Ашық сабақ
Сыныбы: 10
Сабақтың тақырыбы: Қайталау (1-4-тарау бойынша)
Сабақтың мақсаты: Оқукшылардың кинематиканың негізгі ұғымдары, қозғалыс заңдары, сақталу заңдары, сұйықтар мен газдардың қозғалысы бойынша алған білімдерін тексеру, қорытындылау.
Міндеті:
1. Оқушыларды ұйымшылдыққа, ұқыптылыққа, адамгершілікке, достыққа тәрбиелеу.
2. Оқушылардың бірқалыпты түзусызықты, бірқалыпты теңүдемелі, шеңбер бойымен қозғалыс кезіндегі жылдамдық, орын ауыстыру, үдеудің анықталу формулалары мен өлшем бірліктері, Ньютон заңдары мен дене импульсі, оның сақталу заңы, энергия және жұмыс , сұйықтар мен газдардың қозғалысы бойынша алған білімдерін жинақтап қорытындылау.
3. Оқушылардың ой-өрістерін кеңейту, ойлау қабілеттерін, есеп шығару дағдыларын арттыру.

Сабақтың түрі: Жарыс сабақ
Сабақтың әдісі: Ойын сабақ

Сабақтың барысы:
1. Ұйымдастыру 2 мин
2. Сұрақ-жауап 5 мин
3. Физикалық лото 7 мин
4. Тез, шапшаң тап 3 мин
5. Семантикалық карта ойыны 7 мин
6. Бинго ойыны 12 мин
7. Шығармашылық жұмыс 3 мин
8. Қорытындылау 5 мин
9. Үйге тапсырма 1 мин

1. Ұйымдастыру. Сыныпқа кіріп оқушылармен амандасып, түгендеймін.

2. Сұрақ жауап

І топ сұрақтары

1. Механика бөлімі нені зерттейді ?
2. Материалық нүктенің қозғалысы кезінде соңында қалдырған іздерінің жиынтығы қалай аталады ?
3. Жылдамдықтың өзгеру шапшаңдығын сипаттайтын физикалық шама не ?
4. Уақыт бірлігі ішінде айналу санын не деп атаймыз ?
5. Үдеуі тұрақты болатын қозғалыс қандай қозғалыс ?
6. 1-ші ғарыштық жылдамдық нешеге тең ?
7. Дене пішіні мен өлшемінің өзгеруі қалай аталады ?
8. Тұңғыш қазақ ғарышкері ?
9. Қозғалыстағы дененің энергиясы қалай аталады ?
10.Ағыс жылдамдығы аз жерде, сұйықтың қысымы қандай ?

ІІ топ сұрақтары

1. Динамиканың негізгі заңдарын тұжырымдаған ғалым ?
2. Дененің бастапқы және соңғы орынын қосатын бағытталған кесінді ?
3. Шеңбер бойымен қозғалатын дененің үдеуі қалай аталады ?
4. Дененің шеңбер бойымен қозғалысы қандай қозғалыс?
5. Сұйықтың деке қабаттары бір-біріне қатысты сырғанай отырып, араласпай ағатын сұйықтың қозғалысы қалай аталады ?
6. Дене инерттілігін сипаттайтын шама ?
7. Жердің жасанды серіктерінің қозғалыс орбитасы қандай ?
8. Қатты дене мен сұйықтың немесе газдардың арасындағы үйкеліс қалай аталады?
9. Денелердің өзара орналасуына байланысты анықталатын энергия ?
10. Жылдамдығының бағыты да, шамасы да тұрақты болатын қозғалыс ?

3. Физикалық домино
(формулалардың номерлерін ауыстырып қою керек)
І топ

1. Жылдамдық 2. Уақыт 3. Бұрыштық жылдамдық 4. Ньютонның ІІ заңы
5. Жер бетінен белгілі бір биіктіктегі еркін түсу үдеуі 6. Серпімділік күші
7. Дене импульсі 8. Механикалық жұмыс 9. Кинетикалық энергия
10. Серіппенің потенциалдық энергиясы

ІІ топ

1. Жүрілген жол 2. Үдеу 3. Сызықтық жылдамдық 4. Ньютонның ІІІ заңы
5. Бүкіл әлемдік тартылыс заңы 6. Бірінші ғарыштық жылдамдық 7. Қуат
8. Күш импульсі 9. Потенциалдық энергия 10. Үздіксіздік теңдеуі

4. Тез шапшаң тап
1. Ол ғылымда экспериметтік зерттеу әдісін алғаш рет қолданған ұлы италяндық физик және астроном. Ол әйгілі еңкіш мұнарасымен белгілі. Пиза қаласында 1564 жылы туған.
2. Динамиканың негізгі заңлдарын тұжырымдаған ғалым кім ?
3. Ол серпімді деформация кезінде денеде туындайтын серпімділік күші оның ұзаруына тура пропорционал екенін ашты ?
4.Импульс ұғымын енгізген француз ғалымы кім?
5. Ғарышты игеру үшін зымыранды пайдалану идеясын ХХ ғасырдың басында ұсынған орыс ғалымы кім ?
6. Ол 2001 жылы ғасыр адамы атанды. 1991 жылдың 2-қазанында «Союз ТМ-13» ғарыш кемесімен ғарышқа көтерілді. Бұл кім?
7. Тұңғыш ғарышкер кім ?
8. Швейцар математигі әрі механигі.Сұйық ағысына байланысты теңдеуі бар ол кім?
9. Ұшақ қанатының теориясын ұсынған орыс ғалымы ?
10. Физика терминін алғаш орыс тіліне енгізген ғалым ?

5. Семантикалық карта ойыны

Физикалық формулар мен өлшем бірліктерін дұрыс тапқан кезде белгілі бір сөзді тауып шығады.
6. Бинго ойыны
А тобы
№ 1. Автомобиль шеңбер бойымен қозғалып радиусы 50 м бұрылыста модулы тұрақты 10м/с жылдамдықпен қозғалуда. Автомобиль үдеуі қандай ?
№ 2. Тыныштық күйден еркін құлап келе жатқан 3 секундта қандай жол жүреді. Еркін түсу үдеуі 10м/с2
№ 3. Массасы 300г допты 40 м/с жылдамдықпен лақтырған кездегі оның кинетикалық энергиясы қандай ?

Б тобы
№ 1. Дененің импулсі 8 кг*м/с , ал кинетикалық энергиясы 16 Дж. Дененің массасы мен жылдамдығын табыңдар ?
№ 2. Балалар пистолетінің серіппесін 3см-ге жиырған кезде 20Н күш жұмсалады. Сығылған серіппенің потенциалдық энергиясын табыңдар.
№ 3. Жер бетінен 2 м биіктіктегі бұтақта ілініп тұрған массасы 250г алманың энергиясын анықтаңдар ?
7. Шығармашылық жұмыс.
Топтар үй тапсырмасы бойынша бір-біріне сөзжұмбақ, ребустарын береді.
8. Қорытындылау, бағалау
9. Үйге тапсырма.