болып есептеледі. Жүргізуші «Тиді» деп белгі береді, егер атқан оғы мүлт кетсе «мүлт кетті» - деп, ескертеді. Мысалы:
Ойыншы: Ә -5
Жүргізуші: Мүлт кетті
Ойыншы: А-7
Жүргізуші:Тиді
Ойынның ең қызығы көреремендер, жанкүйерлер теңіз картасында белгіленген жау кемелерімен көріп, шайқасты бақылап тұрса, ойыншының қолында тек қана теңіз картасы болады. Ойыншының оғы кемеге тиген кезде оған тапсырма беріледі. Тапсырма тез, әрі дұрыс орындалса, жүргізуші «Жау кемесі жойылды» - деп, фишка береді. Ойынға келесі оқушы қатысуға мүмкіндік алады.

Сұрақтары:

1. Артық сөзді тап:
Оқушының оқу құралдары:
Сызғыш, қалам,оқулық, өшіргіш, қасық,дәптер, күнделік.

Жеті күнді ата:
Дүйсенбі, жұма, жексенбі,сейсенбі,сәуір, сәрсенбі.

Төрт түлік малды ата:
Жылқы, түйе, қой, сиыр,ит,елік,ешкі.

Жемістер қатары:
Сәбіз, қияр,қызанақ, пияз, картоп,алма,қызылша, бұрыш.

2. Шашыраған буындардан сөздер құрастыр:

Құстар: лы, қар,то,дақ,ғаш,қыл,ға,дақ,ша,а,ла,ду
Хайуанаттар: қо,жол,кі,қас,ян,ба,түл,рыс,қыр
Түстер: са,қы,ңыр,жа,зыл,қо,сыл,ры.

3. Шаңсорғыш сөзінен бірнеше сөз құрап айт.
Қызғалдақ сөзінен бірнеше сөз құрап айт.
Тоңазытқыш сөзінен бірнеше сөз құрап айт.

4. Ә - дыбысынан басталатын сөздерді ата.
Қ- дыбысынан басталатын сөздерді ата.
Ұ - дыбысынан басталатын сөздерді ата.

5. Ұйқас сөздерді тап:
а) сабақ, тарақ, таға, орақ.
ә) қала, ауыл, бала, сала
б) қасқыр, апар, тапқыр, лақтыр.

6. Отбасы тақырыбына қатысты сегіз сөз тап:

А Т А Ә М
Н Ә П К Е
А Т А Е Н
С Е І Н І

7. Тізбек ойыны:
Ара --- адам --- ... --- ... ---
Ағаш --- шана --- .... --- ...
Жеңіс --- сары --- ... --- ...
Отан --- нан --- ... --- ...