Главная » Статьи » В помощь учителю » Дошколенок |
Қазақ тілі – қазақ халқының ана тілі. Ол – халық тарихымен қатар жасап, ұрпақтан – ұрпаққа қатынас құралы ретінде қызмет еткен, мәдениетімізді, экономикамызды дамытқан асыл байлығымыз. Сондықтан да өз тілімізге ана деген ардақты сөзді қосып, ана тілі деп атаймыз. Қазақ даналығында «Тіл – ұлттың жан дүниесі, сезімнің, ойдың жанды көрінісі» - деп тегін айтпаса керек. Қазақстан Республикасы өзінің тәуелсіздігін алғалы қазақ тілі мемлекеттік тіл болып қанаттанып келе жатыр. Мемлекетіміздің болашағы біздің қандай ұрпақ өсіріп, тәрбиелеуімізге тікелей байланысты. Бұл жерде мемлекеттік тілге қаншалықты құрмет көрсететінімізді, оны түсінуіміз, қазақ тілін үйреніп, сөйлей білуге құштарлығымыз үлкен рөл атқарады. Балабақша кезеңнен болашақ тұлғаның, еліміздің келешек азаматының ірге тасы қаланады. Баланың бойына сәбилік шағынан бастап мемлекеттік тілге құрмет, отансүйгіштік, адамгершілік қасиеттерді қалыптастыруда оларға үлгі, өнеге бола алатын ата-аналары, тәрбиешілері - өз өмірлерінің нәрін бала тәрбиесіне арналған жандар екені айқын. Балалардың күнделікті сабақтардан алған білімдерін бекіту, сөздік қорларының белсенділігін арттыру, қазақ тілін қолдану аясын кеңейту, қарым – қатынас құралы ретіндегі атқарылу жолдарын іс жүзінде меңгеруге отбасында күн тәртібі кезеңдерінде қамтылып отырылса нұр үстіне нұр. Қазақстан Республикасының тіл туралы Заңының 4 бабында «Мемлекеттік тілді меңгеру – Қазақстан Республикасының әрбір азаматының парызы», Алматы қаласының Білім департаментінің 22 желтоқсан 2005 жылы өткізілген алқасында әр жұма «Біз қазақша сөйлейміз» - деп белгіленген. Біздің шағын орталық «Мемлекеттік тіл – қазақ тілі» бағдарламасы бойынша жұмыс жасайды. Бүгінгі бүлдіршін – келешектің кепілі деп түсіне отырып, бүлдіршіндеріміздің бойында ана тілі деген сүйіспеншіліктерін арттыруға көп назар аударамыз. Бірәқ бізді толғандырып жүрген бір мәселе, жай – ол біз тәрбиелеп отырған бүлдіршіндеріміздің ата-аналарының, кейбір қызметкерлердің орыс тілінде сөйлеуі, өз тілімізді толық меңгермегендіктері. Сондықтан мектепке дейінгі мекемелерде қазақ тілі сөздігінің белсенділігін арттыру, қазақ тілінің қолданылуы аясын кеңейту мақсатында балабақша қызметкерлері, ата-аналары мемлекеттік тілді кәсіби қатысымға, кәсіби мүдделеріне, шынайы және шындыққа үйлесімді түрде, қарым-қатынас талаптарын еселеуді алға тарттық. Ал бұл мақсаттын жүзеге асырылуы тіл үйрету әдістемесіндегі тиімді бағыттардың бірі – қатысымдық бағытың тандап, ата-аналарымыздың, әріптестеріміздің тілін жетілдіруде, оларды сөйлеу әрекетіне үйретуде, сөйлеу қабілетін өз мамандығына байланысты қалыптастыруды көздеп, мәтінмен жұмыс жүргізу сияқты қолайлы тәсілді негізге алдық. Сәлем – сөздің анасы демекші біріншіден ата-аналарымызға, қызметкерлерімізге сәлемдесу сөздерін айтқызу, үйрету. Ата-аналарға қазақ тілін үйрететін әдістемелік ұсыным: 1. Ата-аналарға арналған карточкалар. (Амандасу рәсімі, ас ішу үстінде, жуыну, киіну дағдылары, қонақ келгенде). Тапсырма: карточкамен сөйлесу демалыс күндері. 2. Шағын орталық жайлы бейнематериал. Бұл материалды ата-аналарға көруге беру. 3. Жиналыстарға ата-аналарды шақыру, қатыстыру. Тапсырма: жиналыста өз жанұясы туралы қазақ тілінде айтып беру. 4. Ата-аналардың ертенгіліктерге, сабақтарға қатыстыру. Ата-аналар бұрышына хабарлама іліп қою «Біз бүгін тек қана қазақша сөйлейміз». Тапсырма: балаларға берген тақпақтарды, өлендерді жатқа білуге ұсыным жасау. 5. Ата-аналар портфолиосы (конспекттер, фотолар, бейнематериалдар). Тапсырма: Сайыстар өткізу «Қазақшаң қалай? ата-ана». | |
Просмотров: 1537 | Комментарии: 1 | | |
Форма входа |
---|
Социальные закладк |
---|
Поиск |
---|
Друзья сайта |
---|
Теги |
---|
Статистика |
---|