ІІІ. Жаңа сабақты түсіндіру.
1) Жұмбақ.
«Ащы» дейсің қазақта
Келу үшін осы әріп.
Құрық жалғап азапқа
Түсті «Ш»-ға дос әріп.
-Бұрын өткен қай дыбысқа ұқсайды? (Ш)
-Щ дыбысы дауыссыз дыбыс, қатаң, сөздің барлық буынында келеді (Щ әрпінің баспа және жазба түрін көрсету)
«Тұсау кесу» дәстүрі бала тәрбиесіндегі әдет-ғұрып, ырым. Баланың аяғын ала жіппен немесе қойдың піскен шегімен тұсап, тез жүрсін деген мақсатпен бала-шағалы, ақкөңіл адамға кескізеді.Тұсау кескен адамға сыйлық беріледі.

2) Оқулықпен жұмыс.
а) Жұмбақ.
Тазартады киімді.
Тазартады үйіңді.
Не дейді бұл бұйымды?
( Щётка)
«Щётка» сөзін кеспе әріптермен құратып жаздыру, дыбыстық талдау жасау, буынға бөлдіру.
ә) Сурет бойынша әңгіме құрастыру.

б) Бағандағы сөздерді хормен, жеке оқыту, мағынасын түсіндіру.
Қазақстандағы ерекше көл Балқаш көлі туралы, оның суының екі түрлілігі туралы, ондағы балықтар туралы айту.
«Балқаш» мәтінін тізбектей оқыту.
в) -Щётканың қандай түрлері болады,оның пайдасы қандай?

«Щёткалар» өлеңін хормен, жеке оқыту.
Қонағымыздың бізге әкелген тағы бір салт-дәстүрімен танысайық.
«Тоқым қағар» дәстүрі. Қазақтың ескі дәстүрі бойынша жас жігіт алғаш рет жолаушы жүргенде берілетін жолаяқ, кәде.Алыс жолға кеткен жігіт аман-есен келіп, тоқымы жерде қалмасын деген жақсы тілекпен, ата-анасы арнайы мал сойып, ауыл адамдарына «Тоқым қағар» тойын жасайды.

ІV. Сергіту сәті.
V. Дәптермен жұмыс.
а) Щщ әрпінің элементтері арқылы бас әрпі және кіші әріп таңбасын көрсету.
ә) Үлгі бойынша Щщ әрпін жазу.
б) «Кім тапқыр» ойыны.
«Балқаш» сөзінен бірнеше сөздер құрастыру.
«Көкпар» дәстүрі. Бұл той кезіндегі жарыс. Атқа мінген көкпаршылар бір-бірінен серкенің денесін тартып әкетеді. Серкені алдына өңгеріп,мәреге бірінші жеткен адам жеңеді.
VІ. Қорытынды.
-Қандай дыбыс және әріппен таныстық?
-Щ дыбысы қандай дыбыс?
-Қазақтың қандай салт-дәстүрлерімен таныстыңдар?
Дидактикалық ойын: «Сөз ойла, тез ойла»
Берілген буындардан жаңа сөз жасап,айту.

VІІ.Үйге тапсырма.
105-бет оқу. №3 дәптер жазу.

Источник: http://download.files.namba.kz/files/1659628