Мұғалім:Осыдан 65 жыл бұрын бүкіл әлемді дүр сілкіндірген соғыс 1941 жылы 22 маусым күні таңғы сағат 16.00-де бейбіт жатқан елімізді Германия тұтқиылдан соғыс ашты.Суық хабар сол күні елімізге,жер-жердегі ауыл-аймаққа тарады.Ер азаматтар қолдарына қару алып майданға аттанса,қарттар,әйелдер,балалар күн түн демей еңбектенді.
Осындай қиыншылықпен төрт жылға созылған соғыста еліміз жауды ойсырата жеңіп,Берлиндегі Рейхстагқа жіңіс туын тікті.Бұл 1945 жылдың 9-мамыры еді.
Халқымыз Отан үшін от кешіп,елдік пен ерлік сынға түскен сәтте қас қақпай өмірлерін құрбан еткен батыр ұл-қыздарын қастерлеп,қадір тұтады.

Үнтаспадан «Қасіретті соғыс» әні орындалып тұрады.
1-оқушы:Соғыс өтті жалмап талай өмірді,
Қаншама қан еш жазықсыз төгілді.
Соғыс аты естілгенде құлаққа
Елестетер қара тажал өлімді.
2-оқушы:Келді міне,күндей жайнап гүл көктем,
Самал желі шашты тарап,бетті өпкен.
Ұмытуға хақымыз жоқ оларды,
Олар міздің бақыт үшін қан төккен.

3-оқушы:Естілді олар сызды окопта күндерін,
Елестетем қанды кешіп жұргенін.
Естігендей болам жаудың шебіне
Атой салған сарбаздардың үндерін.

4-оқушы:Талай жанды қиды ажал балтасы,
Жауды жеңіп қайтты ауылға қаншасы.
Біздің мына бейбіт өмір алаңсыз
Ел қорғаған аталардың арқасы.

1-жүргізуші: Қазақ қыздары Мәншүк Мәметова мен Әлия Молдағұлова-Шығыс қыздарынан тұнғыш рет Батыр атағын алды.Әскерге алынған қыздар соғыс техникалары менқұралдарын жетік меңгерген.Шайқастарда ерлік көрсетіп халқының абыройын асырды,елінің даңқын шығарды.От пен оқтың арасында жүріп жаралыларды өлімнен құтқарды.Сұрапыл соғыс жылдарындағы Бауыржан атамыздың жауынгерлік ерліктерін айтар болсақ,ол кескілескен шайқаста өзінің әскери білімін шебер қолданды.Қыстың қатты аязы мен көктемнің лайсаң батпағына қарамастан шабуыл жасай отырып,жаудың көптеген танкілерін,әскери техникасын жойып жіберді.

5-оқушы: Батырым,Бауыржаным дейді халқым,
Алып ұш ақын жүрек,ердің даңқын.
Келешек келе жатып көремін деп
Тік болып,туған жерде жүрген қалпың.

6-оқушы: Жас едің бет қаратпас қаһарманды
Қаратқан аузына барлық жанды.
Ел ішінде жақсымын деген салдар
Жөн көрді сенімен дос болғанды.

2-жүргізуші: Бауыржан Момышұлына Ұлы Отан соғысында көрсеткен ерен ерліктері үшін Совет Одағының Батыры атағы берілді.Сонымен қатар,еліміздің тұңғыш Президенті Н.Ә.Назарбаевтың Жарлығымен Б.Момышұлына «Халық қаһарманы» атағы берілді.

Ән. «Бейбітшілік сақталды»

(Мәншүк Мәметованың ерлігі туралы айтылады)
7-оқушы: Мәншүк атыс толасында,
Жүр орманның арасында.
«Мені ал,мені ал» деп алуан гүл
Қолына оның таласуда.
Тығылып гүл омырауға,
Сұрағандай жанға сауға.
Ант еткендей тұрды Мәншүк
Гүлді жауға таптатпауға.

(Әлия Молдағұлованың ерлігі туралы айтылады)
8-оқушы: Іштей айтып осы әнін
Барды Әлия майданға.
Қорғайын деп Отанын
Автоматын ол атты.
Бір ысып,бір суынып.
Оқты қардай боратты,
Белді бекем буынып.
Қыршын кетті ол өмірден

9-оқушы: Дәл он тоғыз жасында.
Шықпайды естен, көңілден,
Өшпейді ерлік расында!
Қазақ қызы ғажайып,
Мерген болған аты-аңыз,
Қаһарманы халықтың,
Мақтанышы-апамыз!

Ән: «Бейбіт күн тілегі»

10-оқушы: Сұм соғыс қайтып болмасын,
Бәйшешектер солмасын.
Еліміз бейбіт күн кешіп,
Бір Алла өзі қолдасын.

11-оқушы: Соғыстың сөніп ошағы,
Қайғыдан көңіл босады.
Бірлікпенен күн кешсек,
Бір бақыт бізді тосады.

12-оқушы: Қанға бояп сұм соғыс,
Боздақтарды жалмады.
Жүректі қозғап бұлқыныс,
Ерлер елін қорғады.

13-оқушы:Намыс керек әр іске,
Қайраттың жақсы болғаны.
Бабалар жетіп жеңіске,
Бейбітшілік орнады.

Мектеп мұражайы: Отан үшін жанын берген қаһармандардың есімдері Даңқ мемориалдарында ескерткіштер мен атаулы қабірлер тақталарында мәңгі өшпейтін алтын әріптермен жазылған.Олардың ерен еңбектері туралы құжаттар мемлекеттік мұрағаттарда сақталған.

Мұғалім: Қай халық та өзінің батырларын қастерлеп,аттарын асқақтатқан.Жиырмасыншы ғасырдың ерен ер,жұлдызды батырлары,халықымыздың мәнгілік мақтанышы,жастарымыздың өшпес үлгі-өнегесі-біздің қаһармандарымыздың даңқы арта берсін демекпіз!

14-оқушы: Нық басайық анығырақ табанды,
Тең ұстайық ширақ атта қадамды!
Балалары егеменді елімнің,
Көгершіндер қанат жайып самғасын!

Ән: «Ақ көгершін» (көгершін ұшырылады)

Источник: http://download.files.namba.kz/files/1695287