Главная » Статьи » В помощь учителю » Дошколенок |
ШҚО Семей қаласы "№7 "Ақ бота" ясли-бақшасы" КМҚК тәрбиешісі Жумабекова Айгуль Оралгазиновна Тақырыбы: Камзолды әшекейлеу. Мақсаты: балаларға қазақ қыздарының ұлттық киімі камзолмен таныстыру. Білімділік: өрнек түрлерінің әдемілігін көре білу қабілеттіліктерін ұйымдастыру, олардың түстерінің үйлесімділігін, жолақтарда «Қызғалдақ» өрнегін бейнелеуді үйрету. Дамытушылық: балалардың ой-өрісін, қиялын, тілін дамыту. Тәрбиелік: балаларды ұқыптылыққа, эстетикалық талғамын қалыптастыруға тәрбиелеу. Көрнекіліктер: әр түрлі ою-өрнектер, бірнеше камзолдар, түрлі-түсті қағаздан жасалған камзолдар үлгісі, қызғалдақ гүлінің бейнесі, желім, сүрткіш. Ұйымдастырылған оқу іс-әрекетінің барысы: Шаттық шеңбері: Табиғат біздің анамыз, Табиғатқа баламыз. Иіліп сәлем береміз, Біз әдепті баламыз. Әңгімелесу: - Бүгін бізге Айсұлу қазақ қыздарының ұлттық киімін киіп келіпті. Оның үстіне киген киімдеріне жақсылап назар аударыңдаршы. - Мынау бас киімі. Оны қалай атайды? Тақия. - Үстіндегі киімді қалай атайды? Көйлек. - Ал, мына көйлектің сыртынан киетін киімді не дейді? Камзол. - Ұстап көріңдер, осы киімдер неден жасалған екен? (Балалар ұстап көреді) - Осы тақия мен камзол шеттері немен безендірілген? Ою-өрнектермен. - Қандай өрнектің түрлерін білеміз? - Қошқар мүйіз, құс қанаты, ирек су, гүл шоғыры. Тәрбиеші ою-өрнектердің суретін көрсетеді. Есік қағылып қонаққа қуыршақ Айсұлу келеді. Айсұлу қуыршақ: - Сәлеметсіндер ме, балалар! - Қуыршақ Айсұлу «Наурыз» мерекесіне дайындалып жүр, сол үлкен мерекеге киетін камзолын тігіп бітіре алмай жатыр екен. Сендерден көмек сұрап, камзолын әшекейлеп беруді сұрайды. -Ендеше балалар, мына әдемі қызғалдақтармен камзолды әшекейлейік. (Тәрбиеші үлгіні көрсете отырып, камзолды әшекейлейді). Сергіту сәті: Ал, балалар, тұрайық, Ою-өрнек сызайық. Құс қанаты, қошқар мүйіз, Ирек су, гүл шоғыры. Ою-өрнек әлемі, Қылқаламды алайық, Сызып өрнек салайық. - Мына әдемі қызғалдақтармен камзолды әшекейлеуді жалғастырайық. Балалар түсті өздері тандай отырып, қызғалдақтармен әшекейлейді.(Әрбір баланың алдына түрлі-түсті қағаздан қиылған камзол мен қызғалдақ гүлінің үлгісі таратылған). Дидактикалық ойын «Кім не киеді?» Мақсаты: балаларға қазақтың ұлттық киімдері бейнеленген суреттерді көрсетіп, ұл және қыз баланың не киетінің үйрету. Ойын барысы: үстел үстінде қазақтың ұлттық киімдері бейнеленген суреттер, балалар осы суреттерден ұл және қыз баланың қандай киімдер киетінін атап шығады. Қорытындылау: Тәрбиеші балалардың әшекейленген камзолдарын куыршақ Айсұлуға көрсетеді. Жасалған жұмыстарын мадақтап, көрме ұйымдастырып, қоштасады. «Жүректен жүрекке» шеңбері: Қол ұстасып тұрайық, Шеңберді біз құрайық. Көріскенше күн жақсы, Сау-саламат болайық. | |
Просмотров: 1763 | |
Форма входа |
---|
Социальные закладк |
---|
Поиск |
---|
Друзья сайта |
---|
Теги |
---|
Статистика |
---|