Коллеги - педагогический журнал Казахстана
Учительские университеты
| Главная » Статьи » В помощь учителю » Начальная школа |
Пайдалы қазбалардың түрлері.
| ШҚО. Аягөз ауданы «Тарбағатай ЖББОМ»КММ Бастауыш сынып мұғалімі Сыгаева Эльмира Серікқызы Дүниетану Сабақтың тақырыбы: Пайдалы қазбалардың түрлері. Мақсаты: Білімділігі: Қазақстан аймағында таралған пайдалы қазбалардың түрлерімен таныстыру. Қазақстан елінің байлығы мен әсемділігін ұштастыра отырып оқушылардың түсініктерін кеңейту. Дамытушылығы: Оқушылардың өз ойларын ашық айтуға, пікірлерін қорғай білуге дағдыландыру, ой-өрістерін дамыту. Тәрбиелігі : Еліміздің байлықтарын сақтауға, қорғауға тәрбиелеу. Туған елге, жерге деген мақтаныш сезімдерін қалыптастыру. Көрнекілігі: Қазақстанның пайдалы қазбалар картасы, пайдалы қазбалар топтамасы, сызбалар. Сабақтың типі: Аралас сабақ Пәнаралық байланыс: география, музыка,өмір. Сабақтың барысы: І.Ұйымдастыру кезеңі: а)Оқушылардың оқу құралдарын қадағалау. ә)Назарын сабаққа аудару. б) Психологиялық дайындық. Шырылдады қоңырау, Біз сабақты бастаймыз. Партамызға отырып, Табыс тілеп көзбенен Жаңа білім алуға , Алға қадам аттаймыз. ІІ. Үй тапсырмасы Тау жыныстары. Мазмұнын айтқызу. Білімді тексеру кезеңі: Сұрақтарға жауап алу. 1. Тау жыныстары деп нені атаймыз? 2. Гранитті қайда қолданады? 3. Құммен саздың ұқсастығы неде? Қандай айырмашылық бар? 4. Құм мен саз қайда қолданылады? «Үй іргетасын қалау» Ойын элементін пайдалану. 1. Адамдардың үй салғанын бақыладыңдар ма ? Қандай құрылыс материалдарын пайдаланғанын көрдің ? (құм,саз,тас,әк) 2. Қабырғасы неден қаланады? (кірпіш қалау) 3. Тамақ пісіру, үй жылыту, фабрика, зауыт, электр стансалары жұмыс істеу үшін жұмсалатын қандай отын түрлерін білесіңдер? (тас көмір, мұнай,газ) 4. Үй жихаздары, түрлі машиналар, ұшақ, кеме, темір жол, көпір салу үшін қандай пайдалы қазбалар пайдаланылады ( мыс, темір, қорғасын, алюминий) 5. Ендеше біз бүгін сендермен пайдалы қазбалардың түрлерімен танысатын боламыз. - Балалар Қазақстандағы тауларды атап жіберейік. - -Біздің аймағымызда қандай таулар бар? - Сергіту сәті ІІІ. Жаңа сабақ « Ойлы болсаң озып көр!» (Жұмбақ шешу арқылы жаңа тақырыпты ашу) 1.Түсі қара, сүйық зат Тереңде жатады. Қазсаң атқылайды Жақсаң жанады Пайдаға жарайды. (мұнай) 2. Шахтадан оны қазамыз, Пешке салып жағамыз. Үлкен үйді жылытып, Рахатқа біз батамыз. Бұл не? (көмір) 3. Мөлдір әрі түссіз, Өзі табиғи отын (Газ) Балалар, жұмбақтың шешулері не болды ? Олар неге жатады? (Пайдалы қазбалар) Олай болса, бүгінгі жаңа тақырып Пайдалы қазбалардың түрлері. . Жерден қазып алып, адам қажетіне жұмсалатын тау жыныстарын пайдалы қазбалар деп атайды. 1. Кенді пайдалы қазбаларға құрамында металл кездесетін тау жыныстары жатады. Оларды өңдеу арқылы темір, мыс, қорғасын, алюминий, алтын, күміс және тағы басқа металдар алынады. Кенді пайдалы қазбалар әсіресе, Орталық Қазақстанда көп шоғырланған. Ондағы Жезқазған және Қоңырат мыс кен орындары әлемге әйгілі. 2. Жанғыш пайдалы қазбаларға тас көмір , мұнай және газ жатады. Тас көмір- ең көп өндірілген қазба. Сен тас көмірді тек отын ретінде ғана пайдаланылмай, одан басқа да көптеген заттар алынатынын білесің. Оны өңдеу арқылы дәрі- дәрмек, мата бояйтын бояу әтір, қопарғыш зат, тыңайтқыш, нафталин, пластмасса және басқа көптеген заттар алынады. 3. Біздің елімізде тас көмірдің қоры өте мол.Тас көмірдің аса ірі кен орны –Қарағанды.Екібастұзда ашық әдіспен арзан көмір өндіріледі. Мұнай өте қызулы отын. Ол күл қалдырмай тугел жанып кетеді. Мұнайды айыру арқылы бензин, керосин, машина майы және басқа көптеген бағалы заттар бөліп алынады. Каспий маңы ойпаты мен Маңғыстау түбінде мұнай мен газдың аса бай кен орындары бар. Картамен жұмыс. Пайдалы қазбалардың орналасқан жерін шартты белгілер бойынша көрсету. Оқулықпен жұмыс. Дәптермен жұмыс. Бекіту. Бүгінгі сабақта не білдік, не үйрендік? -Пайдалы қазба деген не ? -Кенді пайдалы қазбаларға не жатады? - Кенге жатпайтын пайдалы қазбаларды ата. Қорытынды. Үйге тапсырма беру. | |
| Просмотров: 1511 | Комментарии: 1 | | |
Пятница, 2024-04-26, 5:26 AM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|