Оқушыларды сандық жасауға қажетті материалдарды таңдай білуге және оны жасап, көркемдеп өңдей білуге үйрету. Қажетті құрал саймандармен таныстыру.

Тәрбиелік мақсаты

Оқушыларды халқымыздың ұлттық өнеріне деген қызығушылығын, сүйіспеншілігін тудыру. Олардың бойындағы эстетикалық талғамын арттыру.

Өтілетін орны

Мектеп шеберханасы

Керекті құрал-жабдықтар

20 мм ағаш тақтайлар, ара, балға, сүргі, оюға арналған пышақтар, қашаулар,ою-өрнектердің нұсқалары,топсалар, тұтқалар және тілше.

Сабақтың барысы

Ұйымдастыру кезеңі.
Жаңа тақырыпты түсіндіру.
Сарамандық жұмыс.

Көркемдеп өңдеуге қажетті ағаштарды халық шеберлері дұрыс таңдай білген. Оған майқарағай, үйеңкі, терек секілді жұмсақ ағаштарды пайдаланған. Олар жұмсақ болғандықтан, шытынап жарылмайды. Мұндай материалдың тілініп алынған бетіне өте нәзік ою-өрнектерді салуға болады және оны орындау мен әрлеу жұмыстары оңай жүргізіледі. Көркемдеп өңдеу жұмыстарына бұтақсыз жұмсақ ағаш түрін таңдап, қажетті өлшеммен кесіп, сүргілеп, өңдегеннен кейін тақтай бетіне өрнек бейнесін көшіреді. Өрнекті қашаудың немесе пышақтың арнаулы түрлерімен ояды. Өрнекті қандай түрде орындау үлгіге байланысты. Қажетті бұйымды жасауға әбден кепкен ағаш материалдарын таңдап алады. Ағаш оюдың бірнеше тәсілдері бар. Оларды негізінен екі түрге бөлінеді: бедерлеп ою және жұмырлап ою. Бедерлеп ою деп тегіс тақтайдың бетіне өрнек салып, шығыңқы етіп мүсіндік бейнелерді жартылай көлеммен мүсіндеуді айтамыз. Енді сандыққа келетін болсақ, алдымен сандықтың қандай көлемде болуы керектігін анықтап алу керек. Ұзындығын, енін, биіктігін анықтап алғаннан кейін оның эскизін қағаз бетіне түсіріп, үш жағынан қарағандағы көріністерін салу керек және оның бетіне қандай ою-өрнек салу керектігін анықтап алу керек. Яғни оның технологиялық картасын сызып, орындау. Сонан соң келісілген өлшемдер бойынша тақтайларды кесіп, оларды құмқағазбен өте таза, тегіс қылып өңдеу керек. Бұдан кейін бетіне, бүйір беттеріне оятын өрнектерді қара қағаз арқылы тақтай беттеріне түсіреді. Өрнектерді талапқа сай кесіп, ойып болған соң, құрастарып, шегелейді. Бұдан кейін топсаларын, тұтқаларын, ілгішегін орнына шегелейді. Құрап болған соң сандықты құм қағазбен қайтара ысқылап, тазалап шығып, лактайды. Лакты кептіріп отырып, бірнеше рет жағады. Ойылған өрнектің фонын, әркімнің қалауы бойынша қоңырлатуға немесе бедерлі қылуға болады. Жұмыс барысында оқушыларға техникалық қауіпсіздік ережелерін қатаң сақтап отырулары үнемі ескертіліп отырылады.

Ағымдағы нұсқама.
Жұмыс орнын дұрыс ұйымдастыру.
Еңбек тәсілдерін дұрыс орындауын қадағалау.
Қ.Т.ережелерін сақталуын тексеріп отыру.

Ш.Қ.О. Семей қаласы
№ 11жалпы орта білім беретін мектеп « мемлекеттік мекеме»
Технология пәні мұғалімі Жулубаев Алпысбай.